هل في حياتك مثل هؤلاء الاشخاص 2024.

السلام عليكم ورحمة الله تعالى وبركاته
هل في حياتك مثل هؤلاء الاشخاص ؟؟؟؟؟ زملاء لا استطيع نعتهم بالاصدقاء شبه اصدقاء لانه هوما يلقاوك وانت ولا مرة تلقاهم
نوع من الاشخاص يترقبون حركاتك في كل مكان يتعطشون لمعرفة جديدك بل ويغضبون ان لم تقل لهم تفصيلا بيسط في حياتك
شخصيا اعرف وحدة ويا ليتني لم اتعرف عليها
لا تكف عن "بالدارجة تعكسني " تتقصى اخباري من اي انسان يعرفني والله حيرتني بزاف دائما على لسانها ما جديدك ان قلت لها لا جديد تبدأ بالكلام الزايد كيما نقولوا
في مرة من المرات شافت صورة لي عندما كنت في الثانوية صرخت باعلى صوتها كاذبة هذه ليست انت ماكيش انت هادي بصحتها وسمينة وزينة ههههه يا بنتي هادي انا بصح من الجامعة والقرايا فقدت بعضا من وزني
هادوك الايام شافتني اسمعي انتيا وعلاش اكي ترفدي في صحتك ابقاي رقيقة اكي تبشاعي ؟؟؟؟؟ والله مفهمتها
مانيش انا برك اللي لاحظت هذا المحيطين بي لاحظوها كيف تنظر اليا وانا ممنتش
اتكلم معها بكل ادب ترد عليا ردود في مرة من المرات بكيت والله بكاتني قلت واش درتلها هاد الطفلة حاطتني في دماغها
في مرة من المرات قاعدة نهدر على واش نلبس في عرس اخي معجبهاش الحال كي خيرت لبسة مليحة

احس نفسي مراقبة من كل الجهات حتى انني عندما نغيب تخرجلي من هاتف اختي وحد الاصرار تولي تعيط تعيط وتعاود وينك كشما درتي مفهمتش واش خصها عندي هاد الطفلة

كيف اتعامل مع هكدا اشخاص والمشكل اذا اجتنبتها ديرلي حالة وصارحتها من قبل قتلها علاش الديري هكدا وتهدري بالطريقة هادي قتلها اظن طريقتك ف يالمزاح يمكن تتفهم خطأ دارتلي حالة قاتلي وشكون اللي قالك نتمصخر انا كي نقولك هدرة هاديك هي
مزاح السخرية والمشكل العبد اذا مهداهش ربي هي التي ستكون في موقع سخرية وراهي حاسة بروحا مليح
فهموني هل صادفتم هذا النوع من الاناس يحبوا بالسيف يعرفوا اخبارك ونهار كامل وراك وكي تحب يعاونوك بكل وقاحة تقولك منقدرش دبري راسك في وحد المرة باقية تشكيلي من الدراسة كي بديت انا نهدر ونشكي من بعض الاساتذة كوباتلي الهدرة وراحت غلقت المحادثة مفهمتش هل هاد النوع يحب يعمرلك راسك وهو فارغ شغل ؟؟؟؟؟؟؟؟؟
انا حقا مديقوتيا خلاص

السلام عليكم اختي
انا عندي جارتي واش نقولك مديرة قناة الجزيرة لازم تعطيها حتى الساعة عييت انا نقرعج مي هي دوبلاتني
يا اختي لازم تحكيلها كل شي وباسلة يسالة واعرة يعني مي انا ما نحملش نحطها عند حدها مرة وخلاص ما زادتش دارت بيا خلاص الناس خصوصياتهم شوفي انا نحب نزعق ونقسر ممكن اعز صديقة تسقسيها من باب نتقلق عليها نحب نعرف جديدها وعلى العك ماذابيا لو تشورني في لبسة او حاجة نحب نشوف صحبتي في احسن هيأة وما نحبش نرمي روحي على الناس والله يجو ليا للدار يعاتبوني علاه ما تزوريناش مي انا ما نحبش نتعدى على حدود الناس هذو يسومهم الناس الصامطين عندنا مثل يقولك ما تخليش روحك حلو يسرطوك الناس وما تخليش روحك صامط يبزقوك الناس حاشاك شكرا.

