ما شاء الله على هذاك البراسيار ملبوس الهناء ان شاء الله عندي طلب وهولو كان توريلي كيفاه خدمتيه وربي يعطيك ما تتمناي ان شاء الله
السلام عليكم و رحمة الله و بركاته
شكرا لك على التقة و نتمنى نكون عند حسن ظنك و اسفة على الاطالة لاني لم اعد اتصفح المنتدى بسبب ظروف و ربي يحفظك لسؤالك عني
هادا تقريبا نفس لي طلبتيه تحبي تبداي من الرقبة حتى الاسفل او العكس
هادا الباترون و اسفة لانه بالبرتغالية
هادا مودال تاني
هادا بالنسبة للغرزة لي في البراسيار لي طلبتيه
[]ممنوع الكتابة بغير اللغة العربية
اذا كان عندك وقت ممكن تشرحي لي باللغة العربيةالرموز فقط لان البرتغالية صعبة وربي يحفظلك هذوك اليدين
هذا المودال هبلني ربي يحفظك من العين ما شاء الله
|
المشاركة الأصلية كتبت بواسطة سندس1967
 الحمد لله لراكي على الخيروربي يطول في عمرك و بارك الله فيك وان شاءالله ربي يحسن ظروفك وتكون مثل السحابة وتزول في اقرب وقت
اذا كان عندك وقت ممكن تشرحي لي باللغة العربيةالرموز فقط لان البرتغالية صعبة وربي يحفلك هذوك اليدين |
الحمد لله دائما و ابدا الله يخليك بنتي و فيك بارك الله شكرا لدعائك و لك بالمتل
نظن انك تحوسي على الشرح تاع الغرزة راحنحاول نوصلك الفكرة و اسفة لاني وضعت الشرح بالفرنسية لاني مانعرفش نشرح مليح المهم بالنسبة للبغاسياغ اخدمي عدد الغرز لي يقبل الضرب في 18 زائد غرزتين وحدة تبداي بيها و التانية تكملي بيها السطر متل ماهو موضح في الفيديو
السطر الاول لتبداي بغرزة بلاما تخدميها يعني تحطيها في ليزيقوي و تخدمي كل زوج غرز مع بعض تلات مرات غرزة مقلوبة تم ارفدي الخيط و اخدمي غرزة عدل ارفدي الخيط تم غرزة عدل كرري 6مرات تم ارفدي الخيط من الوراء و اخدمي كل 2 غرز مقلوبة مع بعض 6 مرات و كرري العملية الى اخر السطر راح تكملي متل البداية بالظبط
السطر التاني كامل غرزة مقلوبة السطر التالت كامل عدل السطر الموالي كامل عدل و السطر لي بعدو ترجي تخدمي متل السطر الاول و تبقاي بنفس الطريقة و بال ما ننس راطي تبدي البغاسياغ ببوان موس او ليكوت و نتمنى نكون وصلتلك الفكرة و اي سؤال تفضلي فقط دعوة خير لاني في امس الحاجة ليها
الغرزة نعرفها بصح الفصالة لمعرفتهاش مع العلم عجبتني فصالتو بزاف
المهم اذاكان الشرح يتعبك في الكتابة راحتك اولى وبارك الله فيك مرة اخرى
وان شاء الله ربي يفرج عليك همك ويفتحها عليك من ابوابه السبعة ولكل من
هو مهموم والله العظيم غير راني دعيتلك من قلبي
على ما أظن تفصيلته على شكل raglan بالفرنسية و شكرا
