علبالي قاع راكم شافات ما شاء الله ,الله يباركو يزيد,البارح كي خلاصتي الفرينة حرت واش ندير لقهوة لعشية لزوجي امالا درت مشوشة بسميد رطب و ماتديش الوقت بزاف و مافيهاش le-gras وزيد اي واحدة يجيها ضيف فجأة تقدر تديرها وتحمر لك وجهك
نبداو على بركة الله في المادير وطريقة التحضير:
[IMG]
[/IMG]
يلزمنا 3 بيضات حسب القرصة لي تحبيها
,نص باكي خمارة
,ملعقة صغيرة لافاني
,زاست الليمون ولا البرتقال
,نصف كاس سميدرطب(رفيع) او خليط بين السميد و الفرينة كما نقدرو نديروها فقط بالفرينة
والآن طريقة التحضير
نكسرو ابيض ونخلطوه بالمضرباليدوياو الباتور مع رشة ملح خفيفة ,زاست, لافاني ونضيفو عليه السميدمع الخمارة
بالتدريج حتى نتحصل على خليط مناسب مايكوون جاري بزاف ولا عاقد بزاف
[IMG]
[/IMG]
[IMG]
[/IMG]
نسخنو مقلاةغير لاصقة نمسحوها بمارغارين[IMG]
[/IMG]
[IMG][/IMG]
ونفرغو الخليط على نار هادئة و نغطيه حتى نشوف تغير لون الخلييط ونقلبوه في الجهة لثانية
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
نسقيه بالعسل وانا كان عندي لوز ايفلي حمرتو شوية ورشيتو بيه
[IMG]
[/IMG]
والنتيجة رائعة وخفيف بزاف مم كي تصبح تقعد طرية وبصحتكم
[IMG]
[/IMG]
[IMG]
[/IMG]
ملاحظة فقط انا كما نحب نخترع برايي تقدرو تضيفو للخليط الزبيب غير شوية مشمخ بماء الزهر او لوزمرحي
خشين مرمد في الفرينة
وشكرا لكم على قراءة موضوعي و الرد عليه سيشجعني لادراج مواضيع اخرى.
اممممممم روووعه اختي كنت نديرو بالسميد الخشن. وأكيد تجي مع قهوة وحليب امممممممممم بنيييينه
بارك الله فيك
شكرا لك اختي حنى نخلطولها سميد وفرينة
يعطيك الصحة وبصحتكم جاتكم مليحة وننتظر وصفات أخرى
ما شاء الله يعطيك الصحة
شكرا راح نجربها انا اول مرة نشوفها احنا في الغرب منديروهاش
امممممممممم اكيد بنينة
ما شاء الله يعطيك الصحة
بارك الله فيك
راح نسييها ونرجع لك الخبر لاول مرة راح نذوقها يعطيك الصحة
شكرا على المجهود يعطيك الصحة
شكرا على الوصفة تبدو ساهلة و بنينة
بصحتكم
كل مرة نقول نتعلمها وعيييييييت ما نتشجع ونجربها
ان شاء الله بعد ما شفت طريقتك نجربها
يعطيك الصحة
بارك الله فيكي و يعطيك الصحة