نعم أختي الكريمة ناس يتبعو ناس في كل مكان في واقعك في خيالك في كوابيسك تراهم يخططون لك يتربصون بك الدوائر والبحث عن أحزانك دون أفراحك وشكرا على الموضوع

نعم كان عندي لكن تخلصت منهم

اكييييييييييييييييييييييييييييييييييييييد

يوجد يا أختي الكريمة
شكراً على طرح الموضوع
أعاني من نفس حالتك
لم أجد الحل لحد الآن
جربت بالردود الطيبة … كلاونا
جربت بالردود المتفجرة … لا حياة لمن تنادي، دابة وخلاص -عذراً على المصطلح-
تهدر معاهم سيريو ماراك مليح تهدر بالزعاقة ما راك مليح
والله مشكلة كبيرة
والمشكل الأكبر أنهم يلصقو فيك -يعني ما عندهم حاجة يحشمو عليها-

الله يجيب الخير
واللي عندو الحل يتكرم علينا بيه ويرحم والدينا ووالديه
اللهم إنا نعوذ بك من شياطين الجن والإنس والله يهدينا أجمعين
بارك الله فيك أختي

والله ىشوقتونا لهذا الصنف …سلفوني واحد ههههههه ..انا حقيقة ما عنديش ذرك …لاني بطبعي اكره" الذيول " …وبمجرد ان احس بالتطفل ..اتحول لشخص عصبي وعدواني مباشرة …لكن بالمقابل لا اهتم باحوال الاخرين وحياتهم الخاصة اطلاقا

صحيح هناك مثل هذه الفئة………كان لي صديقة و من نفس العائلة ايضا…..تحب أن تعرف كل صغيرة و كبيرة…….و تحب أن تعرف اسرار الناس من طرفي…..يعني اذا حكت لي بنت سرّها ……يجب أن احكي لها هذا السر……و تحب التدخل في كل شيء…..و لن أكذب عليكي صارحتها بتصرفاتها و أن لا يجب أن تتدخل فيما لا يعنيها…….حاولت نصحها بطرق كثيرة…..لكن هي لم تفهمني فانقطعت صداقتي معها……

شوفي ختي متخالي حتى واحد يدخل في حياتك لخاطر الناس تموت على التقرعيج متعطيهاش لوكزيو باش تعرف اعليك حتى اتفه الاسباب يعني لوحيها في التقيل شحال من خاطرة حتى تفهم روحها

بالتركيز على حالة صاحبة الموضوع …هناك وضعيتين الاولى متعلقة بالناس الي اتحب اتقرعج وتتقصى الاخبار من بعيد هذو الله اسهل عيهم اسقسي ما اسقسيش ما علاباليش بيه المهم ما اقربش ليك واكسرلك راسك…الثانية هي الناس الي تكون قريبة ليك في محيط دراسة او عمل او حتى في محيط عائلي ونظرا لغيرة زائدة وحسد في بعض المواقف احبو يحرجوك واديرولك عفايس باش اخلوك تبان صغير .هذو لا ينفع معهم شيء الا الحزم والمواجهة والشخصية القوية و اذا يغلط راح اخلص ورد عليه باسلوبو باش يفهمك واتاكد موش راح ازيد اقربك لانو راح اخاف منك مستقبلا.

اقتباس:

المشاركة الأصلية كتبت بواسطة مريم الصابرة السلام عليكم اختي انا عندي جارتي واش نقولك مديرة قناة الجزيرة لازم تعطيها حتى الساعة عييت انا نقرعج مي هي دوبلاتني يا اختي لازم تحكيلها كل شي وباسلة يسالة واعرة يعني مي انا ما نحملش نحطها عند حدها مرة وخلاص ما زادتش دارت بيا خلاص الناس خصوصياتهم شوفي انا نحب نزعق ونقسر ممكن اعز صديقة تسقسيها من باب نتقلق عليها نحب نعرف جديدها وعلى العك ماذابيا لو تشورني في لبسة او حاجة نحب نشوف صحبتي في احسن هيأة وما نحبش نرمي روحي على الناس والله يجو ليا للدار يعاتبوني علاه ما تزوريناش مي انا ما نحبش نتعدى على حدود الناس هذو يسومهم الناس الصامطين عندنا مثل يقولك ما تخليش روحك حلو يسرطوك الناس وما تخليش روحك صامط يبزقوك الناس حاشاك شكرا.

المشكل منعرفش قالتها وحدة نعرفها نبزق الناس من حياتي وكون نحب نسيي قادرة نخرج للعيب وانا منحبش هكا
شكرا للمرور الطيب

اقتباس:

المشاركة الأصلية كتبت بواسطة رجل الفضاء نعم أختي الكريمة ناس يتبعو ناس في كل مكان في واقعك في خيالك في كوابيسك تراهم يخططون لك يتربصون بك الدوائر والبحث عن أحزانك دون أفراحك وشكرا على الموضوع

صحيح ما قلته اخي الكريم شكرا جزيلا