لبنات كنت حطيتلكم صور قاطو الدفوع اليوم جبتلكم صور قاطو العرس أختي لي كنا دفعناله وشفتي الصور
الصور ماكانتش عدي يمالا كي جبتهم ماحبيتش نبخل على منتدانا الغالي:
درنا البقلاوة والعرايش وقاطو الدمعة والكرموسة ومقروط اللوز:
أضغطي على الصورة لتريها بحجمها الطبيعي
وصفة قاطو الدمعة:
250 زبدة – 1/2كاس سكر ناعم – ملعقة بيكربونات – 3 بيض – 2 م عسل – أفاني 5 كيسان بيمو مرحي – القليل من الفرينة حتى تصبح عجينة لينة
تحلي العجينة تقطعيها بطابع الدمعة وديريها في الفور تطيب ثم تلصقيه كل 2 مع بعضهم البعض بالكريمة (موسلين: الكريم موسلين وهو عبارة عن الكريم باتسيير مضافة ليه الزبدة :الكريم باتسييرفي ضربي صفار البيض+سكر+ المايزينة حتى الانسجام ومن جهة اخرى سخنى الحليب+ لفاني ونقصي شوية احليب وفرغيه مع خليط البيض وخلطي بالباتوغ مبعد كي يسخن الحليب فرغي خليط على الحليب
ساخن وخلطي حتى يثقل وتصبح كرام بتيسيار و بعيدا عن النار نضيف ليه 200 غ الزبدة ضربي بالباتور نضيف الفاني )
وتقطسيها الحبة في الشيكولاطة كي تنشف زينيها بالخطوط البيضاء(حليب مع سكر قلاصي شوية ليم وصريس تعود فوندون) في مقدمة الخبة درنا كرافطة بالباتاموند
ملاحظة
حنا نسينا مادرناش نيستلي أي بعد ماتلصقي الحبتين ادهني الوجه الفوقاني بالنستلي كراميل (ديري النستلي في الكيكوطة 45د حتى نعود كراميل) ثم أغطسي الحبة في الشكولاطة
البقلاوة الى الأخت souads لي طلبتها مني في قاطو دفوع أختي
3عبرات فرينة مع عبرة مايزينة وبيصة وعبؤة دهان وشوية لافاني وحلطي وعقبيها في الزوال باش الحبيبات تتحل وعجنيها (بالماء مع ماؤ الزهر)
وخليها ترتاح
كي تعودي تخلي في العجينة حليها باللمايزينة وكرري العملية في نفس الرقم أنا عندي رقم 7 نم نحلها في رقم 5 ثم في رقم 1
بين الطبقات ندهن بالدهان ونثنثر المايزينة باه الطبقات تجي مورقة
الحشو كوكاو ونظيف االسكر مجرد أن أرى حبيبات السكر اتوقف وأظيف كاس تاي زيست ليمون وم سمن ونجمل بالماءزهر بصح ماديريهاش عجينة
ودرت 6 تحت و5 طبقات من الفوق
وخلبها تبات ليلة كاملة ثم الغدوة طيبيها وعسليها بعسل مخفف قليلا
قاطو روووووووووووووووووووعة ومبروك على اختك مرة ثانية العاقبة للي مزالو
هايليين و مبروك عليكم
مفهمتش التزيين تاع قاطو الدمعة
الحلوى هايلة ماشاء الله
هايليين و مبروك عليكم
و الله قاطو الدمعة عجبني يا ريت لو كان تعاودي تكتبي الطريقة بالتفصيل أكون ممنونة
أيضا مكونات و طريقة تحضير الكريم موسلين لو تتفضلي و تكتبيها مع الشرح معذرة على الطلب
الف مليوووووووووون مبروووووووك والقاطو ماشاء الله
كلشي مبروك لعقوبة لعندك اذا مازال
ربي يهنيها وبصحتكم هايل
الف الف مبروك
ألله يبارك قاطوكم هاااايل
قوليلي الطلية تاع العرايش كيفاش درتوها وكيفاش خرجلكم هداك اللون
واعطيني وصفة القاطو اللي جاي اخضر اذا مفيش ازعاج
|
المشاركة الأصلية كتبت بواسطة zineb_saib
 ألله يبارك قاطوكم هاااايل
قوليلي الطلية تاع العرايش كيفاش درتوها وكيفاش خرجلكم هداك اللون واعطيني وصفة القاطو اللي جاي اخضر اذا مفيش ازعاج |
قاطو الكرموسة:
كيلة لوز مرحي
1/2 كيلة سكؤ ناعم
م ص عطر الفانيليا
السيرو: 1/2ل من الماء 250غ سكؤ خشن
اطخني اللور مع السكؤ وغربليهم ضيفي الفانيليا
في كسرونة خطي السكر والماء حتى يعقادو كي يبرد ظيفية لللوز والسكؤ المؤحي حتى تحصلس على عجينة
كي تخدمي الكرموسة ثنثري سكر الاحرش
[هذي الوصفة نشكر حبيبتي لي خدمتها كادو لاختي في العرس
يعـــــــــــــطيـــــــــــك الصـــــــــــحـــــــــــة
ألـــــــــف مــــــبـــــــروك
هذا يشبه قاطوا عرسي
لعقوبة ليك يا لعزيزة
و ربي يفتحا عليك
الف مبروك قاطو هايل
