السلام عليكم
لي طلب صغير و هو أنني ما نعرفرش ندير القاطو يعني مرات قليلة حابتكم تعطوني وصفات سهلة و بعبر قليل باش نتعلم من فضلكم
و شكرا مسبقا لكل وحدة غادي ترد على موضوعي
[IMG]file:///F:/CHIMIE%20ORGANIQUE/cuisine/%D8%AD%D9%84%D9%88%D9%8A%D8%A7%D8%AA%20%D8%AC%D8%A 7%D9%81%D8%A9%20%20gateau%20tounsi/livres%20gateaux2/livres%20gateaux%20176.jpg[/IMG]
مرحبا ايها الهدوووووووووء المزعج,,,,,,
ان شاء الله تتعلمي و حنا نتعلم منك
و الله انا مثلك راني نتعلم غير من هاذ المنتدى
راه مليان بالوصفات الساهلة و البنينة
ربي يعاونك
اهلا اختى هذا القسم مليان وصفات ساهلة جربى و انشاء الله تتعلمى
شفت الوصفات لكن حابة نبدا من الصفر من الساهلة طبعا
ولي عندها أي وصفة ساهلة تمدهالي يعني مشي غير أنا كاين بزاف بنات كيفي حابين يتعلمو
هل من وصفة سهلة نبدا بيها
جربي باش تتعلميييييييييييييييييييييييييييييييي
يا الغالية كيما قالولك المنتدى مليان و صفات شوفي اللي تعجبك و جربي
مثلا الكروكي و لا بوتي فور و لا صابلي إبداي بهاذو الناشفين من بعد المعسلين و تاع الكوكاو
المعسلين كيما القريوش الحنيفيات و نقولك و الله أول مرة نخدم الحنيفيات صدقو معايا
حتى القاطو بالكوكاو كيما المشكلة و الياسمينة أول مرة نديرهم خرجو فور حتى البقلاوة
نوصي ختي متخافيش و كي تجي تخدمي تبعي الطريقة مليح و بقاي تخيليها كيفاه تخرج و يصدقلك كلشي نشالله
و الله أنا كنت نخاف قبل منجرب و ميصدقلي والو و الله ديها نصيحة مني
شكرا لتشجيعكم و ان شاء الله أول حاجة نجربها و تصدقلي نوريهالكم
السلام عليكم
أختي انا تاني مبتدئة و الحمد لله الحاجة لي نجربها من المنتدى تصلحلي
المهم و خاصة في الحلويات تتقيدي بالمقادير لازم تكون دقيقة يعني لازم يكون عندك كاس لي تكيلي بيه عالاقل بش تقدري تخدمي لانها عكس الاكل المالح تزيد حاجة او تنقص حاجة راحتلك الوصفة
كذلك شيئ مهم جدا كي تجي تشري المواد لي في الوصفة لازم تختاري أجود نوعية والله مهمة جدا و تعمل فرق واضح أنصحك مثلا
بسكر أرطب المرجان انا نخدم غير بيه و بقية منتجات المرجان سمن و زبدةووووووووووووووو
و زيد اغلب العجائن سواء تاع الحلويات او تاع البريوش من المستحسن تبقى طرية بلي يدك بالماء او رشيها بالفرينة و رشي طاولة العمل بالفرينة و كذلك الحلال باه متلسقش العجينة الطرية و اخدمي لانو العجينة لو عملتيها ناشفة رح تساعدك في العمل على حساب الطعم تجي معجنة و تقيلة و اذا خليتاها طرية تجيك خفيفة و هشة
بالضافة للتحضير المسبق بما انك مبتدئة كيما حالتي اكيد رح تتخربطي فلازم عليك توجدي كل شيئ قبل ما تبداي العمل لازم تتاكذي بلي المكونات كل عندك الطوابع كل كذلك الفرن تحطيه يسخن قبل ما تبداي كذلك البلاتو تاع الفرن لازم يكون مدهون و مرشوش بالفرينة قبل البدء في العمل باه متتخربطيش و تكوني ديجا متهنية من كل شيئ
كاين الكيكات السهلة متل الموسكوتشو وووووو لي فيهم خميرة الحلوى كيما تخلطيهم تحطيهم مباشرة في فرن ساخن يطيبو لكن الحلويات التقليدية الاخرة لي ما فيهاش خميرة الحلوى بكمية كبيرة يعني لي ما تطلعش مثل التشاراك او القرنفلة …….طل ما تخلي العجينة ترتاح في الثلاجة كل ما يكون افضل تجيك عجينة رووووووووووعة بالاضافة لانها متعبكش يعني اليوم مثلا تحضري العجينة غدوة تعملي غير الحشو و تشكلاها انا دايما نعمل هكا
الفرن لازم يكون ساخن من قبل كيما قلت و لازم يكون دائما على درجة حرارة منخفضة باه يدي القاطو حقو في الطياب و ما يتلهفش و ميجيش معجن
أغلب الحلويات خاصة لي فيها خميرة الحلوى 15 دقيقة على الاقل باه تفتحي علاها الفرن و الا تطيحلك و تحي معجنة و كي تفتحي الفرن لازم كل شيئ يكون مقفول باه الكيكة متهبطش
عبالي بلي اغلب النصائح الناس تعرفها لكن حبيت نفيد بيها المبتدئات لاني انا مثلا كي غير وين عرفتهم لانو صدقيني اشياء بسيطة مثل هذي تؤثر على نجاح الوصفة
سلاااااااااااااام
من ساعة حطيت وصفة الغريبية جد سهلة ومقاديرها قليلة عنوان الوصفة الغريبية الطرية
اتمنى لك الاستفادة
شكرا لك زهرة الرمل على هاته النصائح و الله غير عندك الصح الشيء كامل الي قلتيه
صح و ما غلطتيش فيه و ان شاء الله تفيدوني
ان شاء الله نجربها أختي هدايات و نردلك الخبر
ممكن تعطيني الرابط
هذا هو الرابط جربيها ورديلي الخبر بعدها نفكرلك في ثاني وtصفة
واش رايك مشي كيف نتاعك مي راني نتعلم ماتضحكيش عليا هدايات
