السلام عليكم سؤالي خاصة للرجال بغيت نقلكم واش صرا و واثقة راح تنوروني برايكم الصريح لانو فعلا مخي توقف من التخمام
بداية انا معلمة تقريبا 34 سنة تقددملي شخص كان في الجيش و كمل 15 سنة و الان كل يوم عمل
الفارق المادي بيناتنا واضح هو صارحني بوضعو بالتفصيل و قال اصبري معايا و راهي ظروفي ماهيش مليحة خاصة ماديا
شروطه او اساسيات عندو قال باه من بعد ما تصراش مشاكل
1- الخروج الا لضرورة و وقت لعمل من العمل للدار و من لدار للعمل و الحديث مع الرجال ممنوع مهما يكون مع من …و هاذي عادي انا تربيت عليها
2- الذهاب لاهلك ماشي كل يوم لبيت والديك ماشي مشكل اي وقت اما اخوتك لا الا لضرورة…علاقتي مع خاوتي جد وطيدة و نروحلهم بزاف و كلهم متزوجين ؟؟؟؟؟
قال انو الوالدين ضرورة اما الاخوة عندو حاجة زيادة
3- الحجاب يكون بمواصفاة شرعية …..اكيد و لازم
4- مشاكلك مع اهلي اخواتي او امي بيناتكم انا ما نحبش كل واحدة تجي تشكي و ندخلو في حكايات اخرى
5- ماهوش قادر على سكن منفرد و راح يسكن مع اهلو بطابق وحدو لكن حتى السكن فيه يتطلب صبر معايا ….15 سنة عمل و مادار والو ؟؟؟؟؟؟؟؟
6-المهر احنا بمنطقتنا متعارف عليه على حاجة معينة قالك ساعدوني و نجيب على قد حالي … المهر هاداك مانيش قادر عليه …….15 سنة عمل + 3 سنوات من بعد لا وفرسكن لا حق مهر كما يجب
7- قتلو كنت مخطوبة سابقا قالي عادي تصرا بزاف خطبة و انفصال و من بعد سأل اذا راه من نفس الحي او العائلة ام لا ؟؟؟؟؟؟
8- قالي يا بنت الناس راني نخدم اي حاجة حتى و لو نبيع الخضر باه ما تقولي راني نتاع بيرو ما والو راني نخدم اي حاجة للعلم والدو يبيع الخضر و ماشي في حانوت بالسيارة …. وضعنا العائلي ماديا الحمد لله و الفارق واضح هل راح نتأقلم مع هكذا وضع
9- قالك خلي اسرارك لسك حتى خوك الوقت الحالي و ما يحبلكش الخير قتلو انو كل واحد حسب ربايته و انا خاوتي ما نقدرش نستغنى علهم قالك الوالدين صح الخاوة لا …. رافض حتى علاقتي مع خاوتي و مافهمت والو على هاذي النظرة السلبية تجاه الاخوة
يا اهل الخير يا بنات و يا خاوتي الرجال ما راحش نقلكم الامور لي فهمتها من كلامو ايجابية او سلبية نتمنى رايكم خلوني نشوف اذا صح تفكيري منطقي ام لا
واش رايكم في شخص بكل ما قلت
جل الشروط تقريبا عادية و يمكن تفهمها إلا قضية " الإخوة "، فلا يجب أن يتضمن العقد أو يشترط للزواج قطيعة رحم
أنا لا أنصحك بالرفض و إنما أن تطلبي منه تحديد موقفه بوضوح شديد تجاه هذه القضية مادام أنه هو الذي فتح الكلام فيها
كما أنصحك أن تسألي عن أخلاق الشخص و أن تستخيري الله تعالى بكل إيمان و تضرع
أسأل الله لك التوفيق في الزوج الصالح
Hhhhh
wch bikom lmohim zawaj nsity haja wahda qalak mamno3 tatnafssi
mokhi hbass tbhdila kifach tqabli yhinak lhad daraja wach ma3ntaha ydirlak chorote hadi ihada mahassitiche biha
inti litdiri chorote machi howa imala lokane matqbliche choroto marahche yzawjak
hada robama modmine khamre aw mokhadirate 3la hada majma3 waloi
ghir ahrbi mathdriche m3ah kamale w lokane yhdar m3ak chkihlchorta inssane khatir lazmlo sijane lmoabad
هذا حاب يتزوجك على جال خدمتك وشهريتك ( المعلمات مطلوبات فالسوق) شهريتو لمو وشهريتك تصرفي بيها على دارك
