ا
دون اطالة اخواني :
انا في يوم ما اخبرتني صديقتي و التي درست معها 3 سنوات احببتها لطيبتها ..المهم انها اخبرتني انها رأت تصرف غير لائق من صديقة أخرى و هي صديقتنا الاثنين فقط هذه الأخيرة ولتكن فلانة جارتي منذ قرابة 10 سنوات و درسنا مع بعض المهم صديقتي قالت : بعد ما خلت بي بعيدا عن مسمع الاخرين حتى لا تفضحها ان فلانة على علاقة ب فلان و تصرفت تصرفا جعل جميع البنات يتحدثون عنها و يضحكون فقالت لي بما انها جارتك و قريبة منك افضل مني فتصرفي و انصحيها مع العلم ان صديقتي هذه هي الأخرى كان بامكانها ان تنصح فلانة لانها هي الأخرى درست معها 3 سنوات لكن كلفتني انا لكنها اشترطت علي ان لا اتفوه لفلانه بأنها التي دفعتني للنصيحة ؟؟؟؟؟؟؟؟؟
قصدت مباشرة فلانة و حدثتها فنكرت ما قيل فأخطأت و قلت أن صديقتي من قالت هذا و هي لا تكذب و قد نصحتك و ارادت لك الخير كله فلما تتعجبين فما كان من فلانة الا انها تذهب لمن تعلقت به و يا لها من مسكينة و اخبرته بالقصة و ان تلك و تلك يتحدثون عنا ؟؟ و ما زاد الطين بلة ان هذا الشاب يعرف من نصحتني حق المعرفة و يقربها فما الذي يفعل ؟؟
وعد فلانة و هي حبيبته كما يقول ان يقطع علاقته بصديقتي بعدما كان يعني لا يحدثها كثيرا في المدرسة لكنه يعرفها و يقوم باخبار احد اقرباء صديقتي بأنها تدخلت في علاقتي بفلانة و انها ….و ليس من حقها ؟؟؟؟؟؟
المهم اصبحت في ورطة بعدما كنت اظن ان تقوم فلانة بشكر صديقتي مع العلم كما قلت سابقا انها صديقتنا الاثنين و كنت اظن ان تهديها بمناسبة مبادرتها بالنصيحة هذا ما كنت اظنه يا اخوان ؟؟
لكن فلانة كرهت صديقتي و صديقتي لم تعد تثق بي و تندم على مبادرتها و تكلفتي بالنصح …
المهم قد تذمرت كثيرا و بعد ايام من ابتعاد صديقتي عني و قطعها الصلة بي تذمرت و تذمرت صدقوني من موقفها
وقمت بمراسلتها عن طريق النت فقالت انها لم تعد تثق بي و كفى
لم اكتفي اخواني بل راسلتها و كتبت رسالة بالقلم اعتذر و حاول اصلاح الأمور
المهم اني اصلحت بين فلانة و صديقتي و الحمد لله و حتى ذاك الشاب فبعد ما طلبت منه خليلته بمسامحت صديقتي قبل كالأمعة و كأنهم ليسو رجال …عادت الامور الى مجراها ……….
لكن انا اليوم حائرة لأنه رغم ان صديقتي تقول سامحتك الا انها و في هذه العطلة الصيفية لا تراسلني كما كنا و اصبحت ترد كلمتين على رسالتي على انها مشغولة و لا تستطيع ارسال رسائل مع العلم اني اجد مشاركاتها في منتديات تعليمية تحضيرا للشهادة …فما رأيكم هل تستطيع انت و انتي ان تحاولو الوصول الى شخص لا يحاول الوصول اليكم ؟؟
هل هذا الخطأيكلفني خسارتها رغم ندمي و محاولة اصلاحي الأمور و قد نجحت في ذلك ؟؟
هل يحق لها ان تطع الاتصال بي لشهر تقريبا ثم تفتح و تقول من جديد عيدك مبارك و انها لا تحبذ الدخول الى النت و رد على رسائلي ؟؟ مع العلم ان الرد لا يكلفها الا بضع دقائق …ما رأيكم انا أسأل و هي تكتفي ب…
اطلت اخواني عليكم سامحوني و اتنى ردا وافيا هل قراري بقطع اتصالي بها انا الأخرى عزة و كرامة لنفسي و لا اريد مثل هذه الصداقات المزيفة ؟؟؟
قراري صحيح ؟؟ام اني اتقبل الوضع بداعي انها لا تجد وقتا لي ؟؟؟ لا تجد وقتا لي هل هذا يعقل ؟؟ دقيقة لا تستطيع اهدارها في قول انها الحمد لله ؟؟؟ و تكتفي بالمنتدى التعليمي ؟؟ بصراحة لم اتقبل الفكرة ….و السلام عليكم
باين صحبتك هذي فقدت الثقة فيك خلاص اجبدي روحك منها
المهم انتي اعتذري منها واطلبي السماح هذا وش عندك تديري
اذا قبلت الله مبارك والا خلاص
المهم تكوني صافية ومع ربي سبحانو
بما انك راكي تقولي تشوفيها تدخل المنتديات ومتهدرش معاك معناه باين الامر
