السلام عليكم أحبتي في الله
اليوم نقدملكم وصفة نتاع حلوى عجبتني بزاااااااااااف في الحقيقة ماشي أنا اللي درتها وإنّما دارتها أخت زوجي نسائم الهدى وهي عضو معانا في المنتدى وسلفتي ، وبطلب من طفلتي قررت نحط الموضوع وصدقوني يجي هااااااااااااايل وهشيش ويحمر الوجه
أولا نبداو بالمقادير
250 غ مارغرين طرية
2 بيضات
باكي فلان فاني
مبشور حبة قارص
كاس غير زوج صباعتين سكر ناعم
نص باكي خميرة
فاني
والفرينة عينك ميزانك حتى تتلم العجينة وتقعد طرية شوية ماتيبسيهاش
ممبعد نشكل حربوش طويل ونقطع الحبات على شكل مقروط ونرشو السنيوة بشوية فرينة ونطيبوهم مانخلوهمش يحمارو ، كي نشوفوهم طابو من تحت نشعلوللهم من فوق كي يصفارو شوية نحوهم ونخلوهم يبردو
وممبعد نرمدوهم في ماء الزهر ونسكروهم ثلاث مرات باه يجي شكلهم شباب
ونخليكم مع الصور توضح اكثر
نتمنى يعجبكم صراحة بنين روووووووووعة سيرتو ريحة القارص فيه اممممممم تشهي
اللي تدخل منكم تدعي لصاحبة الوصفة بالذرية الصالحة وتدعيلي ربي يحققلي واش في بالي ، صراحة تعبت مع الصور باه حملتها دعوة خير منكم أحبتي تكفيني
ربي يعطيك ما تتمناي انت و أخت زوجك يبان اممممممم
تعطيك الصحة أم يوسف .شكله جميل جدا ومتقون .وأكيد الطعم يكون كيفوا
سلمت يداك وتعطيك ألف عافية
وربي يفرح صاحبة الوصفة بالدرية الطيبة ويعمر حجرها في القريب العاجل .ونتي ربي يرزقك دويرة حرة فيها ويباركلك في زوجك وولادك
ممممممممممم يا عيني نموت على حاجة فيها القارص
يسلمو حبيبتي
يعطيك الصحة يا زينة تبارك الله خرج هايل وساهل
بصح الصور كبار حتى شبنت باش طلعوا ههههههههههههههههه
يعطيك الصحة وربي يفرحك انت وصاحبة الوصفة ان شاء الله
الله يــــبـارك روووووووووووعــة
بصــــــحـتــكـــم
|
المشاركة الأصلية كتبت بواسطة ام الهضاب
 ربي يعطيك ما تتمناي انت و أخت زوجك يبان اممممممم
|
ربي يسترك حنونة مشكورة على المرور وعلى الدعاء
|
المشاركة الأصلية كتبت بواسطة نسائم الصباح
تعطيك الصحة أم يوسف .شكله جميل جدا ومتقون .وأكيد الطعم يكون كيفوا
سلمت يداك وتعطيك ألف عافية |
اهلين غنوشتي مشكورة حبيبتي على الدعاء ، ننصحك جربيه صراحة أنا عجبني هاااااااااااايل
|
المشاركة الأصلية كتبت بواسطة ميمنة الجزائر
ممممممممممم يا عيني نموت على حاجة فيها القارص
يسلمو حبيبتي |
الله يسلمك حنونة مام أنا نحب الحلوى نتاع القارص والتشينة امممممممم
ya3tik essaha 3la lwasfa hayla . njarebha kariban inchalah . wani mjarba wasafat min lmontada. bsah lil assaf makach wakt bach ntala3hom . lbaraka fikom chokran laki.
|
المشاركة الأصلية كتبت بواسطة الأمنيات
يعطيك الصحة يا زينة تبارك الله خرج هايل وساهل
بصح الصور كبار حتى شبنت باش طلعوا ههههههههههههههههه |
الله يسلمك امنياتي للاسف الصور مازال مانعوفش نصغرهم ، انا كي يكونو الصور كبار نفتح زوج صفحات ونخليهم يطلعو براحتهم وممبعد نشوفهم
|
المشاركة الأصلية كتبت بواسطة aya69
يعطيك الصحة وربي يفرحك انت وصاحبة الوصفة ان شاء الله
|
مشكورة اختي على الدعاء وعلى المرور
|
المشاركة الأصلية كتبت بواسطة tong2
الله يــــبـارك روووووووووووعــة بصــــــحـتــكـــم |
الله يسلمك اخي وفيك بارك الله
|
المشاركة الأصلية كتبت بواسطة real dream
ya3tik essaha 3la lwasfa hayla . Njarebha kariban inchalah . Wani mjarba wasafat min lmontada. Bsah lil assaf makach wakt bach ntala3hom . Lbaraka fikom chokran laki.
|
إنة شاء الله حنونة تجربيها وتجيك مليحة وعلى الوقت رانا كامل هكداك ربي يعينك أختي
مشكورة على المرور
baraka allah fik azizati boussili al awlad
|
المشاركة الأصلية كتبت بواسطة bachira2
baraka allah fik azizati boussili al awlad
|
< اهلا حنونة واش احوالك لاباس توحشناك هادي غيبة ، مشكورة حنونة على المرور والرد ، صراحة فرحت كي شفت إسمك ربي يسترك ويهنيك
هايل هدا نموت عليه يعطيك الصحة وربي يرزقها الذرية الصالحة وانت ربي ينولك اللي في بالك
امممممممم يمي يمي حسيت بالبنة في فمي هههههه
الله بارك خرج هايل
يعطيكم الصحة
