السلام عليكم 
حبيت ندير موضوع كامل نستفادو منو العيد بقالو يومين وكامل بدينا التحضيرات باش نستقبلوه بأحسن حلة
وهاد العيد la premiére fois رح نجوزو عند عجوزتي موالفة نجي ليها ضيفة برك ونعيد في داري المهم الحمد لله عندي 5 أيام ميلي جيت ليها ودرتلها ménage complet وخملتلها قاع الدار وغسشلتلها الفراش الله يجعلها في ميزان حسناتي ههههههههههههههه شفتوني نحب نشكر روحي 
المهم راني حابة نعرف أفضل طريقة يطيبو بها الدوارة يتسما بكبوكة انا موالفة في داري مانديرهاش انا وراجلي نحبوها مقلية مي عند عجوزتي قاتلي حنا لازم في العيد نطيبوها بكبوكة و أعرفو شكون رح يطيبها أكيييييييييييييييييييد أنا
والمشكلة اني منعرفلهاش بزاف و وشنو الخضرة لي يديروها فيها والتوابل والثوم يديرولها ولا لالا علبالي يديرو فيها القرعة مي الحوايج لخرين ماني عارفة فيها والو
تعيييييشو كل واحدة تقوللنا على طريقة نتاعها لي طيب بها الدوارة و واش دير فيها هكدا قع نستفادو ونتعلمو ومنتبهدلوش ههههههههه
وصح عيدكم تعيدو وتزيدوبالصحة والهنا في حياتكم وحياة والديكم وولادكم
احنا منحطوش فيها الخضر خلاص
نقطعو الدوارة قطع صغيرة نغليوها في الماء شويا باش تروح منها الريحة
و امبعد في برمة نقليو البصل و الثوم مرابيين مليح نزيدو الطماطم حبة مرابيا و طماطم كونسارف و ملح و فلفل اكحل و سكنجبير و كاين لي يزيد راس الحانوت
و فلفل احمر حار
قلي مليح و زيدي الدوارة تاعك تتقلى و مرقي و خليها طيب حتى تثقال و زينيها بالمعدنوس
المهم ديري كيما تعرفي او سقسيها ادا كانت كومبريونسيف. 
و صح عيدكم
|
المشاركة الأصلية كتبت بواسطة ،،ايمان،،
 احنا منحطوش فيها الخضر خلاص
نقطعو الدوارة قطع صغيرة نغليوها في الماء شويا باش تروح منها الريحة و امبعد في برمة نقليو البصل و الثوم مرابيين مليح نزيدو الطماطم حبة مرابيا و طماطم كونسارف و ملح و فلفل اكحل و سكنجبير و كاين لي يزيد راس الحانوت قلي مليح و زيدي الدوارة تاعك تتقلى و مرقي و خليها طيب حتى تثقال و زينيها بالمعدنوس المهم ديري كيما تعرفي او سقسيها ادا كانت كومبريونسيف. و صح عيدكم |
يعطيك الصحة ختيتو ربي يهنيك 
Thanks a lot for your great work, hope you are feeling well after your busy weekend!!!!)))
احنا نزيدولها الحميصة و القرعة
نقطعوها قطع صغيرة و نغليوها شوية من بعد نقليو البصل و الثوم و طماطم حبة نزيدو الدوارةنصفيوها من هذاك الماء ونحطوها مع البصل و الثوم +الملح+الفلفل اكحل +كروية +فلفل عكري حار+الحميصةنمرقوها
لم اطيب نحطولها حشيش مقطفة مقطع صغير +حبة فلفل حار
|
المشاركة الأصلية كتبت بواسطة الامل نور
احنا نزيدولها الحميصة و القرعة
نقطعوها قطع صغيرة و نغليوها شوية من بعد نقليو البصل و الثوم و طماطم حبة نزيدو الدوارةنصفيوها من هذاك الماء ونحطوها مع البصل و الثوم +الملح+الفلفل اكحل +كروية +فلفل عكري حار+الحميصةنمرقوها لم اطيب نحطولها حشيش مقطفة مقطع صغير +حبة فلفل حار |
جابلي ربي عند عجوزتاني يطيبوها هكدا مي معلابابليش ولا يديرولها زرودية ولا لالا
لالا حنا مانديرولهاش زرودية نديرولها غير القرعة
سلام اختي