ومكانش منها معندهاش الوقت ليك رهي تقلك بطريقة مباشرة اخطيني
اجبدي روحك منها وخليها هي تولي تحوس عليك وحدها
ربي يوفقك
صديقتي وصديقته
كم في عمرك
؟؟؟؟؟؟
وهل انت في سن تعتبر فيه الأمر صداقة
ربي يهديك
أنا مقريتش القصة كامل
وااله ما فهمت حاجة
بديت القصة و مقدرتش نكملها تخربطت مفهمت والو
مافهمت والو
لكن كلما أفهم جزء انسى الجزء الذي قبله
ارجو من احد الاخوة ان يعيد كتابتها باختصار
او ان تكتبي القصة مرة اخرى بالدارجة
اختي الصداقة في وقتنا الحالي اصبحت نادرة
و اللي صار بيناتكم انت و صديقتك مجرد سوء تفاهم و راح لحالو
مادامكم حليتو المشكل خلاص رايحة الامور ترجع لمجاريها مع الوقت ان شاء الله
ما تقلقيش روحك
المشكلة بينكما الآن صارت موضوع ثقة
لان الثقة اهم شيء في الصداقة
اذا انعدمت الثقة بينكما انتهى كل شيء
و انت اخطأت في الحفاظ على ثقتها
لذلك هي من حقها ان تغضب منك
و عليك تحملها الى ان يزول غضبها
استمري بالسؤال عنها و لا تقطعي صلتك بها
بل بالعكس حاولي ان تجعليها تثق بك من جديد
واذا كانت صداقتكما حقيقية اعلمي انك بسؤالك عنها لا تنقصين من كرامتك
اعتقد ان اطراف القصة جميعهم يحتاجون للنصح و ليس فقط صديقتك فلانة !!!
اختي ابحثي عن الصحبة الطيبة
ستغنيك عن هذه المشاكل
و الله الموفق
جيل الي راه جاي هو جيل علامات الساعة الكبرى يا لطيف
لم افهم المشكلة ….
لسلام عليكم ……من جديد رايحة نعاود نكتب الموضوع كيما طلبتو مني بالدارجة رغم اني عاودت قريتو و لقيتو مفهوم الا من رحم ربي ههههههه نضحك برك
هي عندي 2 صديقات وحدا جارتي من 10 سنين و قرات معايا ووحدا تعرفت عليها في المتوسطة و قريت معاها المهم حنا في ثلاثة نعرفو بعضانا من المتوسطة و كي دخلنا للثانوية وحدا فيهم اتخذت خليل المهم ربي يسهل مهما حاولنا ننصحوها باه تبعد هي ما تسمعش و في واحد اليوم اتصرفت مع هذا الشاب تصرف غير لائق و بداو لبنات يحكيو فيها ايا انا ما شفتهاش و قلت ربي يسهل بصح كي شافتها صاحبتي لخرى و ياك قلتلكم احنا في ثلاثة للتوضييييح
قاتلي شوفي راهي جارتكم و قريبة عليك اكثر مني رغم انها كي اختي انصحيها ما تزيدش تتصرف هاك و الناس تضحك عليها يسمى بغاتلها الخير و زيد اكدتلي باه ما نقولهاش شكون قالي و لا بعثني ليها انا في هاذيك اللظة وين الطفلة تاكدلي باه ما نقولش شكون بعثني و نكتفي بالنصح ما كنتش نسمع فيها مليح كنت غير نقولها عندك الحق ذرك نقولها يسمى مشيت انا بعدها لصاحبتي و قلتلها تبدلت و بقات غير تقول شكون قالك و ما صراتش هاذي و ان ما تصرفتش هاك و هنا خاوتي لا حياءء في الدين انا نقولكم بلي هاذ التصرف يتمثل في انو هذا الشاب كان يحكم في يدها و يحكي معاها باه نكونو واضحين و نلقى منكم رد كافي ……
المهم بعدما اصرت صاحبتي على ان هذا التصرف ما صدرش منها انا قلتلها و زلت لسان و الله و ماكنتش ابدا نعتبر هاد الكلمة توصل لكوارث و جايتكم القصة
انا قلتلها بلي فلانة لي قاتلي و راهي ما تكذبش لأني نثيق فيها بزاااف و صاحبتي المفضلة عندي لأنها طيبة و تبادلني كل شي المهم انا خنت العهد رغم انا لم انطق لها بكلمة وعدتك قلتلها غير ما تخافيش ان شاء الله نقولها
هاذي صاحبتي لي نصحتها في عوض تشكر الناس لي نصحوها بما فيهم صاحبة المبادرة الاولى راحت قالت لهذاك الشاب شوف الناس واش يحكيو علينا ؟؟؟ الشاب غضب و قطع علاقتو بكامل لبنات لي يحكيو مع صاحبتو
و لعلمكم : هذا الشاب قريب هذيك الطفلة لي قلتلكم صاحبة المبادرة يسمى وصلت الامور وين زاد قطع علاقتو بقريبتو و راح حكى لفامي تاعها بلي تتدخل في الامور و ما دخلهاش في التصرف تاعي و المهم هاذوك الناس لي حكالهم هاذ الشاب يلومو في هاذي صاحبتي و قالولها ما دخلكش فيهم ؟؟؟؟؟
