السلام عليكم خياتي
ان شاء الله تكونو بخير
حبيت نوريلكم طريقتي في عجن الرخساس
يجي هشيش وكامل يعجبهم احم
علبالي بلي الله يبارك متخفاش عليكم الطريقة
مي كاين مبتدئات كيما تقول ختنا الوهرانية
المقادير كيما موضحة في الصورة
درت مقادير تاع وحدة لعيونكم
سميد حوالي ثلاث كيسان ونصف وملعقة اكل ملح وملعقة قهوة خميرة الخبز باش جي هشيشة واخرى سكر وفنجان زيت
ثم نسكب نصف كاس ماء نديب الملح اولا ثم نخلط مع الدقيق ونفرك جيدا حتى يتخلل الماء والزيت كل السميد
وأضيفي الماء حتى الحصول على عجينة طرية
ويجب الانتباه كاين الدقيق ليمشربش الماء عينك ميزانك
وادلكيها جيدا يجب ان تكون طرية للحصول على نتيجة جميلة
ادا كانت يابسة متجيكش مليجة
وكوريها هكدا
وقرصيها هكدا وضعي شوية زيت على الجانبين
وحليها بالحلال
حليها وقلبيها ثم زيدي حليها وهكدا حتى الحصول على شكل دائري جميل
وتقبيها بالفرشاة
ولحصول على نتيجة جميلة بعدما طيب من جهة قلبيها وتقليها بلوحة صغيرة او اي عفسة حتى تحمر يشكل جميل
اتمنى نكون افدكم شوية
تحياتي
يعطيك الصحة اختي رخساس هايلة بصحتكم
يعطيك الصحة
بصحتكم
السلام عليكم حنا نسموه الفطير صحيتى
شكراااااااااااااااااااااااااااااا
ما شاء الله خرج هايل و يشهي
يعطيك الصحة غاليتي
waw rawwaa ana ndir fiha jenjlania wala sinouje
بارك الله فيك هاااااااااااااااااااااااااااااااايل
شكرا خياتي ربي يحفظكم
احنا نسميوه الفطير بصح بدون سكر وخميرة
و ناكلوه مع القهوة فقط
ما نقدروش ناكلوه مع الماكلة
شكراا
خربشة ناعمة
ايه ختي كاين ليسموه فطير وياكلوه غير مع القهوة نظن انت من الغرب
حنا في الشرق ناكلوه مع الماكلة سيرتو شربة فريك يجي روعة جربي ومتندميش
انا بيت شيخي كانو هكدا بصح علمتهم ياكلوه ولاو مايستغتاوش عليه
يعطيك الصحة
يعطيك الصحة أختي , جاك هايل ممممممممممممممم مع شريبة فريك , أنا نحطلو السينوج الأسود.
يسلمكم خياتي على الردود
