اليوم جبتلكم فطاير روعة نسميهم فطاير ماما العزيزة
2بيض + 3مغارف حليب سائل + نص مغرف كبيرة خميرة انتاع الكسرة فنجان ماء عادي ماهوش دافء تلميهم بالفرينة وتعجنيهم مليح بكون ماشي مرخوفين بزاف عادي مشدودين وتخليهم يركح في مكان عادي ماشرط يكون سخون وبعد ذلك حليهم بالحلال رقاق وشكليهم ببول انتاع شربة متوسط الحجم وعاودي دريلهم ثقبة في الوسط بمقفال القرعة انتاع الماء المعدني وخليهم يركح شوية قيمة ماتكملي باقي الكمية وغطيهم بحاجة كي يزيدو يركح تكوني سخنتي الزيت تقليهم بلا ما تكبي فوقهم الزيت يتنفخ ومبعد كي يطيبو ذري عليهم سكر رطب صدقوني راهم روعة نتمنى نلقى الرد والرأي انتاعكم واعذروني على الصور مزلت عضوة جديدة المرة الجاية نجيبلكم الصور
وكي تبغي كمية كبيرة ضاعفي المقادير عينك ميزانك ماشي شرط تتقيد بالمقادير لانها وصفة ناجحة جدا
يعطيك الصحة ….. و ربي يخليهالك
444444444444444444444444444444444
يعطيك الصحة ام فراس واصيل ربي يحفظلك امك وان شاء الله نجربهم
أكيد بناااااااان من ايدين ست الحبايب
الله يحفظها ويحفظك
يعطيك الصحة اختي
يعطيك الصحة اختي وربي يعيشلك ميمتك
تسلم الايادي
اكيد من يدين أمك حاجةواحدة اخرى
ربي يعيشهالك يا رب
نشكركم يا خواتي الكريمات على الرد ونشكر فايزة بزاف الي بعثتلي برسالة خاصة ووراتلي كيفاه ندخل الصور و راني قرحانة كي عجبوكم وصفاتي البسيطة والمتواضعة
شكرا حبيبتي وجارتي السطايفية ان شاء الله نجربهم وندعي لميمتك بالصحة
مشكورة على مشاركتنا الوصفة
اكيد أحسن الوصفات هي الوصفات اللي نتعلموها من عند امهاتنا
ربي يحفظهالك
الله يحفظ الوالدة وكل شي من يديها اكيد بنان
بارك الله فيك
ربي يحفظلك الام الغالية
