السلام عليكم والله غير راني تعبانة ياسر وليدي راهو عندو سبعة اشهر ما يحوس غير نحملو وكي نحطو يبكي ما يقعدش كامل وحدو ويلعب لازم مقابلاتو والله غير حرت معاه وحتى رقاد راني نحير معاه كيفاش ندير باش يرقدلي فاليل ويوالف شوية في بلاستو راني ام جديدة ولالله غير احيانا حتى يهبلني نيغي نضربو يقلقني بزاف كيفاش ندير احيانا نصرخ عليه قولولي هذا صحيح نقول كون ما نديرش هكذا نخاف يخرج مدلع
السلام عليكم اختى الله يكون في عونك المهم الطفل كي يكون صغير ما تولفيهش الرفود خليه يبكي حتى يسكت و قضية نتاع الرقاد انا على حساب ما كنت ندير لولدي ولفيه يرقد بكري كيما انا ولدي ملي كان صغير و حتى لضرك ينوض قيس 8و نص و قيس 13 يرقد ما ينوضش حتى 15ونص و فالليل مولفاته على 22 يكون راقد و هدي غير ولف و سايي و انتى مادابيك ما تولفيهش غي تحتك باه ما يوليش يهيب و يقعد وحده ديريله طيور الجنة وخليه يلهى بكاش لعبة و ما تنسيش بالاك راه يدير فالسنين تانى يضروه
تخافى يخرج مدلع يااااااااااااو راهو يدلع ههه
ما تخميش المهم شبعيه و نيميه بالحنانة و غير بشوية معاه و ما عليش راهو والولد الاول دلوع العائلة صافى من حقو
السلام عليكم اختي ولدك راه مازال صغير انا ثاني بنتي عندها08 اشهر كيما وليدك الاولى تاعي متعبتني بزاف تحبني نهزها في النهار ما ندير والو حتى ترقد ماما نصحتني باش نولي نربطها ما اعطانيش قلبي تبقى غير تبكي ربي يسهل و خلاص واش راح نديرو