يسمى وليت انا يا اعضاء في ورطة بعدما ما كنت نظن انو هاذي جارتي كي تلقات النصيحة من اعز الناس كانت تبادر و تشكر لي نصحها و بعث الناس باه ينصحوها و الله يا ناس غير كنت هاك ظني بصح للأسف و كأني ضربتها برصاص مايش نصحتها
و من بعد ما وصلت كامل الهدرة عند صاحبة النصيحة قطعت كامل الاتصال بيا ؟؟
حاولت نبعثلها هنا في النت رسائل اعتذار قاتلي فقدت الثقة فيك و من بعد مباشرة و بعد عناء طويل حاولت الاصلاح بين صديقتي و هذاك قريبها و الحمد لله عادت الامور الى مجراها و زدت اصلحت بين جارتي و صاحبة النصيحة و الحمد لله
و قبل هذي العطلة زدت كتبت رسالة بالقلم لصديقتي نعتذر و نشرح اكثر
هي في الحقيقة قاتلي راني سمحتلك و خلاصت لحكاية و ماديريش في بالك ؟؟ بصح و علاه تبدلت معايا ؟؟ كانت تراسلني عن طريق النت تصقصي عليا تحكيلي و نحكيلها على اليوميات بصح ذرك ولات تدخل مرة في شهر و تقولي راني لاباس و صح عيدك و كلمات تعد على الاصابع ؟؟ انا تقبلت و قلت ماهيش قاعدة بصح العطلة فاتت و هي بقات غير تقولي راني ما ندخلش النت بزاف و راني ما نقعدش ؟؟؟ لهذي الدرجة خاوتي ما تقعدش ؟؟ يعني ما تقدرش تفتح تقولي راني لاباس و مع العلم انا غير نبعث في الرسائل نقولها مثلا واش ديري و عند من حا ديري ليكور لأننا سنجتاز شهادة البكالوريا ….جماعة انا لي زادت عليا اني نشوف
بلي عندها مشاركات في منتديات تعليمية يسمى راهي تقرى بصح مام انا نقرى في هاذ العطلة بصح ما يمنعنيش هذا الشي باه نتواصل مع صديقتي و نكتبلها رسالة في ظرف دقائق ؟؟
انا بصراحة بعد كل المحاولات بغيت نخليها تثيق فيا من جديد للأسف انا ذرك وليت ثاني نفقد الثقة فيها و قلت اخطيني منها نهائيا بيسك و الله نكره نكون صداقات مزيفة ؟؟و الحمد لله عندي وحدا عرفتها غير السنة ماعندي ما نوصف فيها قادرة و لربما تعوضني
واش رايكم خاوتي انا عندي عزة نفس و كرامتي ما تسمحليش باه نبقى نتواصل معاها و هي تغلق بداعي الوقت ماكاش رغم انو الوقت كاين لمشاركاتها في المنتدى التعليمي بما فيه من مشاركاتها في ابداء رأيها في بعض الامور يعني مايش غير تدخل تقرا و تخرج باه نقولو …بصح هي تدخل مثلا لاقسام فيها مواضيع اجتماعية و تشارك عادي
افيدوني هل قراري بعدم مراسلتها من الأن فصاعدا صحيح ؟؟ طفح الكيل
[/size][/b][/size][/b]
تم تعديل المشاركة و توضيح القصة في المشاركة رقم 12 الصفحة الاولى و للعلم انا فتاة و اريد جوابا و ليس عتابا
يقال الثقة كالدمعة ان سقطت لا ترجع … لا تحاولي الرجوع لها .. الصداقة مبنية على الثقة … واذا اختل هذا الشرط تهدمت الصداقة … المهم أن نيتك كانت صادقة .. خليها لربي وخلاص … + الانسان كي تبقاي تحوسي عليه وتسقسي عليه لا شعوريا يجبد روحو و يكره من كثرة الاهتمام …
أتركيها وشأنها فقد تعود لك وحدها … حاولي أن تتعاملي مع الموضوع بقليل من الكبرياء …
بالتوفيق في الباكالوريا أنا أيضا طالب بكالوريا ^_^
في البداية تستحقين الشكر على مابدر منك ونصح صديقتك رغم ان الكثير من الناس لايحبون النصيحة .
بما ان صديقتك قالت لك فقدت الثقة فيك لانك اخبرتي جارتك عن هوية صاحبة النصيحة .الحل بسيط حاولي استرجاع ثقتها رويدا رويدا
وتوجد الكثير من الامور التي تساعدك على ذلك + شوفي صديقة اخرى تكون تعرفكم في 2 احكيلها القصة كاملة دير الصلح بيناتكم
وقوليلها تهدر معاهاو تشرحلها بدون ان تعرف بلي انت بعثتيها .( نخاف برك يعاود يصر نفس البروبلام وتولي الصديقة لدير بيناتكم الصلح
تجي تحكي مشكلتها ههه).بالتوفيق
