السلام عليكم أخواتي رايحة نقدملكم خبيزات الفلفل الحلو باللحم وإنشاء الله تعجبكم 
للعجينة:
300غ فرينة
80غ زبدة
ملعقة خميرة وبيضة
ملح حسب الذوق
بلي العجينة بالماء حتى تصبح متماسكة و أتركيها ترتاح
للحشو:
قلي 200غ لحم مرحي مع راس بصل مقطع بالطول و سنينات ثوم و ملعقتين زيت وملح و فلفل أسود مفرومين كي يتقلى اللحم زيديلوا حبة طماطم مقطعة من3 إلى4 فلفلات حلوين مقع إلى أجزاء صغيرة + معدنوس + شوية زعتر
طريقة التحضير:
قرصي لعجينة قطعيها دوار كبار شوية ديري شوية من الحشوة في وسط كل دائرة من العجينة و طبقيها على إثنان وأقفلي عليها بالشوكة في لحواشي باش ما تتحلش و أدهنيها بصفار البيض و طيبيهم في الكوشة
و شهيتكم طيبة
.. جزاك الله خيرا. نحاول أجربها تبان سهلة
يعطيك الصحة جانا
يالا الصدفة غيراليوم وانا نسأل في الاخوات وشكون عندها لاغوسات و هدو هما les chaussons غير البارح شريت المول اللينطبق فيه لعجينة يعطيك الصحة رايحة نجرب لاغوسات بصح الزبدة نفركها وهي جامدة و لا ندوبها وللاضافة لععجينة لازم ندهنها باليض في الجوانب قبل ما نسكرها ونترك الوسط بدون بيض
بارك الله فيك اختي
|
المشاركة الأصلية كتبت بواسطة nouhati
 يالا الصدفة غيراليوم وانا نسأل في الاخوات وشكون عندها لاغوسات و هدو هما les chaussons غير البارح شريت المول اللينطبق فيه لعجينة يعطيك الصحة رايحة نجرب لاغوسات بصح الزبدة نفركها وهي جامدة و لا ندوبها وللاضافة لععجينة لازم ندهنها باليض في الجوانب قبل ما نسكرها ونترك الوسط بدون بيض
|
أهلا بيك أختي
كيما تحبي الزبدة تفركيها بين يديك مليح ولا تذوبيها
و إذا حبيتي أدهني حواشي العجينة ببياض البيض باش تلصق
بالنسبة لصفار البيض تدهني وجه العجينة باش يجي لونها ذهبي
تاكلي بالصحة
بارك الله فيك على الوصفة
بارك الله فيك
جزاكم الله خيرا على ردودكم
|
المشاركة الأصلية كتبت بواسطة اام وليد
|
أهلا و سهلا بك أختي معنا في المنتدى و شكرا على إهتمامك
يعطيك الف عافية شكرا
