السلام عليكم أخواتي نتمنى تكونوا كلكن بصحة وعافية أنا شريت اليوم طوابع مختلفة مصنوعين من الحديد ومعاهم حديد طويل يثبت فيهم باش تطيبي بيهعم نوع من القريوش أنا شفتو خطرة في الأنترنيت على شكل وردة ونسيت على الوصفة المهم نتفكر برك بلي تغطسي هذا الطابع بعد ما تثبتي الحديدة الطويلة فيه تغطسيه في الخليط ثم تحطي الطابع مباشرة في زيت سخون باه يتقلى شكون منكم الفحلة اللي تقلي طريقة تحضير العجينة راني حابة نديرو من فضلكن راني نستنى.
ره الوصفة موجودة هنا بزاف ادا لقيتها نحطلك الرابط
الله يخليك أختي حطيلي الرابط لأني حابة ندير هذا القاطو وشكرا على التفاعل.
انا موالفة اختي انديرها
3بيض+1خميرة القاطو+كاس ونصف حليب نخلطهم مليح بالباتور+الفرينةمن5الي6 ملاعق كبار وخلطي مليح بالباتور
لازم اتجي جارية+شوي ملح وخلطي من بعد اتسخني الزيت وتحطي المول في الزيت حتي تسخن مليح اغطسيه في العجينة بدون ماتوصلي فوق الحواشي ثم بسرعة ضعيه في المقلاة رايح تطلق الوردة وحدها يصبح لونها ذهبي قطريها ثم روشي عليها شوي عسل
وكاينين لغوسات متعددة روحي الgoogl ,واكتبي قريوش المرشم
هاهو ليك فحلة ولالاادعيلي اختي https://www.djelfa.info/vb/showthread.php?t=830321
l]
السلام عليكم و رحمة الله تعالى و بركاته
نعطيك أختي طريقتي أنا :
* كاس و نصف فرينة " الكيل هو غرفية الحليب الصغيرة "
* 1م ك و نصف سكر عادي
1/2 م ص ملح
* بيضة
* كأس حليب " لي كيلتي بيه الفرينة"
-نخلط الأشياء الجافة أولا "فرينة+سكر+ملح" بواسطة شوكة ثم نضيف الحليب ثم البيضة و نخلط جيدا حتى تتداخل المقادير مع بعضها البعض .
نحط كاسرول فوق النار به زيت غزير و نتركه ليسخن جيدا ثم نضع فيه الطابع تاعنا و ننزعه ثم نضعه في الخليط لكن ما نلوحوش كامل بل نصل إلى حافة الوردة فقط ثم إلى الزيت سخون و بواسطة سكين ننزع الوردة المتحصل عليها برفق و نقلبها حتى تحمر و هكذا نكمل الخليط كله لكن نحط كسكاس ندير فيه حتى تقطر من الزيت وبعد ذلك نعسلها و نزينها من فوق بالجلجلانية .
إنشاء الله تعجبك طريقتي و جيك مليحة و تدعيلي دعوة باهية . و أدخلي ل google و أكتبي بالعربية "حلوة الوردة المقلية" راهي تخرجلك عدة طرق و بالتفصيل ، حظ سعيد حبيبتي .
الله يبارك كلكم فحلات علابيها حطيت سؤالي في هذا المنتدى ربي يرزق كل واحدة واش تتمنى ويسرلها جميع أمورها كيما يسرتلي معرفة وصفة هذا القريوش شكرا للجميع على مروركن الطيب والايجابي
كاس او أكثر شوية حليب
كاس فرينة مخلط مهاه 2 مغارف نشاء
مغرف صغيرة خميرة القاطو
رشة ملح
بيضة
مغرف كبيرة سكر
نصف فاني لا حبيتي تضيفيها
خلطي الكل لازم الخليط يكون خاثر شوية باه ما تيبسلكش ليه ليه
حطي الطابع في الزيت السخون احسبي واحد زوج و نحيه انفضيه شوية من الزيت و حطيه في لعجينة و احسبي واحد زوج
و على طول للزيت حطيه فالزيت و حركي مرة طلعي و مرة هبطي حتان طيح المقرقشات وحدها
واذا ما طاحتش عاونيها بعود نتاع الشواء و ما تستعمليش حاجة حديد باه تخرجيها رايحة تجرحلك المول و يفسد
لما طيب رشيها بالسكر رطب
او رشي عليها شوية عسل على شكل خيوط
و حتى و هي هكذاك بنينة
بارك الله فيكن
اسمو شبابيك الجنة وهو هايل
