السلام عليكم ارجوكم خاوتي عاونوني
من فترة قليلة اكتشفت انه توجد غلطة في اسمي في الشهادة المؤقتة من الجامعة ضايفين حرف بالفرنسية وانا العام الماضي تخرجت وقالولي بلي يطولو مايصحوهاش وبعدها تفكرت بلي دفعت زياد في الملف نتاع الشهادة ولما شفت الزياد وجدت انه الغلطة فيه
وانا ماعرفتش وش ندير نصحح الزياد ولا نخليه كيما راه ونكمل بيه ولكن المشكل انو بطاقة التعريف كاتبين صحيح وكل ملفاتي صحيح الا الزياد اللي سببلي مشكل في الشهادة وللاسف اكتشفته متاخرة
خاوتي عاونوني وشورو علي ربي يحفظكم راني ضايعة ومش عارفة وش ندير
و عليكم السلام
أختي الكريمة لتصحيح خطأ في الاسم العملية سهلة و تتم على مستوى بلدية الميلاد ، في مكتب ضابط الحالة المدنية و تسلميه ظرف مغلق من طرف المحكمة و بالضبط مكتب وكيل الجمهورية
نأتي الى مكتب الوكيل تأخذي معك هذه الوثائق
طلب خطي موضوعه تصحيح الخطأ مع توضيحه
شهادة ميلاد أصلية
شهادة ميلاد الأب
شهادة ميلاد الأم
شهادة عائلية
نسخة ب .ت . و مصادق عليها
شهادة ثبوت الشخصية ( للمعني )
و هناك حسب الوكيل إذا كنت من ولاية بعيدة سيحرر لك القرار ( الحكم ) خلال 30 دقيقة و يعطونك ظرف تأخذيه الى ضابط الحالة المدنية و هو فرع في البلدية و هناك الضابط سيقوم بالتصحيح على مستوى السجل الأم و يعطيك نسخة جديدة من شهادة الميلاد و بها المعلومات الصحيحة
بالتوفيق
جزاك الله خيرا اخي شمس الدين ولكن اذا تقدر تجاوبني بعد مانصحح شهادة الميلاد وان شاء الله تكون بسرعة نروح نصحح الشهادة ولكن المشكل قالولي انو هذا الشي يطول بزااااف وهنا المشكل لانو اذا هكذا مانقدر ندير والو بشهادتي الا بعد التصحيح والا ماهو رايك
أنا كان عندي نفس المشكل في السجل الأم كان إسمي مكتوب بالفرنسية semcheddine أي سمش الدين كما ينطق في الغرب ، ولم أعطيها أهمية لا بعد البكالوريا و لا في الجامعة و لا بعد الزواج ، و قمت بالتصحيح في 2024 فقط
بالتوفيق
ولكن يااخي قالولي انو هذا يسببلي مشكل في الديبلوم وبالتالي في الخدمة مرة اخرى وخصوصا اني نحوس على الخدمة وممكن تجيني فرصة وهنا ممكن نوقع في مشاكل
(انا نقلك لوكان ندري بلي ماتسببليش مشكل مرة خرا في خدمة او اي شي اخر مانصصحها مانسال عليها)
لكن على حسب ماقيل لي انو يسببلي مشاكل وللاسف انو تصحيح الشهادة يستغرق وقت كبير وهنا انا خايفة وربي يكون في عوننا مع هذو الاخطاء
أنت لا تتغافلي عليها و قومي بجميع الاجراءات للتصحيح ، و بعدها ادفعي ملف التصحيح للجامعة و الوقت اللي جات فيه أهلا و سهلا ، لأن الخطأ لن يعرقلك عن العمل ، لأنه لن تجدين فتاة أسمها و لقبها و تاريخ ميلادها مثلك و متحصلة على نفس الشهادة في نفس الدفعة ، معناه عندما تدخلين العمل بهذه و بعد مدة يأتي التصحيح ، ليس معناه أنها ليست شهادتك
بالتوفيق
شكرا اخي جزاك الله كل خير خففت عني ووضحتلي امور ربي يخليك
|
المشاركة الأصلية كتبت بواسطة قلب القمر
 شكرا اخي جزاك الله كل خير خففت عني ووضحتلي امور ربي يخليك
|
لا شكر على واجب
