أخواتي الكريمات لطالما راودتي فكرة أن نضع لكل قسم من أقسام منتدى شقائق الرجال
موضوعا خاصا بتدابير ذلك القسم لنفيد ونستفيد من تجاربنا المتواضعة
فأحيانا عندما أدخل موضوعا من مواضيع أخواتنا الكريمات (
الحلويات
أو الأطباق الرئيسية
أو المعجنات .
إضغط هنا لرؤية الصورة بحجمها الطبيعي.
.
أو المقبلات
…الخ)
أقرأ في ردود هن أفكارا راااااائعة ومفيدة وعن تجارب شخصية وأقول في نفسي ليتنا ننشئ موضوعا خاصا
بتدابير كل قسم وكل وحدة تعرف تدبيرة مجربة في ذلك المجال تقولها لينتفع غيره وربي يجازكن كل خير
ففي ركن المعجنات و الاأطباق الرئيسية مثلا كثيرات منا تنقصهن الخبرة(وأنا أولهن )كأنهن لا يعلمن سر نجاح
الموسكوتشو أوالبريوش أو أي طبخة معينة…..
.
لذلك أرجو منكن التفاعل مع الموضوع
وطرح أي تدبيرة مجربة باستطاعتكن افادة غيركن بها
واسمحولي طولت عليكم وماتنساونيش من دعواتكم
رجاااااءا لا تنسين التقييم
سوف أبدأ باذن الله بأول حاجة نعرفها وجربتها
أما تدبيرتي وهي طريقة أعتمدها دائما بالنسبة للحمص.
بعدما نشمخو فالماء لليلة كاملة نحطو فوق النار في ماء بارد(باش يطيب)وكي يطيب نصفيه ونحطو في أكياس ونوضعو في الفريزر(المجمد) وعندما نحتاجو في طياب يكون واجد وما ياخذ ش وقت في الطياب…..
نتمنى نكون أفدتكن
ة
هذي تدبيرة نفعتني بيها أخت في احدى المنتديات وعجبتني ونقلتهالكم بعدما طبقتها
لماتستعملي بياض البيض دون الأصفر
ماترميهش وماتخليهش يفسد
خلطيه بشويةحليب وخبيه في المجمد وعندما تديري بريوش ولاخبز الدار ولا الكروكي اجبديه وخليه يذوب واستعمليه في طلاء الوجه
عندما تشوي الفلفل
ظعيه في كيس وهو ساخن ……وبعد دقائق تلقايه يتنقى بالخف ما يعييكش
شكرا جزيلا
اما تدبيري هو
عندما تحضري العجينة للتخمير غطيها بكيس اي ساشي ادهنيه بالزيت باش ما يلسقش حتى في الشتاء تخمر نليح
ما تحطيش papier transparent
بارك الله فيكم على هذه المعلومات القيمة وانا مبتداة في هذا المجال واريد الاستفادة منكم شششششششششششششششكرا
من تجربتي الخاصة اذا حبيتي اللحم يطيب ويطلق البنة نتاعو ويصبح طري للغاية ضعي اثناء طهيه ملعقة طعام خل والمرقة نتاعه تجي لذيذة كذلك
موضوع ممتاز وتكون مادته الخام جزائريات
|
المشاركة الأصلية كتبت بواسطة ام شرفو
 شكرا جزيلا
اما تدبيري هو عندما تحضري العجينة للتخمير غطيها بكيس اي ساشي ادهنيه بالزيت باش ما يلسقش حتى في الشتاء تخمر نليح ما تحطيش papier transparent |
تدبيرة هاااايلة يعطيك الصحة أخيتي أم شرفو بانتظار المزيد
|
المشاركة الأصلية كتبت بواسطة nada nina
بارك الله فيكم على هذه المعلومات القيمة وانا مبتداة في هذا المجال واريد الاستفادة منكم شششششششششششششششكرا
|
الله يسلمك أخية وكلنا رانا مبتدئات ونتعلمو من بعضانا
|
المشاركة الأصلية كتبت بواسطة ام خديجة1
من تجربتي الخاصة اذا حبيتي اللحم يطيب ويطلق البنة نتاعو ويصبح طري للغاية ضعي اثناء طهيه ملعقة طعام خل والمرقة نتاعه تجي لذيذة كذلك
|
شكرا أخيتي أم خديجة على التدبيرة الرااائعة ,,,,أول مرةنعرفها ,,,ربي يجازيك بانتظار المزيد
|
المشاركة الأصلية كتبت بواسطة حواء الجزائر
موضوع ممتاز وتكون مادته الخام جزائريات
|
شكرا أخيتي على المرور الطيب بصح وين راها تدبيرتك رانا نستنااااو
للحصول على ماكلة لذيذة خوذى وقتك فى تقلية البصل حتى يتعسل
وعند ايضافة الماء ماتصبيش على اللحم او الدجاج صبى على الاطراف
فلفل الحلو
فلفل الحلو اشويه و نقيه و ضعيه فى اكياس فى المجمد ااتركيه للحاجه
ادا احتجتي حميص او شي وصفة راه جاهز
السلام عليكم اخواتي معلومات جد قيمة و مفيدة انا معلومتي بالنسبة للفلفل كي تشويه ديريه في البلاستيك او ذرذري عليه الملح يتنقى بسرعة او كذلك عندما نشويه في الفرن ندهنو بشوية زيت او نديرو يتشوا يجي هايل او بنين
اذا حبيتي تعملي اي صوص باطماطم و ما حبتش تتقشر لك سخني الماء جيدا انزعيه من فوق النار و حطي فيه حبات الطماطم اتركيهم قليلا في هذا الماء و بعدها سوف تنزع القشرة بسهولة
المسكوتشة اذا حبيتي تجيك خفيفة و هشيشة و منتفخة و شابة بزاف ديريلها 2 كيس خميرة كيميائية تجي روعة
اذا جاتك الماكلة مالحة بزاف ارمي في القدر حبة بطاطا تمتص قاع هاداك الملح
