السلام عليكم ورحمة الله تعالى وبركاته
اليوم درت وصفة الشوفلور للاخت
om mita
لقيتها هنا في مدونة الجيريا من فترة
جا يهبببببل منحكيلكمش
نبدا بسم بالله بالمقادير
راس شيفلور كبير
كيلو بطاطا
زوج حبات بصل
زوج حبات طومعطيش
لحم مرحي
جبن مبشور
بيشاميل
ملح فلفل اسود زيت للقلي
طريقة التحضير
نغليو الشوفلور وانخلوه يقطر
نقطعو البطاطا دوائر ونقليوها
نقطعوالبصل رقيق وندبلوه مليح ف الزيت
وانديرولو الملح والفلفل الاسود
اومبعد انحطو فيه اللحم المرحي وانخلوه على نار هادية حتى يقرب يطيب
بعدها انحطو عليه الطومعطيش بعدما نكونو رابيناها وانخلوها تطيب بعقلها
في هذه الاثناء تحضري البيشاميل ديالك واتديريها عاقدة
بعدما تطيب الطومعطيش واللحم والبصل انضيفولهم الشوفلور وانخلوه يتدوزن حتى يتنحالو كامل الماء ويولي يلصق
بعدها انفرغوه في اناء وانضيفولو البيشاميل بصح اتخلي شوية بيشاميل تسحقيها من بعد
نحكمو مول تاع الفور نرصو فيه البطاطا المقلية واتحطيلها البيشاميل اللي خليتيها
اومبعد اتحطي الخليط تاع الشوفلور والبيشاميل وانا زدتلها صفار حبة بيض من فوق باش اتجي ذهبية اللون واتحطيها تطيب
لما تشوفيها طابت تحطيلها جبن مبشور واتخليه يذوب
ويقدم ساخنا
والف صحة وهنا
بصراحة الذوق ديالها هبااااااااااال
نتمنى من كل واحدة انها اتجرب هاد الكيفية وان شاء الله تعجبكم
ونشكر الاخت OM MITA
اللي قدملتلنا هاد الوصفة لانها فادتني والله وعجبت كامل عائلتي
بالهناء والشفاء
لا تبخلوا عليا بدعواتكم وشكرا
تطبيق رااااااااااااااااااااائــــــــــــــــع
يعطيك الصحة تطبيقك هايل
ربي يخليكم ويسلمكم
اممممممممم خرجتلك روووووعت بصحتك
ماشاء الله يعطيك الف صحة
والله سسخفتيني باه انديرها اعطيني رابط من فضلك
يعطيك الصحة شجعتيني نديرها
يعطيك الصحة و بصحتكم كااامل 444444444444444444 ؤا ريت الرابط للوصفة الاصلية
يعطيك الصحة
يعطيك الصحة نجربها انشاء الله
روووعة بارك الله فيك
تطبيقك رائع بصحتكم
