وااااش راااكم
اااا دخلتو تجريو عمبالي بيكم
اني بطلت منيش رايحة نحط الروبة قلتولي ديري ورشة و رانا معاك نطبقو و درتها و مكاان حتى وحدة على وجه ربي فرحتني
هيا حاولوني اش نحطلكم الروبة
عيشك عيشك يا السطايفية
خلاص خلاص راكم غضتوني بصح هااااهي عيني ماطبقوش
المهم اليوم راني دبرت فيها ابرونتي جديده مرت خويا الثاني ههههه
بصح شوفو ركزو ملييييح كتانها راه مخلط عندكو دوخو
على بركة الله
ام مريومة طيبيلنا شوي قهوة صارة او وليد ام مجد و باقي ابنات ركزو مليح معايا
الروبة نتاع الدار هدي المرة مودالها معروف على الساحة الوطنية ههه و شايعة وانا زدتلها تعديلات احححمم
هاهو الباترون و شنهي حنا بدلنا في المقاسات شوي على حساب لابرانتي خاطر بطبوطة
و هكذا كي طبقنا على الكتان
و الكتان راه مطبق على 4 و قصيناه يعني سيدتي سااااااهلة ماااااهلة
ماعليك غير تهزي لمقص و الاطاك ههههه
و ضك تسيباري الامام و الخلف و تبداي تقطعي الطرف نتاع الصدر
و من بعد نقولك باش تعوضيه
انا زدت ستعت جيهة لا بواترين و كل وحدة على حساب لاطاي نتاعها
و من بعد نديرو حساب لي بانس نتاوعنا يجيو تحت الصدر
انا هبطت ب 9 و نتوما ااااز يووو لااايك
و ضك حطي الامام ابار و جيبي الخلف و قطعيلو بياسة الظهر راكي معايا
وتحت الظهر ديري بانس حتى للتحت هذا نحب نديرو بارسكو ميخليش فراغ في فتحة الظهر و حنا هبطناها و منها جي لا فورم مليحة من لور
و نزيدو نفصلو المونش لابرانتي قاتلك ديرولي مراوح
خلصنا لفصالة اهداوني نشرب شوي قهيوة راسي راه يسطر ونكملو اوووكيييييييي
رانا وصانا للصح و اي غلطة راني نجيك للدار و نطرطقلك الخياطة سمعتي
باسم الله
اول حاجة نبداوها لي بانس نخيطوهم و نبداو بالامام
و كي نخيطوهم شوفي كيفاش يجيو
و كي ديري لي بانس ديري الفيزلين من تحت الكتانو حديها باش تلصق ملي راكي تعرفي الكتان نتاع لابرانتي يتكسل من سطيف للاغواط هههه
و من الجهة الاخرى حطي التيلو و خيطي ساير جاير و قصي الزائد
وقبل ما تقلبي التيلو داخل الروبة لااااازم تكرونتي بالمقص وين كاين الواحد سم خارج لخياطة باش ميجيناش التكماش من برا اوووكيييي
نجييييو لمربط الفرس الطرف الزايد لي يجي كروازي في الصدر حبينا يكون من لون مختلف و تحطيهم فوق الفتحة و تبداي تخدمي النقشات كيما راهو في الصورة
و تحكميه بلي زيبانقل ولا برا و خيط و تخيطيه بالمشينة
انا خيطتو مقلب خاطر ماكنتش نقدر نشوف حدود الكتان على هاذيك ننصحكم خيطو بالبرا و الخيط احسن منها روبير و منها جي ساهلة في النقش
و بعد ما تخلصو قطعو الطرف الزايد
و تزيدي الطرف الثاني بنفس الطريقة
تحدي لخياطة نتاعك مليح و تركزي على لي فرونس
و ننتقلو للظهر نديرو نفس الخكوات بصح في بلاصة لبياسات راحين نركبو دي ريبون
نفصلوهم و 4سم عرض
و نركبوهم في الظهر بهاذي الطريقة
ضرك نركبو الامام و الخلف في بعضاهم
