مرحبا يا اخوتي اقترح عيكم هذا الموضوع وارجو من كل واحة وواحد ان يعطي رايه في هذا الموضوع لان هذا الموضوع جد حساس بانسبة لي كون اني اعمل وهذا يزعجز زوجي كثيرا لاني امكث في العمل اكثر من البيت وخاصة وانه يعمل بالليل وهذا ما يجعلنا تقريبا لا نلتقي
يا ختي في الحالة نتاعك صح صعيبة راكم تقريبا ما تتﻻقوش هادا درك اماﻻ كي يولو عندكم دراري واش ديري انا في رايي البقاء في المنزل افضل ليك ولزوجك
والله يا أختي ليس أي عمل مناسب للمرأة وخاصة اذا كان لديها أولاد
فأنا بحكم عملي في التعليم ،لم أجد أي مشكل أحيانا أعمل الفترة الصباحية فقط وأحيانا أعمل ساعات قليلة
ونظمت الوقت ووالله وفقت في ذلك
لا أنكر أنني تعبت كثيرا ولكن الله غالب متطلبات الأولاد والبيت
وأنت أدرى بمصلحتك وظروفك مع زوجك
واذا كان زوجك عمله لابأس به ابفي في البيت تفاديا للمشاكل
في هذه الحالة مالاحسن تخلاي عن الوظيفة خاصة اذا كان زوجك عندو راتب مليح على الاقل تحسي روحك متزوجة
ربي يعطيكم الخير
اذا كان عملك يزعج زوجك فهذا يعني انه مكتفي ماديا ولستما بحاجه الى عملك اذا كان الامر كذلك فانصحك بالبقاء في البيت لرعايته و رعايه اولاده
لان حسب ما طرحته انكما لا تلتقيان كثيرا فهذا امر خطير
لو كنت مكانك مستحيل نتوقف عن العمل لأني رأيت أمثلة أمامي الكثيرات من قريباتي تركن العمل بحجة تبقى مع زوجها وأطفالها وفي النهاية الأطفال كبرو وتزوجو والزوج تزوج من في رأيه سترجع له الشباب.لذا يا بنتي ما توقفيش العمل بإرادتك إلا أن خيرك زوجك بينه وبين العمل ساعتها ما تخليش وليداتك يتامى وربي يجيب اللي فيه الخير
انا مع العمل وقت فكرت نتوقف عن العمل بصح رجعت بعقلي و قلت خدمتي لازمة و التعليم برايي مليح انا الحمد لله نحاول نوفق بين البيت و الولد و العمل اكيد تعبت لكن كي نخمم نلقى لازم نخدم على الاقل كي نحب اي حاجة نتصدق و لا نساعد ايا كان ما نستناش الحمد لله نقظر نعاون
في حالتك صح صعيب الحال بصح حاولو تلقاو حل
ديري لاميز و لا كونجي اذا كان الزوج قادر
المراة تقعد في الدار تربي ولادها وتقوم براجلها
أختي ما دام تقضين أغلب وقتك في العمل وزوجك يزعجه عملك ماذا تنتظرين؟!
اشري راحتك وارجعي لدارك ولا تضيعي أسرتك وزوجك من أجل راتب شهري
ولا تسمعي لآراء النساء خاصة العاملات الماديات فهي تخرب البيوت
ربي يفتح عليك
اذا الحالة المادية ميسورة مكانش خير من دارك
|
المشاركة الأصلية كتبت بواسطة nassim vip
 المراة تقعد في الدار تربي ولادها وتقوم براجلها
|
نهار ليولي رجل يكفي دارو كيما رجال زمان، ويحترم لمرا كيما ناس زمان ، داك الوقت ترجع لمرا تع دارها وولادها 
يا خويا رجال نقصو بزااف في زمان هادا، على بيها ستبدلناه بالمرأة
في هادا زمان رجال صح ماشي بزاف 
يلا صح راجلك يستهل هادي تضحية ، ونت لتعرفيه، دونك ضحي وحبسي ، لكن يلا ميستهلش ، كملي، ويلا مبغاش هو، دونك يبدل خدمتو هو
|
المشاركة الأصلية كتبت بواسطة محمد جديدي التبسي
أختي ما دام تقضين أغلب وقتك في العمل وزوجك يزعجه عملك ماذا تنتظرين؟!
اشري راحتك وارجعي لدارك ولا تضيعي أسرتك وزوجك من أجل راتب شهري ولا تسمعي لآراء النساء خاصة العاملات الماديات فهي تخرب البيوت وهل المرأة الماكثة مa تبغيش لمادة؟؟؟ :d:dياللعجب!!!! اهدروا هدرا منطقية يا إخوة ربي يفتح عليك |
يلا كان ما يستهلش والله نبدلو ب-1000 دج نورمال :d
|
المشاركة الأصلية كتبت بواسطة aouniak
اذا الحالة المادية ميسورة مكانش خير من دارك
|
مجاتش على جال المادة يا أختي، وقرايتها وتعبها في سهر ليالي؟؟؟؟ وين راحو؟؟؟eske بش تقعد في دار؟؟؟
دروك رجل مرهش يقر، وزيد نخلو لمرا بلا قراية، !! كيفاش ؟؟؟على الأقل نخلو لمرا تقرا بش تربي ولادها،وراجل نخلوه يريح، ، بكري خدم وعيا ونخلوه دروك يريح hhhh 
وكيفاه تعرفية يستاهل يا صانعة الصواريخ؟!!
وكأن الرجل يحتاج لإذن زوجته العاملة باش يقولها حبسي الخدمة
انتم اللي نزلتو علينا الهم والذل بهذه العقلية البالية
وتقولو اين الرجال؟!!
علاش تربية الابناء بدراسة الفيزياء والكيمياء في الاختلاط
ومقولات زميلي في العمل والعساس ربي يكثر من امثالو؟؟!!!
ومديرنا ناس ملاح
ربي يهديكم برك
