السلام اخواتي
شحال من خطرة يفسد لي الحليب تاع الشكارة ونلقى بنتو ماشي مليحة
ومارانيش باغية نرميه
كيفاش ندير حتى نحافظ على النعمة!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اختي العزيزة انا ندير بيه لبن كيما قلتي نسقيو بيه البربوشة او نخبز بيه كل المعجنات المالحة كسرة لخميرة خبز الدار البريوش البيتزاالفطائر
ديري بيه المعجنات يصلح لكلش البريوش المطلوع والبريك التركي والبيتزا وخبز الدار يصلح لكلش انا موالفة ندير بيه جميع المعجنات و
تفضلي طريقتيفي خبز الدار
سخنت اللبن وزدتلو شوي ما وماء الزهر ودرت كيلة سميد وكيلة فرينة نخدم عيني ميزاني ياخي على بالكم عجوزة ديجيتال وشوي زيت مانحبش خبز الدار اللي فيه بزاف الزيت والسكر والملح والخميرة تاع الخبز والسانوج وبليتو باللبن وحطيتو في البيترا يتعجن وكل مرة نزيد اللبن المخلط بالماء والماء زهر الريحة ياعيني ونديرو جاري وخليتو يطلع منبعد عاودت عجنتو بشوي زبدة طرية ودرت خليط بياض البض وماء الزهر وخميرة الحلوة وعجنتو ماطولتش كيدخلو المكونات حبست ودهنت السنيوة بالزبدة تمدلو طعمة هايلة وطبعا العجين جاري عادي بليت يديا بالماء الدافئ وحليتو باش مايجيش خشين بزاف ودهنتو بصفار البيض والقهوة وخليتو يطلع ومنبعد سخنت الفور ودرت فيه طاس ماء الطريقة هدي روعة خرجلي خفيف وهايل وطري وحطيتو يطيب والريحة تفحفح تاع ماء الزهر وربي يعطينا الزهر
الحليب لما يفسد اخدمي بيه النعجنات كسرة ومطلوع وبغرير وبريوش
دفيه ولو يتحلل ما يهمكش الكسرة بيه تجي متل القاطو
شكرا اول مرة نسمع بهذ الأفكار
بارك الله فيكم
ا4444444444444444444444444444444444444444444444444 4444444444444444
أستسمح صاحبة الموضوع أول مرة اسمع بفكرة صنع الخبز بالحليب كي يتقطع
بارك الله فيكم و يوفقكم
منكم نستفيد
أفكـــــــــــــــــار هايلــــــــــة
فعلا افكار هايلة
شكرا افكار هايلة
شكرا على الافكار
حنا تاني في دارنا نروبوه نكلوه بالطعام ولا الكسرة تكون سخونة
بارك الله فيكم أول مرة نسمع بلي نقدر نستعملو باش نطيب الكسرة
بارك الله فيكن افكار مليحة
