السلام عليكم اخواتي
اولا نشكر الاخت l imperatrice هي لي عاونتني في طريقة وضع الصور مشكورة و كل الاخوات لي شاركوني فالموضوع و حطولي روابط
المهم انا اول مرة راح نحط موضوع هدي الحلوة اسمها مرخم بحلوة الترك هي بنينة و شابة نتمنى تعجبكم و تشجعاتكم تفرحني
[
الوصفة هي
المقادير
250غ مرغرين طرية
150غ حلوة الترك
حبة بيض كاملة و صفار (اما البياض نحتفضو بيه من اجل الطلية )
من 2الى 3 مغارف سكر قلاصي
مغارف قهوة فاني
كاس نشاء
نصف شكارة خميرة كيميائية و الفرينة حسب اليد
طريقة التحضير
نضربو بالباتور المرغرين و حلوة الترك و الفاني و السكر و نضيفو البيض و النشاء و الخميرة نبداو نلمو بالفرينة
نحطو العجينة في صاشي ترتاح
ملاحظة صاشي تاع النيلون من محسنات العجائن يساعدو في تحسين العجينة
نحلو العجينة متوسطة ماشي خشينة وماشي رقيقة و نقطعو مربعات و نطهيهم (الفرن يكون سخون مسبقا)
نلصقوهم بالمربى
لتحضير الطلية
هدي الطلية اسمها الطلية المدلوكة انا نمدلكم وصفة تاع 500غ ر و انتم ديرو وش تحتاجو
عندنا 500غ سكر قلاصي نغربلوه ونضيفو بياض بيضة و شوية ماء فيه نصف مغرفة ضغيرة نسكافي ضيفي بالشوية حتى تتحصلي على عجينة
ندلكوها كيما الكسرة ثم نضيفو الماء العادي بشوية ونبداو نحلوها حتى تتحلحل و يولي القلاصاج يشد فالحبة
حتى ادا استعملتي كيلو سكر ديري بياض بيضة
نغطسو حبة الحلوى فالقلاصاج نخلوه ينشف شوية برك حق ما يسيح القلاصاج الزايد و نضع خطوط الشكلاطة مائلو و نعقب عليها بالكيردو
مثل طريقة الميلفاي
ارجو ان شرحي موفق واي استفسار انا هنا
و ان شاء الله راح نحطلكم وصفات اخرى
ممممممم باينة تهبل
تاكلوها بالصحة والهناء يارب
Okhti tban tchahi ghiiiiiir azarbi b wasfa
وينهم المقادير اختي حطيهملنا
أممم تشهي تعطيك الصحة أعطينا الوصفة تاعها
هايله اختى شكراااا
لوكان كملتي مزيتك و حطيتي المقادير هكدا ما تشهيناش باطل ههههههههه
رائعة جدا بارك الله فيك
رووووعة حنونة تهبل وبارك الله فيك
يعطيك الصحة يا الفحلة
باين بنين راني من درك موجدة لاليست تاع القاطو لي نديرهم في العيد واكيد فية الوصفة تاعك
ربي يعطيك واش تتمناي حنونة
شكرا حبيباتي و بارك الله فيكم والله ردودكم تفرحني انا راني نتعلم فالحلوى و باتيسري عندي اربعة اشهر
وعد علي اني نحطلكم الوصفات لي تعلمتها وهي رائعة وناجحة نتمنى دعوة الخير لي و لي والديا ان شاء الله
راااااااااااااااااااااااااائع جدااااااااااااااااااا يارك الله فيك
ملييييييييييييييييييييييحة …صحيتي ..
