ندير عرسي ونزها . كيما نحب !! 2024.

الزواج سنة الله و رسوله وهي من محطات الحياة اللي يرسمها الإنسان في حياته.

واش رايكم ………..وكما نتشرف بمشاركات من تم زواجهم.
وكيفاش راك حاب دير ولا ديري عرسك …….

بالبندير ……………………

السلام عليكم مانطنش انوا بقاو ناس يديروا كيما بكري العراس بالموسيقى العالية على الاقل عندنا فالجزائر العاصمة وانا عن نفسي ماحبيت ندير والوا درت عشاء كبير و وعرضت الحباب ومادرت والو غير بوسط عادي vcd قيسنا حنايا المعاريض والحمد لله جاز مليح وهايل
والله الناس دوكا دينت ماولاوش يبدروا ولا يديروا الموسيقى ولا ……. من مظاهر العراس الكبار انا طفلة وحدة فدارنا ودرت عرس عادي جدا جدا جدا اكثرية الناس حارت كي جات لكن درت عشاء مليح وحلوة وسهرة والحمد لله راني اليوم فداري كيما تقول ماني كامل تصبحوا في دياركم بلي دارت الزرنة بلي دارت قيسها قيس روحها .

السلام عليكم

وشكرا

صراااااااااااحة بربي ان شاء الله عرسي حبااتو بدون غناااء وفي لصال بااش يجي منضم ان شااء الله برك ر بي يقدرني ومنسمعش حتى لوسوسة وااحد تعر ف كلاام النااس والله كو ميكونش عندك امان قوي ترووح في الرجليين

مازال ما جاش مي دايمن نقول اذا كتب ربي ان شاء الله ما نبداش حياتي الجديدة بالمنكر وحاجة حرام هاك ربي يباركلي في حياتي

هذا رايي فاقبلوا مروري سلام

نتمنى عرسي يكون هو بدياة حياة زوجية يكون بما يرضى الله مانحبش نزهي ناس ونغضب ربي
راح ندير موسيقى لكن نختارها بعنايا الفاظ تكون محترمة وكاين مشاء الله اغانى مليحة وتنفع تكون في عرس
واحنا في عائلتى مايديروش دي جي ولا يجيبو شونتوغ يغنى لا نديرو حاجا خفيفة نسمعو غير صحاب الدار تكون محترمة

ان شاء الله حابة نديرو بلا غنى لكن صعب والله و يا رب و نكمل على هذا القرار

السلام عليكم
حنا عندنا يديرو الديجي نهار التصديرة الايمات الاخرى يديرو الدندون الجيران كامل يتلمو خير من الغنا هداك نتاع الشكلي
انا عرسي ان شاء الله نديرو بلا غناء و منعرضش الغاشي بزاف وندير كلش في نهار واحد

نهار ربي يكتب ندير ان شاء الله في لاصال و كيفاه لازم يكون عرس اسطوري و يجي يديني في الطونوبيل التالية كامل الله يسهل عليه و مايقوليش ماعنديش الدراهم لازم نحس روحي سندريلا و اذا بغى نهرب من العرس و نخليلو الصوندال تاعي .راني نتمسخر برك والله الحاجة الوحيدة الي راني نخمم فيها هو كيفاه راح يكون برك اما كيما يقولو ديري عرس و لا ماديريش الصح واش كاين موراه و الله انا المهم نلبس لاغوب بلونش و نخرج من تحت يدين بابا و عارفة روحي رايحة عند راجل راح يحافظ عليا و ربي يجيبلكم مكتوب مسقم

اقتباس:

المشاركة الأصلية كتبت بواسطة morad81 الزواج سنة الله و رسوله وهي من محطات الحياة اللي يرسمها الإنسان في حياته. كيفاش يحتافلوا كل منطقة و تقاليدها …..لكن المشترك فيها هو الغناء بمكبر الصوت اللي يقلق الجيران . أنت اللي مازالك ما تزوجتش …كيف تظهرك هاته التصرفات . وطبعا ثاني لبنات نفس الشيء. هل تستطيع أنك دير عرسك دون موسيقة ….أو تستعمل الدف(البندير)……. واش رايكم ………..وكما نتشرف بمشاركات من تم زواجهم. وكيفاش راك حاب دير ولا ديري عرسك …….

راني معول بإذن الله نجيب وحد العجوزة تعرف تغني الغنا تاع بكري وتقول البوقالات وتضرب الدربوكة وناوي استغني تماما عن الموسيقى والديجي …….وأكثر من هذا نوصي الأم تاعي أنها تمنع الرقص وكذا التصوير سواءا بالآلة التصوير أو البورتابل داخل صالة النساء للحفاظ على خصوصية النساء المدعوات مع منع دخول أي رجل أو شاب للصالة المخصصة للنساء

واش رايكم بالزواج الإسلامي فيه أنا شيد بدل من الغناء والموسيقى التخلاط لا يجوز حفلة صغيرة يباركها ربي لا يذكر فيها إلا الله يستعمل فيها الدف والكلام الطيب وخليكم يا بنا ت من التصديرات خلونا من العادات اللي مافيهافائدة المهم الزواج حلال لا يمكن تلويثه بالحرام ربي يبارك في القليل أن شاء الله ربي يفرج على كل الي حاب الحلال ويا ويلو اللي يدير الحرام

السلام عليكم
أنا من جهتي نديروا تماااااااااما كيما الفيونساي
بـــــــــــــالأنــــــــــــــاشـــــــــــيــــ ـــــــــــــد
وفقط
هو صح نهار الفيونساي خالاتي وعمّاتي ما عجبهمش الحال بزاف في الأول
مي من بعد رضاو و زهاو وجاز رووووووووعة ما شاء الله والحمد لله
ونهار العرس إن شاء الله كيف كيف
لأنوا أنا ما نحبش الغنا وما نسمعوش وأبي وماما وخاوتي وزوجاتهم كذلك
وبالنسبة لخطيبي يدير عرس سُكيتي يعني وااااااااااالووووووووو
لا غنا لا أناشيد لا بندير لا والو
وليمة وفقط لأنوا كي هو كي باباه ممنوع الغنا في الدار
المهم ادعولنا ربي يهنينا ويجمعنا في ما اقرب
ويجمع بيننا على خير ما جمع به بين أحد من خلقه
والإنسان قبل ما يرضي الناس لاااااااااااازم يرضي ربي سبحانه وتعالى
أم ما هو رأيكم؟؟؟
سلاااااااااااااااااااااااااااااام