اليوم رايخة نقدملكم وصفة بنينة بزاف يسموها عندنا المجبنة
المقادير
1كغ من السميد الخشن الي نخدمو بيه ا لمقروط.
راس بصل
راس ثوم
نصف مغرف فلفل حار
نصف مغرف راس الحنوت
حبة طماطم طايبة مليح مرحية ناعمة
مكعبات صغار لحم هبرة
ملح
2ملاعق طماطم مصبرة
5بيضات.
كمية من الحشيش مقطفة
طرييييييييييييييييييييقة التحضيييييييييييييييييييييييير………………..
حطي السميد مع الملح وبسسيه بالزيت مليح(مقدارمصف كاس زيت) ثم سكرفجي البصل وهرسي الثوم وضيفيهم ثم الحار وراس الحانوت والطماطم الحب والمصبرة وخلط مليح ومبعد كسري البيض الواحدة تلو الاخرى حتى تتحصلي على عجينة طرية ورخوة.بعد ذلك احشي العجينة في ساشي السباقيتي وحطيها تفور لمدة ساعة ونصف تقريبا.بعدما تطيب نحيها من الساشي وقطعيها رونديلات.
صدقوني طعمها بنبن بزاف بزاف
سميد يطيب برك فى لفوار ؟؟؟؟
علابالي بلي ما راكمش مصدقين بلي السميد كي يفور يطيب
واش نقولك ماعليك غير تجربي وشوفي يالوكان ربع الكيلة .
ورجعيلي الخبر
وين راهي الردود
ما عجبتكمش الوصفة ولا واش
جربت الوصفة هايلة يعطيك الصحة و العافية
جزاك الله خيرا
هيا الحمد لله اللي عجبتكم الوصفة وجربتوها ونجحت.ان شاء الله ما تبخلوش علينا بوصفتكم المجربة
لاننا ما دخلنا لهذا المنتدي لمجرد التسلية وتضييع الوقت.
بل للافادة والاستفادة
شكرا على الوصفه
ساهلة كي نجربها درك نردلك لخبر
باينة مليحة
نجربها إن شاء الله ونردلك الخبر
شكرا لك
نجربها ان شاء الله و يا رب تعجب الاولاد
انا اولادي يموتو عليها. وهومااللي يطلبوها يقولولي طيبيها.
وان شاء تعجب اولادك تاني
شكر ليك اسمحيلي راني طولت مرديت غير يوم دخلت منتد رانا مع قرايا في جامعة
مي وصفة هايلة نحب وصفات جدد ان شاء الله كي نرجع لدارنا نجربها
بلا مزية حبيبتي هذا واجبنا
