السلام عليكم خاوتي اله يستركم والله على ابواب الضياع المؤدي لللانتحار شاب ككل الشباب يبحث عن عمل …عندي ليسانس في الغة الالمانية مي مالقيت ماندير بيييه …هل من مساعد يدلنا عللى اي فكرة او باب نطرقه بهذه الشهادة
علاه ماتشوفش المدارس الخاصة لييدرسو اللغة الالمانيةبالاك يخدموك عندهم
بارك الله فيك اختي تفاحة مي وين راح نلقاهم الرجاء كاش واحي ygidini مانيشعرف وين نوجه اساسا
حاول ان تجد وظيفة خارج التخصص تاعك
حاول تزيد تدرس تخصص اخر
حاول تدير تكوين في معاهد التكوين المهني في احد الاختصاصات المطلوبة في سوق العمل مثل: تقني سامي في الاعلام الالي
حاول تدير عقود ما قبل التشغيل عند القطاع الخاص لانو الخواص ما تهمهمش الشهادة ابسط مثال بائع في صيدلية
ربي يعطيك الخير
السلام عليكم يا اخي
ليس كل من درس واخذ شهادة راه يخدم بها
حاول ان تجد عملا حرا حتى ينوب ربي
ربي معاك
إعلم أخي الكريم أن الأرزاق بيد الواحد الأحد، وأن الله الذي رزق الطير والوحوش قادر على أن يرزق عباده،
فلا تقنط من رحمة الله واتخد الأسباب وادعوا الله أن يرزقك،
وكنصيحة لك
إبحث عن أي عمل بغظ النظر عن الشهادة،
حاول أن تمتهن التجارة أوما شابه ذلك ولاتنتظر العمل بالشهادة،
فالكثير من خريجي الجامعات يخطؤون هذا الخطأ،
بالتوفيق لكم.
|
المشاركة الأصلية كتبت بواسطة حميد.ص
 حاول ان تجد وظيفة خارج التخصص تاعك
حاول تزيد تدرس تخصص اخر حاول تدير تكوين في معاهد التكوين المهني في احد الاختصاصات المطلوبة في سوق العمل مثل: تقني سامي في الاعلام الالي حاول تدير عقود ما قبل التشغيل عند القطاع الخاص لانو الخواص ما تهمهمش الشهادة ابسط مثال بائع في صيدلية ربي يعطيك الخير |
بائع في صيدلية ………؟؟؟؟؟؟؟؟؟
شوف كاش واحد عندو الدراهم ويسافر يخدمك طرجمان
يجب أن تجد عمل في تخصص ديالك أنت ما قريتش باش تخدم ماصو
إذا ما لقيتش خدمة تاعك و بقيمتك ما تخدمش
المهم المدارس الخاصة كاين بزاف فالجزائر إبحث عنها عبر الأنترنت
وربي يوفقك إنشاء الله
"إنّ أشدّ ظلام الليل آخره" فإن مع العسر يسرا إنّ مع العسر يسرا
|
المشاركة الأصلية كتبت بواسطة نورسين.داية
بائع في صيدلية ………؟؟؟؟؟؟؟؟؟
|
بائع في صيدلية هو عبارة عن شخص عادي يكون من الاحسن خريج جامعي و دارس باللغة الفرنسية
يدير تكوين بسيط باش يولي يقدر يقرا اسماء الادوية في الوصفة من بعد يبدى يخدم عادي و يخلص عادي في اطار عقود ما قبل التشغيل cta
للعلم كل الصيدليات تعتمد على هؤلاء في العام الاول و الثاني ديما يخدم مع شخص اخر عندو خبرة طبعا من بعد صايي
هاذي هي
ياأخي الانتحار ليس حل
كلنا بشهادات جامعية وبدون عمل
أنا راني كرهت حياتي عندي ماستر طاقات متجددة وكل الأبواب مغلقة
لاعمل حتى في ابسط الاشياء لم اجد العمل
متفهم وضعيتك لكن عليك بالحلول
بما أنك لسانس لغة ألمانية فلمادا لاتحاول السفر الى ألمانيا من أجل الدراسة والعمل
ان شاء الله تفرج عليك خوياااا
السلام عليكم
اولا اخي نحي من بالك كامل فكرة الانتحار
نتا راك في ميزيرية في الدنيا راك حاب تخسر الاخرة ايضا؟؟؟؟؟ خمم فيها مليح
ثانيا و بصراحة هذه الشهادة ماراح تفيدك في حتى حاجة
الحل
دير دورات تدريبية
التحق بمراكز التكوين
تعلم لغة اخرى ( يعني لغة المانية +,انجليزية, اسبانية …) يستحقوك الشركات الاجنبية المتعاقدة في الجزائر
تعلم اعلام الي
و كيما قال الاخ بائع في صيدلية ( تقرا مدة قصيرة و من بعد تعمل عند صيدلي )
يا اخي كل الابواب مفتوحة امامك و ما تبقاش تشوف غير في باب الشهادة لي عندك لي راه مغلوق
و اسعى و توكل على الله و ما تخليش وقت فراغ حتى تجيك تلك الافكار
و الله ولي التوفيق
اشكركم جزيل الشكر على كل من ساهم في النصح والارشاد ربي يحفضكم لكن الى حد الان لم اجد حلا يقنعني.
الدراسة في الجزائر للإحتفاظ بذكريات الجميلة فقط…!
وليس لضمان المستقبل
خويا شوف حاجة اخرى الدبر بيه لقمة العيش متقعدش تستنى و ربي يفرج علينا و عليك
فكرة الأخ no name rix جميلة السفر ألى ألمانيا بالتوفيق
كاين ثانويات يدرسو الالمانية شوف كاش كونكور
و ثاني مدارس السياحة و الفندقة ثاني يدرسو الألمانية
و ربي هو الرزاق
يعني إذا كان كاتبلك أي خدمة راه تخدمها و انت تضحك
و نصيحة ما تبقاش غير في الولاية نتاعك تحوس
شوف الولايات الأخرى.
كاين معلمين من العاصمة راهم يقرو في إليزي و هاذي حقيقة مش تخمين
لأني سافرت معاهم أنا و زجي عندما كنا نسكنو في ورقلة
حتى أنني استعجبت لكن زوجي قال أنهم ذهبو إلى إيليزي و عقبو الكونكور
انت اسعى و ما تيأسش و حاول و ربي هو الرزاق مش العبد
