السلام عليكن اخواتي
اليوم عملت كمية من الشباح وحطيتها في المجمد وراح نحاول نشرح كل الخطوات لان بعض الاخوات كي يحطوها في الصوص او السيرو تتفتح وتفقد الشكل نخليكم مع الوصفة.
المقادير:
3كيلات لوز مرحي ميكونش غبرة .
كيلة سكر خشن
بيض الصفار نبلو بيه العجينة والبياض نقلي بيه الشباح.
شوية قرفة،القليل من ماء الزهر وماء الورد.
https://
]
نخلط اللوز مع السكر والقرفة ونضيف الصفار والقليل من ماء الورد وماء الزهر حتى نتحصل على عجينة متجانسة .
بالنسبة للشكل تقدري ديري اشكال مختلفة نجمة،وردة،…..ان نفضل شكل المثلث ونعملو بطابع المقروظ وكل حبة نقسمها على اثنان هذي الطريقة عملية خاصة في الاعراس كتكون كميات كبيرة وبالنسبة للنقشة الموجودة في الطابع كطيب الشباح ماتظهرش.
نشكل حربوش كما في الصورة
نحط طابع المقروظ من فوقه ونضغط نقطع مقروظات وكل واحدة نقسمها على اثنان
نحط الحبات على ورق الزبدة باه تحافظ على الشكل واذا كانت كمية كبيرة نزيد نحط ورق الزبدة ونحط طبقة ثانية
https://
نحط الحبات في بياض البيض طبعا بدون ما نحرك البياض بالشوكة ونقليهم في الزيت على نار متوسطة ونقلبهم بالخف لابد يكون اللون فاتح.
https://
ونحطهم يقطرو في كسكاس ولما يبردو نمسحهم ونعاود نقليهم بنفس الطريقة ونخليهم يقطرو للمرة الثانية ونمسحهم ولما يبردو تماما نحطهم في علبة ونحطهم في المجمد راهم يبقاو كيما راهم لوقت الحاجة.
ممكن نعملهم وحدهم ولا نعمل الطاجين الحلو ونزين من فوق في هذه الحالة اذا كانت كمية صغيرة نحط الشباح في الصوص نتاع الطاجين غير شوية وننزعه ونزين بيه اما اذا كانت الكمية كبيرة كيما في الاعراس والمناسبات نعمل سيرو بالماء والسكر والليمون وكطيب نضيف كمية من عسل سان فرانسيسكو وماء الورد ونرمي الشباح .
هنا عملت الطاجين الحلو وزينت بالشباح وبقى محافظ على الشكل.
نتمنى تكون طريقتي واضحة
في امان الله
يااااااي روعة يسعدني ان اكون اول وحدة ترد للمتالقة ام اماني شكرا للمجهود نورتي المنتدى بوصفاتك
شكرررررررررررررررررررا على الوصفة جوزيت الجنة ، شكررررررررررا على وصفاتك الرائعة
اممممممممممم نموت عليها حتى انا راح نخدمها لرمضان نفس طريقتي بصح نزيدلها زاست تاع القارص الاخضر تعطيلي بنة هي حبيت برك نسقسيك المرة هدي شرالي زوجي اللوز مرحي يعني ساجي يصلحلي وربي يبارك فيك ويعطيك الصحة
شكرا..
بارك الله فيك
mmmmmmm . raw3a merci
شكرا غالياتي سعدت بمروركن
waaaaaaaaw raw3aa MERCIIIIIIIIIIIIIII
شكرا لمروركن غالياتي نورتن صفحتي
|
المشاركة الأصلية كتبت بواسطة أم ياسين الزهراء
 اممممممممممم نموت عليها حتى انا راح نخدمها لرمضان نفس طريقتي بصح نزيدلها زاست تاع القارص الاخضر تعطيلي بنة هي حبيت برك نسقسيك المرة هدي شرالي زوجي اللوز مرحي يعني ساجي يصلحلي وربي يبارك فيك ويعطيك الصحة
|
اهلا بالغالية ام ياسين
بالنسبة للوز اذا مرحي رقيق ومش مرحي غبرة يصلح
تحياتي
واو روعة ام أماني يعطيك الصحة صراحة جامي درتها ولكن نجربها في اقرب فرصة
مشكورة ام أماني علي إفادتنا بالوصفة
بارك الله فيك
بارك الله فيك
ام اماني ربي يحفضك كي نشوف اسمك نفرح احبكي في الله