ثم هذا حاب يقطعك على أهلك كيفاه يقلك خاوتك مايزوروكش وماوش لازم ؟؟ عيب الهدرة هاذي قلو نتا متربي ماتزورش خواتاتك ومقاطعينك ومقاطعهم حنا لالا ننصحك أخطاكي ماتقبليش
كي دخلو فيها الإخوة ننصحك ما تقبليش و ربي يرزقك بالزوج الصالح
إلا قبلتي راكي جبتي الهم لراسك
واحد ما يخدم ما يردم و لي خدمهم في شحال من سنة مابانوش خاوتك للا قال زيادة ياخي حالة ياخي
أختي ميخلعكش السن ديالك و تلوحي روحك برك
ربي يجيبلك خير منو
و الله اني نشوف في الناس قاعدة تنصح و تدير في احكام و تقلك اخطيك منو و هادا مدمن مخدرات و واحد يقلك او طامع في شهريتك ، سبحان الله ـ آآ جماعة مدو نصيحة و رايكم و فقط ، علاه راكم تحكموا على الناس ؟؟؟؟؟
الاخت صاحبة المشكلة احذري تسمعيلهم و لا يوسوسولك ـ عينك ميزانك
لا ادري ما اقول اختي ؟؟؟؟؟؟؟؟؟؟؟؟؟؟؟؟؟؟؟؟
الخروج الا لضرورة
الحجاب يكون بمواصفاة شرعية
هذا واش عجبني في الشروط
اما الباقي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انت استخيري الله وتاكد جيدا منه خلي اهلك يسالون عليه مليح مليح
المهم يكون ذو اخلاق ودين
والله المستعان
المعلمات مطلوبات
15 سنة مادار والو
salamou aalaykoum oukhti istakhiri rabi khatar hadh sayad hwalou mayaajbouch makich nti li bghitih bach tousabri aala blah raki bkhadamtak wa rajala bezaf
ما خاب من استخار
استخيري اختي و مترميش روحك على جال السن نتاعك
السلام عليكم اختي الكريمة
انا مثلك تماما عاملة ولست صغيرة في السن تقدم لي شاب بنفس مواصفات الشاب الذي تقدم لكي كدت اوافق عليه نظرا لظروفي ومجتمعنا الذي لا يرحم ولولا ستر ربي ونصائح الاخوة الكرام لقبلت واكيد مصيري الندم لان الفروقات بيني وبينه كبيرة وربي يعوضني خير . اختي ليس عيب ان تتزوجي شخص حالته المادية متعبة وتعاونيه المهم في اخلاقه وتدينه وان لا يكون مطلبه الاساسي المادة يعني يركز عليها في اي شيء .
لا تفرطي في اهلك ابدا
استخيري في الثلث الاخير من الليل وادعي ربي واكيد ان كان فيه خير سيكتبه الله لكي
ثقي ان مكتوبك ياتيكي
ربي يرزقني واياكي بالزوج الصالح
السلام عليكم ورحمة الله
أولا وقبل كل شيئ انسي سنك، ولا تحطي من نفسك، ولا تقعي في تنازلات وتضحيات لأي سبب من الأسباب.
القليل القليل من يستحق التضحية (باش مانقولش ماكانش).
شخصيا لن أقبل ولن أرضى برجل يريد أن يبدأ علاقتي معه على حساب قطع حبل مودتي بأخي،
أو تحديد شروط وقيود لعلاقتي معه،
ولن أرضى البتة برجل ليس من مستواي الاجتماعي أو الفكري.
هذا رأي أرجو أن تتقبليه بصدر رحب.
اما عن قضية الاخوة فلا انصحك يا اختي هذا مشكل
الاخوة هوما سند الاخت وكتفها وراس مالها في حياتهاااا
الراجل لي ما يلقاش اخوة للطفلة يدير رايو فيهاااا لانو علبالو بللي ماكانش لي يجيبلها حقهاااا
على هذيك يبعدها باش ما تشكيلهم ويخلوه يدير رايو
الزوج ديما تحت انظار اخ زوجته
ثم لم تتنازلين عن شروط تزحزح راحتك؟ وتسبب لك مشاكل؟
لم تتنازلين عن مهرك وعن السكن المريح؟
فكير جيدا ليس الزواج بلعبة تنازلاتك وعدم رضاك يدخلك في مشاكل تكرهين حياتك بسببها بعد الزواج
هو يعرف جيدا أن الاخوة هم سند أي فتاة و يدافعون عنها .
