السلام عليكم
راني في حيرة من أمر بنتي عمرها 17 شهر كان عندها اسهال حاد ودخلت للمستشفى مدة 3 ايام و الحمد لله رتاحت وقالولى السبب هو ظهور ضرس
وبعد 18 يوم من خروجها من المستشفى رجعلها الاسهال بصح المرة هادي مختلف معندهاش السخانة وتتبرز 6 مرات في اليوم وايام 4 مرات وشكلو ماشي سائل مثل الماء وكل ما تأكل ماكلة تتبرز اليوم عندها 11 يوم وهي على هاته الحالة ديتها عند الطبيبة قالتلي نفس السبب طلعت 4 اسنان و 3 اضراس مع بعض
راني منرقدش نهار مع ليل محيرة فوق متتصورو عليها
اي ام مرت بنفس الحالة طمني
وجزاكم الله كل خير
اعطيها الاملاح فهي تساعد على المحافظة على الماء في جسم الطفل
نقصيلها مشتقات الحليب و اعطيها ايضا ماء الارز فهو يساعد على تخفيف الاسهال
ما تقلقيش أختي الحالة عادية انا ابني عمره 18 شهر مثل بنتك حكمو الإسهال ايامات و مبعد يرجع نورمال بعد ما ينبت ضرس و هكذا ضرك راو ينبت في النيبان و راو مع الإسهال و السخانة . اعطيلها سميكتا و الأملاح و الروز و البنان راو مليح للإسهال و ديريلها تيزانة نتاع قشور الرمان راي مليحة بالزاف للإسهال . و ربي يشافي اولادنا الكل
متقلقيش روحك و ديري كيما قالولك الاخوات سميكتا و الاملاح و ماء الروز راهم ملاح و ان شاء الله متطولش و تنبت الاسنان و تشفى
فقط لازم تعلمي ان سميكتا استعملي قرصة صغيرة فقط لان ابنك صغير جدا
الحمد لله اختي عادي ماتخافيش بصح ننصحك كثرليلها البنان والروز والماكلى الكل اللي تيبس الكرش واعطيلها الماء بزاف ونزيدلك اعطيلها كانات كوكا راهي مليحة وتيبس الكرش
أعطيها الروز +الموز أخضر مشي طايب مع الإكثارمن شرب الماء ماتتقلقيش الإسهال الذي سببه خروج الأسنان عادي جدا أنا أيضا بنتي عانت منه حتى أني دخلتها للمستشفى
أنا مريت بنفس تجربة مع ابني ونصحوني بالنشاء 2ملاعق في الحليب تاعو وجربتها والحمد الله
بالشفاء عليها غلي الارز وشربيها الماء تاعو
