جيبو القماش اللي فصلتوه
حطي السجاف تاع الرقبة الوجه مع الوجه في الظهر و الصدر و خيطي ديما لخياطة تكون موازية للحاشية تاع لقماش
بعد ما تخيطي السجاف قصي الرقبة من داخل شلطيها يعني ما توصليش للخياطة كيما هك
و تقلبي السجاف لداخل و تخيطي الصدر برك الظهر خليه
بعد ما تقلبي السجاف و تخيطيه جيبي الظهر حطي عليه الصدر وجه الكتان على بعضاه و دخلي الصدر الي راكي خادماتو بين الظه و السجاف تاع الظهر كيما هك
و امبعد اقفلي الكتف عادي و عاودي لخياطة و ميلي شوية كيما هك
كاين اللي يخدمو الصدر وحدو و الظهر وحدو و يلصقو الكتاف مي ما تجيش الخدمة نظيفة مي الطريقة هادي تجي الخدمة نظيفة خاطر نخبو لخياطة
بعد ما تخيطي اقلبي السجاف لداخل و خيطيه
وبعد ما كملنا خدمة الرقبة نقفلوا الجناب و نكفوا الدفار على حساب قياسنا
بعد ما كملنا الخدمة في القندورة نروحو لليدين نكفوهم و نخيطوهم و في لكتف نديرو تكماش
هك نكونو كملنا لخياطة انحو لخيوط و و انظفوها و نحدوها بش تبان خدمة مليحة الحدادة تزيد النص في القندورة
و هاهي قندورتنا
هادي مثال على طريقة لخياطة انا عذبتني شوية خاطر صغيرة تاع طفلة مولاة نهار ههههههههه تعذب شوية لحوايج صغيرة خاطر صعيبة تتحكمي فيها مي انتم تجيكم ساهلة و الماشينة تاني تقطعلي في الخيط
ان شاء الله فهمتوني وجاكم درس ممتع و كنت خفيفة ظل عليكم
هادي مبادئ خياطة قندورة و لازم تشلطو الرقبة سيرتو الرقبة لمدورة و كتن الرقبة v ولا كاري قصو الزوايا تاعها و الا ما تتقلبش معاكم
يا الله ورولي شطارتكم
ماشاء الله عليك يا الفحلة وربي يعطيك على حساب نيتك التطبيق تاعي نحطهولك في نهاية الأسبو ع بسبب ارتباطاتي وراني متحمسة باه نبدى نتعلم الخياطة على يديك
خيطته استاذ.
بقاتلي غير هذك القطع الصغيرة
بارك الله فيكي عمل متقن و نضيف
يعطيك الصحة
شكرا ليك اختي انا فصلتها او ماجاتنيش مليحة من جيهة الليمونش مفهمتش وعلاش
بارك الله فيك
شكرا على التطبيق
الله يكملك ويعطيك على قد نيتك
استاذة تقوة وين تسكني في الواد
و فيكم براكة هانا نتعلمو من بعضانا ربي يقدرني و نساعدكم بالشي اللي نقدر عليه
اسم مرا وينو تطبيقك نشوف غير فالهدرة و ما شفتش الخدمة؟
اختي لينا حطيلي نشوف الصورة و نقلك على الديفو كان قدرت
اختي mari تعرفي الواد؟
ايه نعرفهاا مليييح
قوليلي لبلايس اللي تعرفيهم
يعطيك الصحة يا الفحلة
البياضة والرباح وقمار وكوينين ولييزيرق وواد العلندة ومهونسا وورماس الطرفاوي الشط تكسبت القارة حي النور الاصنام … نعرفها الكل
Ya3tik saha oustada rani m3aha aki ta3arfi dar wouhwalha zidi rani mrida man dahri hadawin jit man 3and lkini rani nhoutlak choufi wa3tini nikat hhhhhhh ana tama3a
