السلام عليكم هادا خبز الشحم تعلمتو من جارتي تيندوفية
فعلا رائع و يحمر لوجه
مقادير العجين
فرينة + ملح + خميرة خبز + ماء دافيء
نعجن الكل جيدا و نتركه يخمر
الحشو
قطعة شحم مقطعة رقيق
بصلة كبيرة محكوكة
جزرة مبروشة رقيق
ملعقة كبيرة طماطم مصبرة
ملح و فلفل و كمون
و بعض الاضافات اختيارية
مثل الزيتون اخضر مقطع + الحار+كورنيشو
طريقة التحضير
ناخد غرفية نخلط فيها الفرينة مع الزيت باش نورقو
نشكل العجين قد حبة الماندرين
و ناخد كل وحدة و ناخد كل وحدة نورقها كيما المسمن
نضع الحشو فوق وحدة و نغطيها باخرى
و نرميها في الطجين طيب من الجهتين
صدقوني ما يتشبعش
يعطيك الصحة اختي جاتك هااااااااااااااايلة
تسلمي يبان هااايل
يشهي مع هذا البرد. بارك الله فيك.
يعطيك الصحة باين بلي خفيف والبنة اكيد مضمونة
شكرا اختي الوصفة هايلة مكن تقوليلي كمية الفرينة وكمية الخميرة الي لازم نديرها
وتان مكن تقوليلي كيفاش استعملتي الخليط نتاع الزيت والفرينة
وشكرا مسبقا على الرد
شكرا اختي على الوصفة
|
المشاركة الأصلية كتبت بواسطة sabrina+imen
 شكرا اختي الوصفة هايلة مكن تقوليلي كمية الفرينة وكمية الخميرة الي لازم نديرها
وتان مكن تقوليلي كيفاش استعملتي الخليط نتاع الزيت والفرينة وشكرا مسبقا على الرد |
هايل حبيبتي نفس الاسئلة
اعجبتني كثيرا ممكن توضحي اكثر
يبان هايل بصح انا اذا درتو ندير نص دقيق ونص فرينة
الله يبارك حبيبتي وتحياتي ليك
