السلام عليكم
أنا وحدة عمري 20 سنة تعرفت في التليفون على واحد جادارمي ولد عمة صاحبتي عندي عامين و انا معاه علبالي بلي كان مع وحدة 7 سنين كي سقسيتو علاه ماكملتوش مع بعضاكم قالي مكتوب مبعد عرفت بلي هي كانت تحكي معاه في الجامعة فرات وكي تكون في دارهم ماتهدرش معاه’ العام الأول كي حكيت معاه اكتشفت بلي مازال يعيطلها و كان يكدب علي كيما عيطلو هزت علي هي وكي فاكت بيا خلاتو و الن ماقدرتش نخليه كنت نحكي معاه ب 70 ومبعد دارلي 61 درك يروح يخليني و بعد مدة يرجع يعيطلي بزوج كلمات ننسى واش صرا’حابة نسقسيكم نكمل معاه ولا لا؟ أنا نقرا 1 جامعي وهي عمرها 21 و خلصت ماستر 2 هاد العام يعني يكون مازال يحبها ماتنساوش كان 7 سنين معاها وهي أول وحدة في حياتو…….ساعدوني ربي يخليكم
أجبدي روحك يا ختي الصغيرة
هادا مخلطها وحاكم بيكم يدو في زوج
ونتي صغيرة وماخصك والو مازال الخير قدامك
….
مادام داير 0661…..
..
راه عندو 4 نوامر بريفيري باطل h 24….
….
اخطيك خير المكتوب يدخل من باب الدار…
..
أخطيك منو باين عليه إنسان يحب يلعب ببنات الناس…. جربيه في حاجة واحدة راح تعرفي نواياه الكل… أطلبي منو يجي يخطبك… أغلب الظن راح يهههههههههههههرب
أخطيك من هاذي العلاقات والمكتوب يجي للباب مش يحكي معاك في التليفون ويفوت في الوقت
راه جاي رمضان استغليه وتعلمي أمور دينك وربي يوفقك لكل خير
اختي
اولا هي علاقة محرمة
ثم الجوندارم معظمهم يحبو يفوتو الوقت
والدوله دايره ليهم تخفيض
يعني المواطن العادي يخلص اشتراك هوما يخلصو نصفه
اربع خطوط قراتوي
يعني على الاقل معاك 3
وزيد معظمهم خدمتهم صعيبة
اغلبيتهم ياجلو زواجهم الى ما بعد التقاعد او نصفه
معناها راكي تعمري في بيدو مثقوب اختي
اتركيه لوجه الله ومازلتي صغيره وربي يعوضك خير منه
وما تتحججيش بالحب لانو قاع الناس حبت وفارقت وواحد ما قتلو فراق من احب
زواج التيليفون ……….. ما يكون
خافي ربي
و حافظي على شرف عائلتك
ياختي غير اخطيك منوا باينة عليه بلي داير 100 وحدة موراك وين راهي كرامتك
وزيد قلتي مانقدرش نبعد عليه هذا كلام تافه والله غير تقدري تبعدي عليه وتنسايه نورمال وبدلي النيميرو تاعك
كي شيئ واضح قدامك ,,,كان معاها سبع سنسن و مازالوا معاها و انت تقولي واش ندير ,,,,,,,راه غير يفوت في الوقت معاك كي يتزاعف معاها يجي ليك انت و زيد راهوا خالعك بزوج كلمات برك,,,,,,,,,لوكان جينا نسمعوا لكلام الشباب ماتفراش
رمضان راهو جاي اعزمي و توكلي على ربي
اجبدي عليه هادا راهو تاع بنات وماتخيهش يقول عليك مسكينة حابة زواج عليها شادة فيا بينيلو بلي عندك كرامة وهاد النوع غير هوما فهاد لوقت قليل ما تلقاي راجل ولد حلال ويخاف ربي اجبدي روحك وما تزيديش تعاوديها كون جات كل بنت دير هاك راهم رجال ترباو
اخطيك منو لي ناوي الخير يدخل من الباب نشي من التاقة=و لا التيليفون =
أخطيك منو باين عليه إنسان يحب يلعب ببنات الناس
قيسي الحبوبة غاااااااااااااااااااادي عليك راه يلعب بيكم
الهي بقرااااااااااااااااااااااااااااااااااااااااايتك هاخلادار شرك ومن بعد ساهل الحاااااااااااااااال
ورمضان كريم
أنا نقولك أنسايه راهو مازال يحبها ما تنسايش راهي عشرة عمر 7 سنين و ثاني حاجة الحب الأول………راني متأكدة بلي ماترجعلوش كي عرفاتو على حقيقتو
غير خطيك منو القصة باينة لو كان جا ناوي نية تاع خير مايهدرش معاك و معى اخرى في نفس الوقت ماهو ليك ماهو ليها
هذا مازال مانضجش و مازال ماهوش مستعد للزواج على بيها راه غير يزعق ببنات الناس….و يجي لوقت اللي تفهمي بلي هاذ
العلاقات راهي غير كذب بكذب و ماكاش كيما لحلال
