ارجوكم اخوتي اريد اسهل طريقة لغسل الصوف وخصوصا كي تكون متسخة بزاف هل ترقدها ليلة كاملة في الصابون والجافيل ولالا وشكرا
بالرغم ان الصوف تاعي كومنديتها مغسولة بصح رايحة نزيدلها بلاك غسلة خفيفة ان شاء الله لذلك حابة نشوف
اراء العضوات الكريما و تاني حابة نعرف ماتبقاش الريحة تع الصحوف فالمخاد كي نحشيهم
الله يهنيك ان شاء الله رقديها في الماء ومبعد اعصريها بشوي ومبعد اغسليها بالماء وحدو ومبعد ما يزول الخماج منها دريلها الصابون والماء وشلها ويبسها ونشفها نقها من العود ولحسكا وشوك ومبعد دريلها دواء الصوف يتباع في الاسواق والسلام عليكم
اختي احنا في باتنة نشمخوها ليلة كاملة في الصابون اومو والجافيل مبصح كميات ماشي كامل كيعاد تتعبك وما تتغسلش مليح
والغدوا هذيك نتعاونو يعني قداش من واحدة زوج يغسلوا بالصابون وزوج يشللوا المهم نعاودولها زوج غسلات
وكيتشيح ونبغيو نحشيوها لتجنب الرائحة وباش ما يجيوهاش الحشرات (العثة) نعملوا رزم من الخزامى ونزيدو فلفل لكحل حب ماشي حب واومو نديروها للصوف قبل ما نطرحو نمدوهم للطراح
اتمنى ان اكون افدتكم
ربي يعاونكم سلاااام
والغدوا هذيك نتعاونو يعني قداش من واحدة زوج يغسلوا بالصابون وزوج يشللوا المهم نعاودولها زوج غسلات
وكيتشيح ونبغيو نحشيوها لتجنب الرائحة وباش ما يجيوهاش الحشرات (العثة) نعملوا رزم من الخزامى ونزيدو فلفل لكحل حب ماشي حب واومو نديروها للصوف قبل ما نطرحو نمدوهم للطراح
اتمنى ان اكون افدتكم
ربي يعاونكم سلاااام
|
المشاركة الأصلية كتبت بواسطة ام انس15
 اختي احنا في باتنة نشمخوها ليلة كاملة في الصابون اومو والجافيل مبصح كميات ماشي كامل كيعاد تتعبك وما تتغسلش مليح
والغدوا هذيك نتعاونو يعني قداش من واحدة زوج يغسلوا بالصابون وزوج يشللوا المهم نعاودولها زوج غسلات وكيتشيح ونبغيو نحشيوها لتجنب الرائحة وباش ما يجيوهاش الحشرات (العثة) نعملوا رزم من الخزامى ونزيدو فلفل لكحل حب ماشي حب واومو نديروها للصوف قبل ما نطرحو نمدوهم للطراح اتمنى ان اكون افدتكم |
اختي الرزمة تع الخزامة نحطو وحدة برك في كل مطرح والا كيفاه و تاني الففل الاسود
اختي السلام عليكم انا تاني تبليت العام الي فات وشريت صوف متسخ جدا ما عليك الا اتباع الخطوات التالية وراح يخرجلك نقي ان شاء الله انا درت مطرح تبعي معايا
كي تشري الصوف راح تشري كل زجة بروح خوذي الزجة وافتحها وخلي غير الضهر نتاع الكبش من الصوف والباقي يعني الاطراف نحيه بجيه يتغسل وحدو لانو متسخ جدا وحنا نسميوه العذفة خوذي الضهر نتاع الصوف راح يجيك كي طرف قماش نفضيه مليح راح ينزل منو اكبر قدر من الغبار ونفس العملية للزجة الثانية حتى ديري القدر الي تقدري تغسليه غلي الماء لازم يكون يغلي وحطي الصوف في حاجة واسعة انا درتو في البينوار نتاع الحمام ههههوانتي اذا عندك باسان يكون افضل وحطي الصوف الي نفضتيه وفرغي الماء السخون وغطيه وخليه ليلة او نوضي الفجر وشمخيه وكي يطلع الناهر اغسليه
طريقة غسله
وهو مشمخ في الماء الساخن يعني ما تجبديهش راح يكون برد الماء شويه عفسي عليه برجليك كيفما نغسلو القش ههههه وقلبي وعفسي وقلبي حتى تخرجيلو قلبو هههه من بعد اعصريه من هاداك الماء وحطيه في باسينة فيها ماء سخون ايضا وكرري العملية يعني عفسيه بلا ما تخليه شوية كيفما عملتي في الاول فهمتي واعصري اذا فتي مازالو متسخ زيدي سخني الماء واعيدي العملية وكي يتنقى اعملي قدرة فوق النار واسكرفجي الطرف يعني صابون ناع الحجرة فيه وديري كاس ولا 2 كيسان جافال وخليه يغلي زيديلو الماء بعد الغليان باش يعطيك كمية كبيرة من الماء الساخن وفرغي على الصوف الي تكوني عصرتيه من الماء الفاسد وزيدي صابون آريل وخليه واحد 30 د او اكثر وارجعي اغسليه كيف ما تغسلي الحوايج تماما ومن بعد راح تلاحضي انو تنقى والا اعيد غسلة بالصابون والماء الساخن ومن بعد فرشي حصيرة ولا نيلو كبير واعصري الصوف من الصابون وديريه عليها وشليه بالماء الوفر وبلا ما تعصري جيبي شكاير السميد وحطيه فيها راح يقطر وحدو من بعد فرشيلو نموسية اذا عندك او شباك وكسليه واحكمي مونش نتاع بالي وضربيه مسكين ههههه راح تشوفي بلي ينفش وكملي عادي
