هذه أول مرة راح نشرح فيها طريقة صنع صدر كروشي إن شاء الله تجيكم الطريقة ساهلة ومفهومة
هذا الصدر شفت بزاف طلبو عليه وأنا كنت حابة نخدمو فالفرصة كانت مواتيةباش نشرحلكم فبسم الله نبداو
هذا الصدر …بالوان مغايرة
هذا الباتخو نتاعو
اللوازم.
03 من الخيط الأبيض المسلك
03 من الخيط الموف المسلك
1/5 م لاقريبير وردات كبار
الطريقة
تاخدي 20 وردة من لاقربير وتخيطيهم مع بعض من الأطراف
أنا أخدت 18 وردة لأن مولات الصدر رقيقة بزاف ما بغيتهش يجي واسع
و لون الخيط الوردي مع الموف حسب الكتان
تاخدي الخيط على زوج أو تخدمي بزوج كبات مع بعض تحزميهم في الوردة الأولى
تخدمى الجهة العلوية أي جهة الرقبة أولا
تطلعي ب03 سلسلة +01عمود +01 سلسلة+ 02 عمود في نفس الورقة من الوردة
من بعد 03 سلسلة وتروحي للورقة الثانية وتخدمي 02عمود+01 سلسلة +02 عمود
03 سلسلة وتروحي للوردة الثانية وتكرري نفس الشيأ حتى تكملي كل الوردات
السطر الثاني ديري 03سلسلة +عمود +01 سلسلة +02 عمود في وسط 01 سلسلة لي في السطر السابق من بعد 02 سلسلة وتروحي لل01 سلسلة لي في الورقة الثانية ديري 02 عمود +01 سلسلة +02 عمود و02 سلسلة وتكملي
أي ان السطران يختلفان فقط في السلسلة لي بين الورقتين
السطر الثالث تطلعي ب03سلسلة +عمود +01 سلسلة +02 عمود ثم 01 سلسلة في الورقة الأولى وتكرريها بباقي الوردات
في السطر الأخير من الجهة العلوية
تخدمي 03 سلسلة +06 عمود في 01 سلسلة من السطر السابق
01 ماي سيري (ما عرفتش إسمها بالعربية) في01 السلسلة التي بين الوردات وتكملي 07 أعمدة في كل تيج
أنا غيرت لون السطر الأخير
تقطعي الخيط وتحزميه بالجهة الأخرة أي السفلية من الصدرفي طرف الوردة من الجهة الخلفية للوردة باش تجيك الخدمة على حساب الوردة فقط وما تكونش الخدمة مقلوبة
تخدمي 12 سلسلة وتشديهم في وسط الوردة
تطلعي ب03 سلسلة وتشديهم مع الوردة وديري 16 عمود وترجعي للبداية من الجهة الأمامية للصدر
تطلعي 03 سلسلة بلا ما تشدي في الوردة +02سلسلة 01 عمود 02 سلسلة تكرر 08 مرات
شديهم في الوردة ثم 03 سلسلة تشديها في الوردة وتخدمي 03 عمود+03 سلسلة في نفس 01 سلسلة من 02السلسلة لي في المربع الثاني من السطر السابق وحدة ماي سيري في المربع الثالث نفس الشيءبالنسبة للمربع الرابع والسادس والثامن
في السطر الخامس ديري 08 سلسلة وماي سيري في طرف المثلث لي فوق 03 سلسلة السابقين
وكرري تتحصلي على 04 أقواس شدي في الوردة وطلعي 03 سلسلة
عمري كل قوس ب10 عمود +01 عمود فالماي سيري أي11 عمود
طلعي ب03 سلسلة +02 سلسلة خلي عمود من السطر السابق ورشقي الكروشي في العمود الموالي وديري عمود
و كملي 02سلسلة وعمود بعد ما تخلي عمود من السطر السابق
تتحصلي على 21 مربع
شدي في الوردة وديري 03 سلسلة وشديها بالوردة
03 عمود في نفس السلسلة من السطر السابق ومنبعد 03 سلسلة وماي سيري في نفس السلسلة مع ال03 اعمدة السابقة + ماي سيري في المربع الثالث
كرري العملية بالنسبة للمربعات الأخري تتحصلي على09 مثلثات و اقطعي الخيط
جيبي الخيط باللون الأخر واحزميه في الجهة الخلفية من الوردة الثانية
ديري نفس الطريقة لي اعملناها مع الوردة الأولى مع التثبيت في القوس الأول
شوفي الصور توضح لك
مين نكمله رايحة نحطولكم تشوفوه ولأي أستفسار راني هنننننننننننننا
نتمنا مانكونش أطلت عليكم في الشرح وما تكونوش قنطتو ههههههه
ليلة سعييييييييييدة
روعة اختي وشرح مفهوم تسلم ايديك و على المجهود الرائع
يعطيك صحة اختي على المجهود
جزاك الله كل خير،،شرح وافي وكافي ،،يعطيك الصحة.
مشكورة اختي على المجهود
جزاك الله خيرا
الله يعطيك الصحة الشرح ممتاز
يعطيك الصحة بياين يخرج روعة
بلا مزية راكم أخواتي عند الله
وإن شاء الله راح تدوم المحبة ما بيناتنا
merci bcppppppppppppppp 444444444444444444444444444444444444444444
يعطيك الصحة أختي خلود ربي بعطيك ما تتمناي
شكرا أختي فعلا تحفة والشرح ممتاز
مشكورة وماجورة اختي
بارك الله فيك
نتمنى الجميع يستفادو منو
مشكورة خلوددددددددددددددددددددددددددددددددددد حبيبتي و ما تنسايش المفرش
|
المشاركة الأصلية كتبت بواسطة fifiarch
 مشكورة وماجورة اختي
بارك الله فيك نتمنى الجميع يستفادو منو |
لا شكررر على واجب حبيبتي
