اليوم حبيت نوريلكم حساء بنين ومفيد سيغتو لعندها ولادها مايجبوش الخضرة كي حالتي المقادير …قطعة دجاج .ثلاث رؤوس شفلور .حبتين بصل .حبتين زروندية . حبة بطاطا . قطعة فرماج شاف .2مغارف زيت شوي ملح ثلاث سنينات ثوم شوي كمون . شوي فلفل اكحل .ومعدنوس. التحضير …نقلي اللحم مع البصل ونضيف الثوم مع التوبل والخضرة مقطعة والماء والملح وبعد ما اطيب نحي العظم وانضيفلها الفرماج وانميكسيها بالمكسور وانحطلها لمسة حشاوش وبالصحة والعافية نتمنى تجربوها وتردولي الخبر
بارك الله فيكي
شكرا لك انا وحدة من الناس منحبوش ان شاء الله نجربو
تسلمي ام سهيل وشكرا فانيسا حبيت فقط نعطي ملاحظة رؤوس الشفلور راني قصدت باقات صغيرة والمرة الجاية نوريلكم وصفة اخرى
اختي الشوفلور نحطو مباشرة مع الخضر مانغليهش وحدو من قبل في الماء وشكرا
يعطيك الصحة مشكوووووووررررررررة
يعطيك الصحة
حطي الشفلور مع الخضرة بلا ما تغليه
شكرا عزيزتي النايلية الاصيلة راني شريت الخضر هدى الصبحة ورايحا انجربو ونردلك الخبر
يعطيك الصحة على الوصفة مليحة للرجيم
يعطيك الصحة مشكورة
يعطيك الصحة
يعطيك الصحة
:d:d بارك الله فيك اختي باين من مقاديرو يجي بنييييييييييييينن انا نموت على الشفلور شهيتيني نجربها
