واش راكم اعضاء المنتدى انشاء الله تكونوا بخير حبيت نسقسيكم عن حالتي عندي سرعة خفقا ن القلب كل ماندير جهد يولي قلبي يضرب ونفسي نعود بسيف نجبد فيها مع اني ماعنديش مرض القلب والحمدلله حتى الدروج بسيف نطلع فيهم وزني 78 وطولي 1.59 واش تنصحوني اخواتي ولا واش هي حالتي وجزاكم الله الجنة
ريجييييييييم……………..
ختي لازم وزنك يكون قريب من طولك او نتي ماشاء الله راكي 78 قريب ل 80 او بزاف
ننصحك بالريجيم ابتعدي عن الخبز ز المشروبات الغازية و كل ما هو مقلي. حاجة خفيفة. او كثري. من السلطاة و شرب الماء
هدا مكان ربي يبعد عليك الامراض
لا اختى هي نفس اعراض كانت عندى
ابسط مجهود نتعب نفس اعراض كيما قلتي
عملت كل تحاليل خرج لى عندى خلل بعمل الغدة الدرقية
مع العلاج راني بديت نتحسن الحمد لله
ضربات رجعت منتظمة والحمد لله
لان الخلل بعمل الغدة يسبب خلل فى عدة وظائف فى الجسم
قد تكون بسبب الوزن زايد
ديري تحاليل او شوفي طبيب مختص بالغدد وان شاء الله مايكون غير الخير
عندك السوفل في القلب
أذهبي للطبيب ليعمل لك تخطيط القلب
منقدروش نحكمو معندناش معلومات كافية نرجح يمكن خلل بهرمونات الغدة الدرقية ويمكن ويمكن
ننصحك تزوري طبيب وتاكدي من حالتك والصحة كنز متتهاونيش
– لازمك تخطيط القلب ECG
– لازمك تحاليل الدم: glycemie – cholesterol total – triglycerides- TSH – chimie des urines
ربي يعطيك الخير
+ نقولك واش سبب هذا المرض لأنو أحد أفراد عائلتي يعاني منه و ليس مرض القلب هو المعى الغليط
المعي الغليظ هو لي يضغط على القلب و يدق بسرعة
و هذا راجع الى الغازات لي في المعي حاول قدر المستطاع تنقص من القازوز و الماكولات لي تسبب الغازات
و تفادي الخلعة أيضا لأنها من أحد المسسببات الى ما تعاني الخلعة الموجودة على مستوى البطن عليك بالحلبة هو مشروب يباع في الصيدليات
و ان شاء الله خير
سلاااااااااااااااام
|
المشاركة الأصلية كتبت بواسطة ايمان البرايجية
 أخي انت بدين جداااا عليك برجيم
+ نقولك واش سبب هذا المرض لأنو أحد أفراد عائلتي يعاني منه و ليس مرض القلب هو المعى الغليط المعي الغليظ هو لي يضغط على القلب و يدق بسرعة و هذا راجع الى الغازات لي في المعي حاول قدر المستطاع تنقص من القازوز و الماكولات لي تسبب الغازات و تفادي الخلعة أيضا لأنها من أحد المسسببات الى ما تعاني الخلعة الموجودة على مستوى البطن عليك بالحلبة هو مشروب يباع في الصيدليات و ان شاء الله خير سلاااااااااااااااام |
سلام اختي
المعي الغليظ يضغط على القلب 
يمكن مقلولكش المعلومة الصحيحة لانها معلومتك خاطئة للاسف
اطباء ميقدروش يحكمو على حالتو لازم فحوصات وفحوصات
تعليقا فقط على وزنك
78/(1.59)2= 30.85
في هذه الحالة عندك زيادة في الوزن surpoid
وهنا يكون عندك les risque cardiovasculaire
المهم لازم تزور طبيب كاين احنمال كبير خلل في افرازات الغدة الدرقية hypo ou hyper thyroidie
هدا مجرد احتمال ويبقى الرسمي عند الطبيب ربي يشفيك ويشفي جميع المرضى
على ما أظن وزنك هو السبب
ثانيا / ما توسوسيش روحك بدقات القلب فهذا يجعلك تعتقدين أنو قلبك ماهوش نورمال
بالتوفيق إن شاء الله
|
المشاركة الأصلية كتبت بواسطة leilaz
واش راكم اعضاء المنتدى انشاء الله تكونوا بخير حبيت نسقسيكم عن حالتي عندي سرعة خفقا ن القلب كل ماندير جهد يولي قلبي يضرب ونفسي نعود بسيف نجبد فيها مع اني ماعنديش مرض القلب والحمدلله حتى الدروج بسيف نطلع فيهم وزني 78 وطولي 1.59 واش تنصحوني اخواتي ولا واش هي حالتي وجزاكم الله الجنة
|
سبحان الله والله العظيم انا نعاني من نفس اعراضك رحت للطبيب قالي راني انيمي و اعغطاني داواوات انا حسبت روحي بيا تعب تاع الدراسة لكن امي ربي يحفضها عاونتني دايما تديرلي حلبة معا نعناع و نحليهم بالسكر القندلي و نشربو والله مجربة تريح و زيد لازم ساعة على ساعة دير شوي سبور و رياضة المشي مليحة ياسرر للقلب مع انو انا ثاني معنديش مرض القلب نظم الاكل تاعك و اوقات نومك وارقد مليح هادا ماكان بلاك راك بيك الاجهاد او الكولون (المعي الغليظ)ل هوا ثاني اعراضو كيما هاك و يسارع دقات القلب و زيد لازم تروح للطبيب لانو هو الوحيد اللي يقدر يقلك واش بيك و ينصحك واش لازم تدير ربي يشافيك انشاءالله
ما هوش وزن خطير ، و حالتك يمكن أن تكون خلل في الغدة الدرقية أو أنيميا و لها هنا نفس الأعراض ، لازملك تحليل شامل
و بالشفا إن شاء الله
ما تاخدي راي حتى واحد
روحي للطبيب وهو يفسرلك حالتك
كما انه عندك زيادة في الوزن فوزنك الطبيعي لازم ما يفوتش 60
ربي يشفيك
بارك الله فيكم صح انا عندي المعي الغليظ بصح درت لاناليز تع الغدة طلع ماعنديش الغدة الدرقية ورحت لطبيب القولون قالي هادي القلقة لي ديرلك هاك وكل طبيب واش يقول وما عرفت حتى طبيب لي روحلوا واش من سبيسياليست
