لدي مشكل في الانرنيت خط واحد و انا دائما في صراع مع اخي كما انه ياخذ الانترنيت طوال اليوم
و لديه بي سي و انا كذلك و ياخذ الموديم رغم انني انا من اخلص الاشتراك
فانا احضر في دراساتي العليا مذكرة الماستر و انتهز فرصة الصيف لاعداد البحوث للسنة الاخيرة
اما اخي طالب يهمه فقط ان يتفرج المباريات و الافلام
و لحل الاشكال اشتريت كابلات و t
و هو في الغرفة المجاورة
لكن المشكل اصبحت الانترنيت لا تعمل بخطين اما بخط فهي تعمل
فارجو منكم الحل و شكرا لكم
السلام عليكم و رحمة الله ،،، اخي الكريم ،، راني رايح نفهمك بالعامية باش تفهمني مليح
ادا كان عندك مودام ويفي يعني انو فيه 4 sorties و تقدر تدير الكابل تاعك في sortie و اخوك في sortie
طبعا لازم تكون الكونكسيو اتوماتيك يعني ماش manual باش تقدرو تكونيكتو في زوج
و ادا كان عندي مودام كلاسيك يعني من القدم لازم عليك تشري سويتش … زيد فهمني مليح واش عندك باش نقدر نساعدك
شكرا ليك انا فتاة و لست اخ ولا افهم في الالكترونيات كثيرا
عندي مودام كلاسيك
و سقسيت واحد قالي اشري كابلات 2 و تي لي تلصق فيهم فيها 2 بورت من جهه و بورت 1 من الجه الاخرى كما في الصورة
و نحوس نلصق جهازي يكوناكتي و اخي تاني لتفادي المشاكل و الاحتكار من قبله
عذرا اختي ،
خلاص راني رايح نفهم ادا كان عندك مودام كلاسيك
أولا لازم تكون الكونكسيو اوتوماتيكيا
و تشري سويتش تاع 5 بورت راه يدير بحاولي 600 دج
و 2 كابلات
يركب السويتش في الكهرباء
و ممبعد يجي كابل تع الانترنت من
المودام —> للسويتش
و ممبعد كابل من السويتش للميكرو تاعك
و ممبعد كابل آخر من السويتش للميكرو تاع خوك
ادا مفهمتيش نعاودلك
انا شريت هذا ما نعرف اذا يسموه سويتش ام لا؟ لان السيد لي يبيع قالي ادي هذا و الكابلات واش رايك اخي و شكرا ليك بزااااف
هل هو مثل هذا
على العموم الأمر جد سهل
تحتاج سويتش مثل هذا
وظبط بسيط للجهاز
wawaa
اختي ا لا ينفك .. اشري كيما اللي قالك عليه الاخ في الرد الاخير …
نعم هذا هو الموديم الذي عندي" كلاسيك "
كم سعر السويتش الذي بالصورة ؟
و شكرا لك اخي
حوالي 600 دج … المهم اشري تع 5 بورت يكفيك
وهل ستبقى الانترنيت بنفس التدفق ام تنخفض نظرا لربط جهازين و كيف اضبط الجهاز و شكرا لكما و جزاكم الله الجنة
ماتنقص ما والو .. طبعا دا كانت navigation فقط و ادا كان جهاز يقوم بالتحميل فطبعا نقص شوي
على حساب واش عندك سرعة انترنت ….. و ادا كان الجهاز ماهوش معدل من قبل .. فقط قومي بتركيب الكابلات يمشي
لماذا سويتش نتاع خمسة ؟ كي يستفيد الاخوة كذلك لمن هم بنفس مشكلتي
عندي انترنيت 1 جيغا و الجهاز غير معدل
وشكرا ليك اخي لقد فهمت و ساشتري سويتش و جزاك الله الجنة
و اطلب منه ان يحوله الى روتر ( اي يتصل تلقائيا بالانترنات )
و التركيب سهل
الكابل الخارج من المودام ( الي كان رايح للميكرو ) يروح للبورت 1 في السويتش و باقي المخارج لاجهزة اخرى
يعني لازم يتحول الموديم لانه ان لم يحول فالتركيب ليس له معنى
شكرا لكم على الافادة و جزاك الله الجنة
