صباح الخير كيراكم جبتلكم اليوم الحريرة على طريقتي
نحتاجو ل: بطاطا جزر بصل و قطع من اللحم قصبر و معدنوس و في كيس بلاستيكي نحطو
الحمص و العدس و الأرز ونثقبها مليح
الزيت الملح فلفل أسود عود قرفة الزعفران و الكروية و سكنجبير مطحون
من بعد نطحن الطماطم ونحطو كل المكونات ونخليهم يتقلو مليح حتى يدخلهم الطياب نغلق عليها
ونخلوها طيب
من بعد ما يطيبوا نطحنو كلشي غير اللحم و الحمص لي في الكيس نخلوهم على جنب
من بعد حطيها على النار مع الحمص و العدس الأرز و اللحم كي تبدا تغلي
نضيفوا ماجيقو بي نكهة الدجاجة مليح
و الخميرة لي هي عبارة على الفرينة شوية كروبة معدنوس طماطم مصبرة و المء و في الأخير ملعقة كبيرة تشيشة
و نطحنوهم بالميكسور
و كل وحدة كي تحبها أنا نحبها شوية ثقيلة و من بعد نظيفوا ملعقة صغيرة حلبة اختياري و ملعقة كبيرة كروية
و هذي علمتها لي الوالدا ديالي ربي يخليها ليا
و بالصحة و الراحة
باينة شابة شهيتيني الله يعطيك الصحة
يعطيك الصحة
yatik esaha ta lahbiba chahitina had el wasfa kanet thawess aliha oum kawtar rabi yahfadha rabi yjazik okhtaaah
يعطيك الصحة اعلا بالك بلي نموت اعلى حريرة سيدي بلعباس سلميلي عليهم من الحدادة لحدادة
جزاك الله كل خير اختي
تسلمي من كل شر بارك الله فيك
|
المشاركة الأصلية كتبت بواسطة yarasmin.26
 يعطيك الصحة اعلا بالك بلي نموت اعلى حريرة سيدي بلعباس سلميلي عليهم من الحدادة لحدادة
|
الله يسلمك يا لحبيبا سلامك وصل باذن الله
|
المشاركة الأصلية كتبت بواسطة *أم كوثر*
تسلمي من كل شر بارك الله فيك
|
و فيكي بركه شكرا
اممممممم باينة بنينة و الله شهيتيني فيها
شكرا ليك لكن حريرتنا مشي كيما هاك
طريقتك هايلة
انا منديرش الحبوب نجرب طريقتك ان شاء الله
جابتلي قريبة ليا دواوات الحريرة من مستغانم بصح كي عادت فيها ريحت الحلبة نكرتهم
شكراا اختي
|
المشاركة الأصلية كتبت بواسطة الهدوء المزعج
شكرا ليك لكن حريرتنا مشي كيما هاك
|
كل واحد كيفاش يديرها و شكرا
|
المشاركة الأصلية كتبت بواسطة حلم جميل
طريقتك هايلة
انا منديرش الحبوب نجرب طريقتك ان شاء الله جابتلي قريبة ليا دواوات الحريرة من مستغانم بصح كي عادت فيها ريحت الحلبة نكرتهم شكراا اختي |
حبيبتي جربيها و الله غير زوينه و الحلبة مليحة
حريرة وعليها الكلام تبان تشهي يعطيك الصحة
