كنت اود ان اطرح هذا الموضوع من قبل ولكن لم تاتي الفرصة
اليوم موضوعي موجه الى الشباب وبصفة خاصة الذين لم يدرسوا في الجامعة
اود ان اطرح عليكم سؤالا كيف نظرتك الى البنت التي تدرس في الجامعة
وخاصة التي تدرس بعيدة عن اهلها
هذا الموضوع موجه ايضا الى الشابات واريد ان أرى ردهن على الشباب الذين يشكون في جديتهن في الدراسة ولكن فقط من اجل الهروب من المنزل وان الطفلة تعودت على الخروج كل يوم
انا رايي انو ما نقدروش نحكمو على اي واحد حتى نتاكدوا من نواياه يعني ماشي شرط تكون البنت او الشاب يبحث فقط عن الابتعاد من اجل ارضاء رغباته بعيدا عن اهله والبنت الجامعية اذا كانت مادبة وبنت فاميليا فما شاء الله ونفس الشيء بالنسبة للشاب.فالعلم نور والجهل ظلام يا اخي.
انا هذا رايي مع احترامي لاراء الجميع
السلام عليكم
شوف …………………..هي ساهلة
في كل مكان
يوجد الغث………….. و السمين
الصالح………………… و الطالح
المليحة………………… و القبيحة
الجميلة ………………….و الذميمة
بنت العائلة ……………. و بنت الشارع
القوية……………………… و الضعيفة
لكن نسبة الصالحات هذا ما يجب النظر اليه
الصراحة
قلة قلية
تستحق ان يذكرها الذاكرون
و يخطبها الخاطبون
تحياتي
اولا بارك الله فيك اخي الكريم على الموضوع
اخي الكريم مانحكموش على الكل من خلال نظرتنا للجزء علاخاطر كل فتاة و نيتها ………و كيما قالوا ناس بكري المليح و الدوني في كل بلاصة.
وماعليك الا ان تحسن الاختيار
ووفقك الله لما يحبه ويرضاه
بارك الله فيك
بارك الله فيك
لا يجب على الإنسان أن يصدر أحكاما ظاهرية
الأحكام المسبقة الكثير بل أغلبها ظلم لأصحابها
في اي مكان يوجد الطيب والخبيث ومع الانسان الا ان يحسن الاتيار ويسأل من الله عز وجل الزوج الصالح
سلاااااام
فى الجامعة
اختى وبنت عمى شقيقتى وبنت خالى جارتى وبنت عمتى من فرحنا بها ولها ومن حزننا لها ومن اجلها و بنت الاصل من الذهب وغيره من النحاس و غيرذلك وحتى زوجتى إن شاء الله
السلام عليكم
والله غير حيرني هاد الموضوع
قبل عام من الان
طرح نفسه هنا بالمنتدى
ولقى ردود في قمة الجراة !!
يا ناس …واش بيها نظرتكم ؟؟
الفتاة ان كانت اخلاقها سامية ومقتنعة بها
عمرها ماراح تبدل شخصيتها
لان الشخصية تقوم على مبادئ فلان اللي هو رسمها لحياته
وحبها تكون سماته
ومقتنع بها
يحيرني الرجل اللي يقول
انا مرتي مانحبهاش تكون قرات في الجامعة !!!
انا راح نرد عليه
اخي … ادا مرتك قرات في الجامعة
وكما يعرف الكل …في الجامعة احتمال تروح الطفلة في طريق ماشي مليحة
على الاقل هنا راح تعرفها بلي ماعندهاش اخلاق
ماعندهاش شخصية
وموقف اخر ربما يشبه المفردة المسكينة …الجامعة…
راح تطيح فيه مرتك !!!
وهدا الشيء راح يجي مور اللي يكون فات الاوان!!
ادا قرات في الجامعة وشفتها بلي اخلاقها قعدت سامية
مادابيك تعرف بلي هاد الطفلة عندها شخصية
ومبادئ تقوم عليها انسانيتها
وحتى ريح ماراح تهزها كاش نهار!!
اللي عندا الشخصية الاخلاقية المحبوبة
والقوية
لا جامعة ولا غيرها راح تهزها على ماقامت عليه حياتها
وزيد العلم نور وربي وصانا عليه
حتى ادا ماخدمتش
راح تكون متعلمة
ومتاكدة انا انها راح تفيدك بارائها في الحياة
او حتى حياتك المهنية
والله اعلم
رايي
هذا الموضوع موجه ايضا الى الشابات واريد ان أرى ردهن على الشباب الذين يشكون في جديتهن في الدراسة ولكن فقط من اجل الهروب من المنزل وان الطفلة تعودت على الخروج كل يوم
اللي مادايرش الثقة في الناس
الناس ماراحش دير الثقة فيه
انا ادا زوجي المستقبلي قالي ماتقرايش
ممكن نبطل ومانتزوجش بيه
ماشي بسبة الدراسة
وانما السبة هي
عدم الثقة
قريت ونقرا ومازالي نزيد في الجامعة
ان شاء الله
خاطر تاكلة على روحي
نعرف روحي
نعرف شخصيتي
ولوكان الدنيا تنقلب ماراحش نبدل هدفي
ومبادئي اللي رسمت بيها شخصيتي
في هده الحياة
الاخلاق الحسنى تتجلى في رسم متقن .صريح ونظيف لشخصية
تستاهل تقول عليها شخصية
ماشي الريح اللي تجي تديها …!
رايي
شكرا على الطرح
سلااااام
|
المشاركة الأصلية كتبت بواسطة karmocha
 انا اعتقد شخصيا كل بنات الجامعة مذنبات الى ان تتم تبرأتهم ههههههههههه
|
!!!!!!
وعلاه ياسيدي ؟؟
قولنا علاه
راح اقنعك بالعكس
ان شاء الله
حرام عليك
|
المشاركة الأصلية كتبت بواسطة زهرة التلال التلمسانية
!!!!!!
وعلاه ياسيدي ؟؟ قولنا علاه راح اقنعك بالعكس ان شاء الله حرام عليك |
السلام عليكم
يا أختي
أنا من اكثر الناس هجوما على بنات الجامعة
و لي أسبابي المنطقية
أقنعيني
وأعدك أن اصبح مدافعا عن الفتيات
بشرط
لا تدخلي الدين بيننا
لا قرآن
لا احاديث
لا فتاوى العلماء
.
.فقط…ما ترينه و أراه
في الجامعة
عليكي أن
تقنعيني
و تتحملي نقاشي و رأيي
مهما كان
انتظر ردكي
سلام
