بسم الله الرحمان الرحيم
السلام عليكم اخواتي في الله
وصفة اليوم عبارة عن ميني سويس رول بكريمة الليمون ذوقه رااائع وشكله اروووع
بالنسبة لمقادير البيسكوي نعطيكم الوصفة لي معتمدتها
مقادير البيسكوي:
4بيضات
100غ سكر عادي
75غ فرينة
25غ نشاء
فاني
نصف م ص خميرة كيميائية
كريمة الليمون:
100مل عصير ليمون لي ما يحبش الحموضة بزاف كيما انا ممكن نخفف العصير بشوية ماء ونقيس 100مل
120غ سكر رطب
75غ زبدة
زاست حبة ليمون
2حبات بيض كبار
اولا نحضر الكريمة
في حمام مائي نضع جميع المكونات ماعدا البيض ونحرك حتى تذوب الزبدة
من جهة نخلط البيض ونضيفو للخليط الاول ونتركه على نار هادئة مع التحريك بملعقة خشبية حتى تخثار بلا مانخليها تغلي وحتى نعرف انها طابت نضع خط فوق الملعقة اذا ماعاودش تغلق معناها راهي واجدة هكذا
هنا راهي واجدة نخليها تبرد في الثلاجة
من جهة نحضر البيسكوي
اولا نشعل الفرن على180درجة
بواسطة الخلاط الكهربائي نخلط البيض مع السكر والفاني جيدا حتى يبياض الخليط ويتضاعف حجمه
من جهة نغربل الفرينة و النشا والخميرة ونضيفهم على دفعات لخليط البيض ونحرك بالسباتولا من فوق لتحت بلا مانخرج الهواء
ناخذ صينية الفرن نغطيها بورق الزبدة ونحط الخليط نسويه جيدا
ندخله للفرن يطيب انا دائما نشعل الفرن من فوق ومن تحت في نفس الوقت ونخليه 6د وكل اخت والفرن الخاص بها المهم مانخليوهش يحمار حتى نقدر نلفه
نكون حضرنا منديل نظيف ومندي بالماء ونحط فوقه ورق الزبدة هذا الرطوبة تساعد على لفه ونحط فوقه البيسكوي وننزع منه ورق الزبدة هكذا
عادة نلف البيسكوي عرضيا لكن هذا المرة نلفه بشكل طولي حتى نتحصل على ميني سويس رول طبعا نلفه قبل مايبرد
نخليه حوالي 10د حتى يتماسك ويحافظ على الشكل
من بعد نعاود نفتحه ونقطعه طوليا
وندهن كل جزء بكريمة الليمون
ونعاود نرد نروليه كيما كان في الاول
ونقطع كل جزء على 4 او 5 من ميني سويسرول انا قطعته على 5
ناخذ قطعة ورق ونحطها في المنتصف ونرش السكر الرطب على كل قطعة
ونزين كل قطعة بكريمة الليمون في المنتصف امممممممممم
عن قرب
شوفو الكريمة اممممم
بالنسبة للكريمة لي بقات عملت بها تحلية هي عبارة عن تارت الليمون لكن هذا المرة في الكؤوس كنوع من التجديد
عملت الطبقة الاولي صابلي مفتت وممكن نعوضه باي بسكويت من بعد الكريمة وفوقها المورانغ
بواسطة الشاليمو الخاص بالمطبخ نحمر المورانغ من فوق
شوفو شكلها ما احلاه والطعم مانحكيش
ملاحظة:
بالنسبة للكريمة هذا المقادير لاتكفي لابد ان نضاعف المقادير ولي بقى نعمل به هذا التحلية
تم بحمد الله
ان شاء الله تعجبكم الوصفة وتجربوها وتنجحو فيها ولا تنسوني اخواتي من صالح دعائكن ولكن بالمثل
في امان الله
يعطيك الصحة هاااااايلين
ياسلام ان شاء الله انجبرو
يسلمو كل حاجة من يديك تخرج فوووووووووووووووور
اممممممم شهيتيني على الصباح
ربي يحفظك ويهنيك ويسر امورك اختي
واو ام انانى دمت متالقة دوما بوصفاتك المميزة
بارك الله فيك ما شاء الله كلشي بالطبع و الشان
ماشاء الله ام اماني وصفاتك راقية ودمتي داءما متألقة والله يوفقك ويحفظك وشكرا جزيلا الشكر
ماشاء الله لا قوة الا بالله . بارك الله فيك و جزاك الله خيراااااااااااا . و جعل الله هذا العمل في ميزان حسناتك
انت دائما متالقة بوصفاتك الرائعة
ومن فضلكي ، 100مل بالكاس العادي كم تساوي (كم من كأس)
……… جربت الوصفة و طلعت هااايلة و بنينة واشنو خرجت سميكة شوبة ( طبقة خشينة ) ….. جربتها في سينية ذات مقاييس 26*36 …….. اذا امكن نعرف مقاييس السينية اللي طيبتيه فيها ؟
ماشاءالله وصفة رائعة الله يهنيك
نفس الوصفة اللي عندي بارك الله فيك سبقتيني وحطيتيها
ماشاء الله يعطيك الصحة
واوووووووو الله يبارك عليك فنانة ربي يحفضلك اماني ….اختي حبيت نسقسيك وشحال طول وعرض الصينية
يا ام اماني واش راكي مدايرة فيناااااااااااااااااااااااااااا
وصفاتك في القمة
الله يبارك عليك، ما خليتي لي ما نقول فنانة درجة أولى و بامتياز ما شاء الله
مممممممممممممممممم كممممممممم بدون تعليق ههههههههههههه
ربي يحفظك اماماني على الجهد المبذول
قوليلي الكريمة لي زينتي بيها من فوق بلابوش؟؟؟ راها متماسكة تقولي حلوة