غريبية الحمص
المقادير
كيلة سمن دايبةوبايتة في الفريجيدار
اكترمن نصف الكيلة سكر قلاصي
فاني
نخبطهم ملييييييييييح بالباتور حنى يبياض الخليط
نضيف كيلة دقيق الحمص يكون مغربل
ونخدمها مليح بكف اليد
تم نلم العجين بالفرينة انا هنا استعملت 2 كيلات نقصت منهم حوالي مغرف كبيرة
ورشة ملح ونخدمها مليح مليح
هي نورمالمو الفرينة لي نضيفوها في هد المرحلة تكون محمصة وباردة تعطيها بنة رهيبة انا هنا كنت مزروبة ماحمصتهاش
نتحصل على عجينة طرية
نشكل حسب الرغبة انا نحب هدا الشكل
ونطيبها بنفس طريقة الغريبية العادية في هدا الرابط
هنا اول ماخرجتها من الكوشة لاحظوا مجرد ماتمسوها تتفتت
ان شاء الله تجربوها وتنال رضاكم
وعيد سعيد وكل عام وانتم بخير
يعطيك العافية دائماً متميزة ومبدعة ومشكور على كل الوصفات لراك تقدمي فيهم ماشاء الله شكرا
لك الففففففففففففففففففففف شكر والله غير جربت لغريبية تاعك جات هايلة هايلة الطعم غريبية بكري هو لكنت نحوس عليه لميتي شكارة دعاوي خير واكيد رايحة نجر تاع الحمص عندي كمية كبيرة من فرينة الحمص وعندي ليك طلب كون تزيدي ديريلنا مقروط المقلة بجميع اسراره ولك الف شكر جمعة مباركة
السلام عليكم
هده غريبية باللبلابي مشكوررررررررة
طعمها لديد
جمعة مباركة
جزاك الله الجنة يا غالية
ربي يحفظك ويعطيك ما تتمناي ان شاء الله
شحال وانا نحوس عليها
لكن عندي سؤال
هل من الاحسن استعمال فرينة الحمص محمصة ؟
شكرااااااااااااااا على الوصفة يا أحلى شاف
بارك الله فيك
روووووووووووووعة الله يعطيك ما تتمناي …حبيت نسقسيك نقدر نديرلها شوية خميرة ؟
الله يبارك ويزيد وصفاتك كلها روعة شكرا حنونة
الف شكر ام كوثر والله كنت نستنى فيها و كي طولتي قلت ندير نتاعك لي نورمال و خلاص
عندي سؤال ام كوثر لازم السمن يبات ولا نقدرو نستعملوه بعد ساعتين كيما سبق و قلتي و اللللللللللللللللللللللللللف شكرا
بي يعطيك ما تتمناي و يحفضلك زوجك و ولادك ان شاء الله
بارك الله فيكم اخواتي الطيبات على الدعوات التى انا بحاجة اليها
اولا الغريبية مافيهاش الخميرة
الفرينة لي تكون محمصة مش دقيق الحمص
السمن معليش ندوبوه ونحطوه في الفريجيدار وكي يبرد ويجمد نخرجوه كي يبدى يطرى نخدمو بيه معليش مايباتش
واي سؤال راني هنا
ربي يحفظك يا ام كوثر ويعطيك ماتتمناي على قلبك الابيض وحبك لمساعده الغير
الغريبيه بجميع اسرارها جربتها تهبل وتذوب في الفم وبعد العيد ان شاء الله نجرب هادي هايله واكيد ذوقها مختلف يعطيك الصحه وشكرا شافتنا العزيزه
رايحا نثبتلك الموضوع بصح مش هنا في قلبى هو ومولاتو هههههههههه واحلى تقييم
يعطيك الصحة تسلم ايديكي سؤال من فضلك الحمص اللي نستعملوه في كرنتيكا؟
بارك الله فيكي و جزاكي كل خير
سؤالي هو واش هو دقيق الحمص و هل هو الحمص مڨلي و يترحا ام ماذا ؟؟؟؟؟