نتمنى نكون افدتك حنونة وبصحتك الصوف ومنا وغادي اشري صوف الصحرة تحطيه في الماء يخرج يشعل وحدو
|
المشاركة الأصلية كتبت بواسطة maiar
اختي الرزمة تع الخزامة نحطو وحدة برك في كل مطرح والا كيفاه و تاني الففل الاسود
|
حنونة اعملي الكمية الي تحبي مي ما تكتريش وتاني الفلفل الاسود حب ديري كمشة في المطرح موزعة ماشي في مضرب واحد ونزيدلك تقدري تديري في الشكاير نتاع الصوف الفلفل الاحمر الحار اليابس تاني يفي بالغرض حنونة
هيه بيتيها في الماء ليلة كاملة و مبعد اغسليها بالصابون فقط و كي تحطيها تشيح جيبي عصا و بداي اضرربيها اضربيها كشما فيها ماخرجش من الغسيل يخرج من ضربها و زيدي حليها بيدك و نزيد نقلك حاجة الصوف جامي يخرجها التراب يا لكان تغسليها 10 مرات حنا غسلناها و ضربناها مكانش ايام منين عاودنا غسلناها خرج منها التراب
لبنات قاع شرحو طريقة الغسل انا غادي نضيف حاجة و ناكدهالك غلي الما و حطي فيها الصوف تغلي غلية و لا زوج باه الدود اللي فيها يموت لوكان ماتغليهاش قادر دودلك و ياكلك قاع الفراش وربي يقدرك اناتاني راني حاصلة معاها
|
المشاركة الأصلية كتبت بواسطة zozo4
الله يهنيك ان شاء الله رقديها في الماء ومبعد اعصريها بشوي ومبعد اغسليها بالماء وحدو ومبعد ما يزول الخماج منها دريلها الصابون والماء وشلها ويبسها ونشفها نقها من العود ولحسكا وشوك ومبعد دريلها دواء الصوف يتباع في الاسواق والسلام عليكم
|
معرفتش دواء الصوف واش اسمو وبقداه واش وظيفتو رجاءا
hadi tarika hyla rali tarf sabone hajra hati sof fi ma yrli bayttiha
السلام عليكم يا ختي نحن في مستغانم لما نشرو الصوف و اذا كانت متسخة بزاااااااااااف رانا نحطوها في قصعة كبيرة و نغلولها الماء و و نصبوه عليها و نبداو نضربو فيها بالعصا لبعض الوقت حتى تتنحى لوسخ منها و نحو الشوك و العود و لحسكا اللي تكون لاصقة فيها و بعدها رانا نفرغوها من القصعة للارض و نعفسو عليها و من بعدها نحلوها مليح غير بشوية في الماء وحده و نحو منها العود و الشوك و ما الى ذلك من الملتصقات و لمل نخلصو من هذه العملية الكل رانا ندير في القصعة شوية ماء و الازيس السائل و نغسلوها تاني بشوية و من بعدها نصفوها بالماء مرتين باش تصفا غاية و نعصروها و نضعها في شكارة تاع فرينة تكون نقية و نعلقوها في الحبل حتى ترشح تماما من الماء وبعدها ننشروها في الحبل و لما تنشف تماما ننشفوها بشوية باش كل الاتربة تتنحى و تولي صافية غاية و نقية تصلح لوضعها في الوسادة .و ربي يعاونكم عليها راها صعيبة و تعيي.راها قاتلتنا في الدار .
|
المشاركة الأصلية كتبت بواسطة fofol
hadi tarika hyla rali tarf sabone hajra hati sof fi ma yrli bayttiha
|
a fi basina dawbi sabone hajradiri sof tbat lila kamila anba3d chaliha 3awdi rasliha bal omo
|
المشاركة الأصلية كتبت بواسطة dahby83
ارجوكم اخوتي اريد اسهل طريقة لغسل الصوف وخصوصا كي تكون متسخة بزاف هل ترقدها ليلة كاملة في الصابون والجافيل ولالا وشكرا |
كيماقالولك بعض الأخوات كيتعولي على نهار للغسيل سخني الماء وجيبي بادن ولا باسينة تاع الحديد ولا حتى قدرة كبيرة وقسمي الصوف انت وكبر الاناء وضعي فيه الصوف وخليها من ساعة الى ساعتين يكون الما دفا قسمي الصوف بلايط أو كور وضعيها على جهة وكرري العملة مع الصوف المتبقية وتوجدي بسينة فيها ماء نقي تبداي ترفدي بالكرة وتحليها وانت تنزعي في الشوائب تلقايها تنقات وكملي مع البقية حتى النهاية وأخيرا شلي الصوف للمرة الثانية ويمكنك وضع المنظفات مع جافيل وتشليها مليح
أما بالنسبة للرائحة نحن نضع مادة الكافور في المخاد أنا تعجبني ريحته وهويقضي على العفةيقلع ريحة الصوف
