السلام عليكم ورحمة الله وبركاته
اليوم جبتلكم وصفة درتها لعرس خويا ان شاء الله
كنت جربتها من قبل وعجبتني حبيت نفيدكم بيها
نبداو في المقادير
رطل مرغرين
كاس سكر ارطب
نص كاس كاكاو
كيس خميرة
باطة حلوة الترك صغيرة
حفنة لوز ( اختيارية)
وثلاث صفار بيض
الحشو
نحتاج ثلات كيلات نوادكوكو مع نص كيلة سكر ارطب وتلمي بماء زهر
الطريقة
طبع راح نضرب الزبدة مع السكر حتى يبياض ومبعد نضيف الصفار بالوحدة ومبعد الكاكاو والخميرة واخيرا الفرينة
حتى نتحصلو على عجينة طرية ماتكونش يابسة
والباقي مع الصور
وهذا الطابع لي درت بيه
وبعد مايطيب تعسليه وتزينيه كيما تحبي
هذي المقادير ديرلك تقريبا 70 حبة على حسب الحجم نتاع الطابع نتاعك
وفي الاخير دعواتكم ربي يصلح العرس ويهني خويا ويهني كل مؤمن
وااااااااااااااااااااااااااااااااااااااااااااااااا اااااااااو ام اثري يعطيك الصحة ووربي اهني خوك ويسعدو ويرزقو الذرية الصالحة
الكحلوشي قلبو بيض كيما قلب
انا الاولى لي رديت يسما انا المعروضة الاولى فالعرس متنسايش
الله يجعل قلبك ابيض هايل هايل والشكل تحفة
تسلم اديك هايل 
هايل اختي بارك الله فيك على الوصفة الف مبروك لاخوكي ربي يهنيه ويرزقو بالذرية الصالحة اللهم امين
|
المشاركة الأصلية كتبت بواسطة ام ضياءالدين
 وااااااااااااااااااااااااااااااااااااااااااااااااا اااااااااو ام اثري يعطيك الصحة ووربي اهني خوك ويسعدو ويرزقو الذرية الصالحة
الكحلوشي قلبو بيض كيما قلب انا الاولى لي رديت يسما انا المعروضة الاولى فالعرس متنسايش |
اهلا ام ضياء مرحبا بيك راهو قريب من ثم تقدري تجي
|
المشاركة الأصلية كتبت بواسطة أم ياسين الزهراء
الله يجعل قلبك ابيض هايل هايل والشكل تحفة
|
ام يسين الله يعزك حنونة
|
المشاركة الأصلية كتبت بواسطة ouricia
تسلم اديك هايل
|
ويسلمك اوراسية حبيبتي حمد لله على سلامتك
اممممم يعطيك الصحة
اكيد قلبه ابيض كقلبك
يعطيك الصحة وربي يهني خوك
يعطيك الصحة حبيبة يشهي و ألف مبروك لاخوك
يعطيك الصحة عجبني بزاف وراني نقلت الوصفة باش نديرو في السانكيام تاع بنتي ان شاء الله
بارك الله فيك
حلوة تهبل شكلا وأكيد مذاقا يعطيك الصحه
الله يبارك في زواجهم ويهنيهم يارب
يعطيك الصحة
ماشاء الله ام اثرى متحوف ربى يكمل لخوك ويهنيه هو مرتو ويرزقهم الذرية الصالحة
هايل بصح ؤين حطيطي حلؤة الترك ؤالحفنة تاع اللؤز
ربي يصلح لخؤك ؤيرزقؤ الذرية الصالحة
يعطيك الصحة اختي شكرا على الوصفه لكن حلوة الترك وين درتيها بقيت نحوس عليها هههههههههههههه
العقدة درتي نواد كوكو فقط
