السلام عليكم اخواتي
ان شاء الله نلقى منكم مساعدة و هي
كيف احتفظ بالجلبانة لمدة في congélateur كاينين لي يقولولي فوريها و خبيها و كاينين لي يقولولي خبيها كيما راهي
لي عندها طريقة تخلي جلبانة تحتفظ بالذوق تاعها و ما تفسدش تقولي عليها وربي يجازيها
وشكرا لكم
اختي انا نحطها في قارورة ماء السعيدة
اختي احنا جربناها العام اللي فات بصح دارتنا الريحة:
الجلبانة نقيها وشليها بماء ومن بعد خليها تنشف في جفنة او ملاءة ثم عبيها في صاشيات الكونجيلاتور تاكدي انو الصاشية جديدة ما فيها حتى ثقوب وعمري وخرجي الهوا واغلقي ومن الافضل دوبلي الصاشيات وهذه طريقتي منذ سنين والجلبانة تبقى كما هي وخطراتش نخبيها بلاما نشللها تاني كيف كيف انا اليو بالذات نقيت صندوق فيه 10كغ قطعلي حوالي 5 كغ وانا غسلتها على خاطر كانت متربة شوية وعمرتها ودورك راها في المجمد مخبيتها لرمضان ان شاء الله
غسليها ونشفيها وعمليها في بلاستيك ميخلش ليها الهوا وعمليها في المجمد وكي تحبي طيبي بها مبارة للماء مغلي او للطنجرة الاكل تكون تتغلي متخليهاش تحل راها تعمل الريحة ومتجيش مليحة وتفسد الاكل
ماء مغلى بعيد عن النار ضعي فيه الجلبان 2او3 دقائق وصفيه وخليه ينشف وعمريه في ساشي بلاستيك او قارورة هده ناجحة حنا درناه رايحة تشوفي اللون كيفاش يولي اخضر
عزيزتي أنا نقيها و نغسلها ونشفها و نديرها في كيس بلاستيكي نظيف و نحطها في الكونجيلاتور
و كي نحب نطيبها نجبد الكمية اللي بغيتها نشللها بالماء باش يتنحالها الجليد و نلوحها مباشرة في المرق يعني ما نخليهاش تذوب
صباح الخير شوفي اختي انا نفيها ونشللها ونخليها تنشف ومن بعد ندسها فا الساشيات ودسيها فل الكونجيلاتور وشكراا انا مجربتها ومتخسرش
يعطيكم الصحة حبيباتي افدتوني كثيرا ربي يعطيكم ما تتمناو وان شاء الله الاخوات الاخريات يستفادو معانا
السلام عليكم انا نحطها في الساشي عادي طبعا بعد ما نقيها و نشللها و تجيني مليحة
السلام عليكم
الجلبانة تتباع congelé في ساشيات علاه تقلقوا في رواحكم
bon ahna jelbana nerslouha w apre ndirouha fel kra3 ta3 elma w nerlkouhoum mlih
شكرا لكم وبارك الله فيكم