اولا : ديري الحميصة +الثوم + الملح+راس الحانوت "اذا حبيتي"+الزيت+دوارة "طايبة" قطعيها صغيرة+الماء قيس ماتغطي الدوارة +قطعي القرعة على زوج اذا كانت صغيرة اما اذا كانت كبيرة قطعيها على ربعة + رابي حبة طماطيش فوقهم+الحشيش للديكور
هكا كانت ديرها عجوزتي الله يرحمها
ان شاء الله تجربيها وتاككلوها بالصحة والهنا
واذا جربت وحدة من الاحتمالات قوليلنا كيفاه جاتك
[quote=ليلى_26;3991860704]سلام اختي
اولا : ديري الحميصة +الثوم + الملح+راس الحانوت "اذا حبيتي"+الزيت+دوارة "طايبة" قطعيها صغيرة+الماء قيس ماتغطي الدوارة +قطعي القرعة على زوج اذا كانت صغيرة اما اذا كانت كبيرة قطعيها على ربعة + رابي حبة طماطيش فوقهم+الحشيش للديكور
هكا كانت ديرها عجوزتي الله يرحمها
ان شاء الله تجربيها وتاككلوها بالصحة والهنا
واذا جربت وحدة من الاحتمالات قوليلنا كيفاه جاتك[[quote/q
يعطيك الصحة ختي ربي يخليك وصح عيدك
ولو حبيبتي بلا مزية هدا واجب
الله يسلمك نتي زادا
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
الكمونية ندير كرشة ومصارن وشوي كبدة وقلب نبيتهم في ما وملح وخل وفرينة باش بخرجو بيض يبرقو
ومن بعد نغسلهم مليح ونقطعهم ونحطهم في الكوكوط بلا والو ونحطهم فوق النار هوما يطلقو في الماء وانا نبزعو وكي ينشفو نزيدلهم شوي زيت يتقلو شوي ونزيد حاشاك لبصل قيس نص بصلو رابي و5 او 6 سنات ثوم ونقلي ونزيد كميشة حمص ونص مغرفة طماطم مصبرة وشوي حشيش وملعقة افاح ونمرق بزيادة شوي ونغلق عليهم الكوكوط قيس 45 دقيقة وكي نحل اذا لقيتها مازالت المرق خفيف نخليها تخثار وقبل مانطفي نزيد مغرفة صغيرة كمون اخضر مرحي راهي تجي قاوية تدوخ وجدي معاها المطلوع وكاس تاي باش ينحي القوة نتاعهاوكوليها بالصحة ولهنا
سلام حبيبة باش تجيك الدوارة هشة في المذاق ومشي يابسا الصح في القليان انا بعد مانغسلها ونقطعها رقيق نديرها في المرميطة ونخليها تتقلى على نارهادئة جدا حتى تخرج قاع الماء وينشف مليح دري حبات جزر مقطعين دوائر رقاق ثم قلي ثم ضيفي البصل و الثومثم ضيفي شوية برك تاع ماءغالي وخليها تطبخ مين يبغي ينشف ديري طماطم حب مرحية منزوعة الزريعة ثم مغرف صغيرة طماطم مصبرة والزعفران والحمص وديري كمية مليحة تاع ماء سخون وفي الاخير الملح والحرور والحار والكركم وخليها تطيب في غرضها حاولي فقط عند القليان ماتحرقيهاش يعني وقفي معاها وشهية طيبة وعيد مبارك
أختي العزيزة الدوارة تحب الكروية نأكدلك على هذا الشي و لا زم ديريلها التقلية تاعها كما أشارت الأخوات بعدما تكوني طيبتيها في شوية ما باه تروحلها هاذوك الرغاوي و الريحة مع فصوص ثوم ، و ترميلها في التقلية و تمرقي و متكثريش الما و مبعد ديري الحميصة و في الأخير قطعيلها الكورجات و لما أطيب ديريلها الحشيش ماشي المعدنوس و بصحتكم .
انا نغليها عي شوي و لا غي ندخلها في ماء سخون عاود نخرجها ثم نقطعها قطع صغيرة و نكثر البصل المقطع شرائح صغيرة معاها و نقليهم مع الثوم و نزيد التوابل و الطماطم مرحيةو المصبرة و نمرق ونخليها حتى تعقاد ز مرات كي تطيب الدوارة نزيدلها بطاطا مقطعة مربعات متوسطة ونخليها تزيد تطيب مع البطاطا و نطفي امممممممممممممممم و نرش عليها المعدنوس
