اللهم أرزقني زوجا صالحا 2024.

السلام عليكم و رحمة الله و بركاتهحظي قليل مع الخطابة ما نأمن بلي جاني خاطب و كي يجي يا يروح و مايرجعش يا والديا مايقبلوش تخيلوا ندعي في ربي ليل مع نهار يرزقني زوج صالح و كي جا وليد عمتي مت من الفرحة و حسيت ربي رزقني بخاطب بعد مدة طويلة و لكن للأسف والديا رفضوا عاديت والدتي و ماوليتش نهدر معاها لأنها هي لي رفضت رفضا قاطعا امبعد نعلت ابليس و راني نهدر معاها كي شغل حاجة ماصرات مي انا قلبي النار راهي شاعلا فيه واحد مراه حاس بيا في دارنا و انا خلاص ماقدرتش ، والدي الآن يحمل أمي المسؤولية و يسمعها كلام يجرحني انا بالدرجة الأولى و والدتي غير يجبدلها بابا على وليد عمتي تتظاهر بالمرض و السكر يطلعلها ، أنا خلاص حاب نروح ضوك و نجبدلها على وليد عمتي لي رفضتو ، وليد عمتي خطب ضوك كيما يقلوا لالت النساء و انا 28 سنة مكانش لي شاف لي تخيلوا كي جي أختي يقلها بابا الأخت تغير من اختها كي شغل انا راني غايرة من اختي المتزوجة و اختي المتزوجة تاني دارت في بالها انا راني ميت بالغيرة من جهتها و انا ربي لي عالم صح نتمنى انكون كيما هي مي جامي تمنيتلها الشر
أدعولي خاوتي ربي يفرج عليا و يرزقني الزوج الصالح و الله اليوم حسيت اكتر من الأيام لخرى بخيبة الأمل و الوالدة من صباح راهي تقولي واش بيك خلاص بلغ السيل الزبـا

اولا مازالك في العشرينيات من العمر مازالك صغيرة على كل حال و الزواج ماعندوش عمر محدد

ثانيا انا من راي امك : الزواج تاع الاقارب فيه الكثير من المشاكل : مثل المشاكل الصحية la consanguinité

ثالثا ربي يرزقك زوج صالح في أقرب الاجال

واحد ماقالك روحي ارقي ???
علامات سحرتعطيل الزواج راهي باينة

اختي ارقي و قيام الليل كل يوم
ان شاء الله يرزقك الزوج الصالح

اقتباس:

المشاركة الأصلية كتبت بواسطة abdel02 ماهو ظنك بالله سبحانه وتعالى ؟؟ ما ظنك ؟؟ برب رحمته وسعت كل شيء .. ما ظنك ؟؟ برب يتودد إلى خلقه وهو غني عنهم .. ما ظنك ؟؟ برب رحمته سبقت غضبه .. ما ظنك ؟؟ برب إحسانه سبق عقابه .. ما ظنك ؟؟ برب غفر لرجل قتل مائة فتاب عليه وأدخله الجنة .. ما ظنك ؟؟ برب غفر لإمرأة بغي لأنها سقت كلباً .. ما ظنك ؟؟ برب غفر لرجل نزع عود شجرة من طريق الناس .. ما ظنك ؟؟ برب أدخل امرأة الجنة بتمرة أطعمتها بنتيها .. ما ظنك ؟؟ برب يجزيك بالحسنة عشر أمثالها ثم إلى سبعمائة ضعف .. ما ظنك ؟؟ برب يفرح بتوبتك .. ما ظنك ؟؟ برب يجيب دعوتك .. ما ظنك ؟؟ برب يفرج كربتك .. ما ظنك ؟؟ برب يتنزل إلى السماء الدنيا فيناديك .. ليغفر لك .. ويتوب عليك .. ويحقق آمالك .. كل ليلة .. ماظنك ؟؟ برب جميل .. حليم .. عفو .. كريم .. غفور .. رحيم .. سبحانه وتعالى .. ******************* عجبت !! لمن عرف الله .. ولم يحبه .. وعجبت !! لمن عرف مقدار الربح في معاملته .. ثم لم يعبده .. وعجبت !! لمن عرف مقدار الخسارة في البعد عنه .. ثم هو يعصيه .. ابن القيم .. ****************** لا يزال عبدي يتقرب إلي بالنوافل .. حتى أحبه .. فإذا أحببته : كنت سمعه الذي يسمع به .. وبصره الذي يبصر به ..

كنت سأقول كثيرا و لكن اقسم انه لا معنى لكلامي بعد قول الاخ بارك الله فيه و اظنه كفى و وفى
لا اله الا انت سبحانك ربنا انا كنا من الظالمين

[CENTER][SIZE="6"][COLOR="Navy"]طبقي ما يقوله عبد الحميد كشك في هذا الفيديو
[https://djelfa.tv/y/v/jOIFDC4VUh4

الزواج مكتوب ورزق من عند ربي العالمين ….كتبهولك نهار الي تولدتي …..كثري الدعاء برك وتقربي من ربي درك ما يخيبكش .

ربي يرزقك و يرزقنا اجمعين

ربي يرزقك ان شاء الله

كبري قلبك، اكثري من الاستغفار والدعاء في هذا الشهر الفضيل
ربي يفرح قلبك في الايام القريبة القادمة

اولا احسني الظن بالله ولعلمك انه لو اجتمعت امة على ان يضروك بشيى لن يضروك بشيى قد كتبه الله لك
وان شاء الله يرزقك الزوج الصالح

اختي مكتوبك رح تديه اصبري و ادعي ربي و رح يفرج اكيد

ربي يفرحك

ربي يرزقك ويهنيك

مازال ماجاش مكتوبك هادا مكان .بالنسبة لولد عمك انا ضدو زواج الاقارب لانو من حيث الانجاب+كي تصرى مشاكل العايلة كامل رايحة تكون سامعة وقادرة تفرق بين الاخوة…………………