السلام عليكم ورحمة الله وبركاته
ان شاء الله تكونوا لاباس ياحراير بلادي
اليوم حبيت نوريلكم طريقتي في مطلوع العجانة بطريقة مختلفة من وجهة نظري وممكن يفرفوها بعض الاخوات
الاكيد ان هدا المطلوع مضمون ويشهييييييييييي
هدا من اجل حبيبتي بعيدة المنال
في وعاء العجانة نحط الماء الدافئ و ومغرف و2 مغارف ممسوحين خمميرة الخبز ونصف مغرف سكر واخرى حليب غبرة ونخلهم ونزيد كاسين سميد والسر هنا …لازم نخليها في مكان دافئ 10د في الشتاء بجانب المدفاة والصيف نخليها في الغرفة جوها سخون راح يطلع الخليط ويكون فقاعات
وبعدها نبدا نزيد الفرينة والعجانة تعمل حتى نتحصل على عجينة رطبة وملينة تقريبا تلصق فاليد وهنا تزيدي الملح
سر اخر …الملح ينقص مفعول الخميرة ما يتحطوش مع بعض لازم الملح بعدها بفترة
ننزعها ونبدا نقرصها وندردر خليط الفرينة والسميد حنا نقولو نسمسل هههههه ونحط الخبزة في منديل مثني على 2 او ندردر الفرينة بين خبزة واخرى ….انا نخبز 5 خبزات
ونخليها تخمر وماتديش الوقت بزاف لازم تركبي الطاجين يسخن باش ما تفسدش المطلوع وطيبيه وتاكليه يالصحة و والهنا
انا خبزي مميز بهدا الطريقة
رجاء جربوه وما تنساو تدعولي
هده الصورة من النت
https://public.bay.livefilestore.com/…-44.jpg?psid=1
choukran a3lla elfikra
شكرا أختي إن شاء الله نجربها
بارك الله فيك
بارك الله فيك
الله يحفظك شحال مقدار الماء الله يجازيك
شكرا على الوصفة و لكن كممقدار الماء الدافىء
شهيتينا اختي بارك الله فيك
بارك الله فيك ولكن ماهو مقدار الماء الدافئ ¿
بارك الله فيكم اخواتي على المرور
مقدار الماء …انا نكيل كالماء والسميد بعبار كاس اللي نشرو فيع العسيلة يعني رطل….ونعمل كيلتين معمرين
فكرة راااااااائعة توووووب مشكووووورة حبيبتي
لكي مني احلى تقيييييم
ماشاء الله يعطيك الصحة
وصفة هايلة
يعطيك الصحة
بصح انا نحب نط شوية زيت باش ماجينيش مطاطية
بارك الله فيك
ربي يجازيك كل خير ان شاء الله
