السلام عليكم اخواتي في الله
كنت غايبة عليكم لكن راكم في القلب ان شاء الله راكم كااااامل بخير
نشكر كل الاخوات لي سألو عليا انا الحمد لله لاباس فقط كنت مع حلويات نفاس اختي الصغرى ربي يشفيها ويحفظ مولودها ويجعله من الذرية الصالحة ولعقوبة لكل حوامل المنتدى ولكل الاخوات لي متمنيين الامومة ربي يرزقهم الذرية الصالحة المعافاة
جبتلكم صور الحلويات لي عملنا ان شاء الله يعجبكم واي سؤال انا في الخدمة
اولا الرفيس ونسموه ايضا زيراوي قدمناه مع اللبن بالنسبة للطريقة نطيب شخشوخة الفطير عادي
من بعد نفتتوها ونخرجوها في السيار نتاع الشخشوخة
نضيفلو الغرس ونعاود نخرجو في السيار من بعد نفورو ونضيفلو شوية عسل والزبدة ويقدم ساخن مع اللبن
هنا زيناه برقائق اللوز محمصة والسكر رطب
من بعد قدمنا هذا الحلويات مع الحليب والقهوة
اولا المقروظ سبق وحطيتو موضوع
البقلاوة عملناها عادي وبواسطة طابع ال****اج زيناها من فوق
حلوى السلطانيات سبق وعملتها موضوع فقط غيرنا البندق بالصنوبر
المخبز ان شاء الله نحط الوصفة خطوة خطوة
حلوى بالكورن فلكس عبارة عن عجينة صابلي نطيبها في لي مول من بعد نحشيها بنوتيلا مع نوادكوكو ونزينها بالكورن فلكس ولي سوغيز كونفي]
حلوى الملفوف سبق وحطيتها ايضا موضوع فقط غيرت عجينة اللوز الاصطناعية البيضاء بالبنية ضفتلها شوية كاكاو من بعد مسحت عليها ملمع ذهبي رقيق لي يجي على شكل غبرة بالبانسو عملتو اوراق وضغط على الجانبين باه الورقة تاخذ الشكل المائل وزيناها بملمع ذهبي
حلوى الجلجلانية سبق وعملتها موضوع فقط نقصت في السكر عملت 3م ك بدل 5م ك وعسلها في عسل مخفف بماء الزهر باه تبقى طرية لمدة اطول من بعد حطيتها تقطر ودهنتها بشوية من لاجولي وحبات اللوز ايضا دهنتهم بالناباج تعطيه لمعة وشكلو يجي شباب
واخيرا الزرير نحمص القمح والحمص ومكسرات ونرحيهم نذوب الزبدة والعسل ونحط كمية منه
هنا زيناه بالبيستاس وورود من عجينة اللوز
هنا صورتهم مع بعض من مطبخ اختي طبعا ما نقدرش نصور السنيوة قدام الضياف
ان شاء الله عجبتكم الحلوى ولا تنسو اختي من صالح دعائكن لها ولمولودها ولكن بالمثل
في امان الله
الله يبارك ام اماني القاطوات هايلين و دوما حلوياتك رائعة و presentable merci bien
و مبارك ماجاكم ربي يهنيه ان شاء الله في حياتو و يجعل قرة عين والديه و لعقوبة لكل وحدة حابة تولي ام
الله يبارك يا ام اماني دائما روعة
والف مبروك لاختك
alah ybarak ya"tik al saha w ysalam yadik
ربي يبارك روعة
الله يبارك ربي يعمرها داار ويبارك في بيتها الزوجي
ما شااء الله
غيرتيني والدمعة طاحت ليا الله يرزق كل محرومة يا رب
ربي يكون معايا ومعاكم وليا ونصيراا
ما شااء الله
شكرا غالياتي نورتو الموضوع
ماشاءالله حطةملكية لاقوة الا بالله
مبروك على اختك وربي يجيبلهاالشفاء هي والبيبي
ربي يخليلكم المولود و الحلوى ماشاء الله
اختي ام اماني يعطيك الصحة على دعوة الخير ولك بالمثل ليك ولاختك الف مبروك ويتربى في عزكم ويجعلو من الذرية الصالحة
وكل شي بالطبع
سؤالي اي نوع شوكولا استعملتي في الملفوف وواش تظيفيلها عجبتني تبرق وبخيزونتابل
|
المشاركة الأصلية كتبت بواسطة السعيدة بربها سارة
 الله يبارك ربي يعمرها داار ويبارك في بيتها الزوجي
ما شااء الله غيرتيني والدمعة طاحت ليا الله يرزق كل محرومة يا رب ربي يكون معايا ومعاكم وليا ونصيراا ما شااء الله |
حبيبتي سارة اسمحلي اذا بكيتك الهدف نتاعي ان الاخوات يشوفو الحلويات ويهزو فكرة
ان شاء الله يرزقك ربي بالذرية الصالحة عاجلا غير اجل انت وكل المحرومات حتى تكتمل فرحتنا
صدقني دايما راني ندعيلك انت وبريق الامل وكل المحرومات
نتمنى من الاخوات لي يدخلو للموضوع يدعولك انت ولكل الاخوات لي متمنيين الامومة ربي يرزقكم في القريب العاجل
مبروووووووووووووووووك يتربي البيبي في عزها وتشوفو في اعلى المراتب يارب وبالشفا عليها
قريوش الفراشة تعيشي راح نموت عليه وااااااااااااااااع
عجبتني حلوى الملفوف والتزيين نتاعها فووووووووور المهم راح ندير عليهم كوبي كولي لعرسي وخلاص
حقة نقدر ندير المخبز بالكاوكاو يصلح يعني ؟
الله اكبر
قمة الابداع
ماشاء الله ربي يحفظك ويحفظ اختك ومولودها يتربى في عزها يارب وعقبالي ان شاء الله وكل محرومة
|
المشاركة الأصلية كتبت بواسطة بريق الامل&
اختي ام اماني يعطيك الصحة على دعوة الخير ولك بالمثل ليك ولاختك الف مبروك ويتربى في عزكم ويجعلو من الذرية الصالحة
وكل شي بالطبع سؤالي اي نوع شوكولا استعملتي في الملفوف وواش تظيفيلها عجبتني تبرق وبخيزونتابل |
اهلا حبيبتي بروقة
صدقني دائما راني ندعيلك بظهر الغيب ربي يرزقك بالذرية الصالحة عاجلا غير اجل ياغالية
بالنسبة للشكولة استعملت le panda تجي في علب بلاستيكية بوزن 500غ نضيفلها شوية حليب فقط ونحرك فوق حمام مائي حتى تذوب
ام اماني حبيبتي معليش تمديلي وصفة كورن فلكس وربي يخليك