انا نحب نطبق طريقة تخلي لخياطة جي دخلاني و ما تجينيش في الرقبة و جي خياطة نظيفة
و تقطعي الطرف في الحاشية باش مجيكش مكربعة و خاطر كون مانقصوهاش جي خشينة و تتكسر لبرا في كثير من الاحيااان
و هاكذ من برا جي خياطة شااابة ههههه
و بقالنا المونش نركبوه و من بعد نجملو الروبة من الجيهتين
خلصنا لخياطة يويويوووووووي
اسناااو بقالنا التزييين ضكلابرانتي نيميرو2 قلبت الدنيا ملقاتش قالوبوقوص دزتلي لسطيف و حوست لقيت غير هذا لي يشبه شوي
و ركباتولنا لابرانتي نيميرو 1 هههههه يعطيها الصحة
و انتهيناااا و هاي ليك يا لابرانتي سيانس فوتو على ظهر السطايفية ههههه
تقلشي و زيدي تقلشي اااااانعم
خلاصو صواردكم وانا طاحتلي الباتري و نعست و كيما وصيتكم انتلاو طبقو و ميشي شرط كيفها المهم تهزو افكار و خرجو واش كاين في الخشخاش يا عباقرة
هيا دمتم بخير و مزاااال و مزاااال مع السطايفية المرة الجاية كاين ماخير عريو على ذرعيكم برك
باش ماننساش نشكر كل من مر بالموضوع حتى و لوكان لمحوبرك و شكر خاص للابرانتي لولة والثانيه ربي يباركلهم في ديارهم و ولادهم اااااميييييين
سلاااااام
يسعدني اني اول وحدة ترد نقولك
بارك الله فيك ومشكورة على المجهودات وربي يكثر من امثالك
ههه ربي يخليييك لااازم لااازم تخلي البصمة نتاعك في مواضيعي شكراااااا شرفني مرورك
وااااااااااااااااااااااااااااااااااااااااااااااااا اااااااااااااااااااي طلت الحادقة
من عيوني تامري امر القهوة نطيبها و نزيد كشما نشري قاطو منيش لاتيا بالكوزينة راني كرهتها ههه راني حابة نزكككككككككز تبقاو عل خير يا مواعن العشاء لغدة لاحب ربي نغسلكم
بلمتابعة………..
وانا الثانية نهنيك بالورشة الرائعة والله يا السطايفية يا الزينة ربي يخليك لينا تفرحي قلوبنا وتمتعي عينينا بابداعاتك الرائعة تشعلي الحماس فينا وباذن الله انا رايحة نخيط هذا المودال لاني خيطت الورشة الاولى وجات تهبل انا اول مرة نخيط واول مرة بديتها معاك منين نقدر نصور تطبيقاتي راني نحطهملك باه تقيميني
والله قد ما نقول ما نقدرش نوفيلك حقك من الشكر والعرفان فبارك الله فيك حبيبتي
يا اختي متزعفيييش على خطر مطبقتش راني كون نطبق نفوتك و درك راني غير حشيشة طالبة .. وريشة اه معيشة باش نشفوك و تكثري الورشااااااااااات
…….. دعاوي الخير خير ……. اما الكولور روعة عجبني واش نقلك ……
والله رانى معاك وربي يعطيك صحتك
السلام عليييييييكم بارك الله فيكي يا اختي سطايفيه او في لبرونتي تعك ثانيه
مممممممممممممم روعة حبيبتي كملي كملي باش نشوف
بصح راكي سامباتيك خلاص ضحكتيني في الشرح
هيا قوليلي وقتاش نروحو لدار الايتام لهادوك لعرايس؟؟؟
ايييييوه يعطيك الصحة ام مريومة قهيييييوة و عليها لكلام واشمن ماركة هادي ,,,,,
ربي يعطيك ماتتمناي
لك الف شكر شكرااااااااااااااااااااااااااااااااااااااااااااااا ااااااااااااااااااااا
