السلام علييكم ورحمة الله وبركاته
: dj_17:
يسعدني كثيرا ان افتتح جزء جديد من الكوزينة اللي كان لها دور في اثراء قاموسنا المطبخي بكل ماهو جديد ولذيذ
وبما كل ماهو راائع من انامل المبدعات الجزائريات من الشمال الى الجنوب ومن الشرق الى الغرب
اكيد كان الفضل في بداية هذا الجزء للغالية بريق الامل التي نرحب بعودتها ونتمنى انها تشاركنا ونستمتع باكلاتها الغنية عن التعريف
كما نقدم كل الحب والتقدير للعين الساهرة ام كوثر ونشكر اهتمامها الكبير ونتمنى انها تشاركنا هي ايضا بموائدها الرائعة
لا اطيل عليكم حبيباتي الدار داركم …راكم كاااامل معرووضين حتى اللي راهم يطلوا من بعيد…شرفونا والف مرحبا
المهم ضيافتكم نبداها من دار اختي هادو اطباقها ربي يحفظها ويرزقها ذرية صالحة قولو امين
وهادو تاعي
شيبتني النت راهي ثقيييييييييلة …مازالولي تصاور ممبعد ان شاء الله نحملهم كي تخفاف شوية
البنات رانا ولفنا ابداعكم ونشاطكم في كوزينة زينب ان شاء الله نمشوا بهداك الريتم
وانا اقترح هنا فكرة ان شاء الله تعجبكم وهي
اكلة في دقائق يعني كل وحدة تحطلنا اسهل واسرع اكلة تديرها
باش نلقاةها كي نكونو مزروبين وكذلك يستفادو منها اخواتنا العاملات
يلا شدوا حيلكم
وعلى بركة الله
تتمة لبعض الصور في الصفحة18
الف مبروك الافتتاح 
الف الف مبروك الافتتاح
باروكي ان شاء الله يعجبك
|
المشاركة الأصلية كتبت بواسطة chahrazed g
 الف مبروك الافتتاح
|
ممممممم ولا اروووع..حطيلنا الوصفة مشكووورة
ام رويدة اطباقك فوووووووووووووووووووووووووووووور و رائعة جدا
|
المشاركة الأصلية كتبت بواسطة عازفة الناي
الف الف مبروك الافتتاح
باروكي ان شاء الله يعجبك |
اهلا اهلا عازفة هادي غيبة ان شاء الله المانع خير
عجبتني روووووعة…حللي وناقشي
|
المشاركة الأصلية كتبت بواسطة عازفة الناي
ام رويدة اطباقك فوووووووووووووووووووووووووووووور و رائعة جدا
|
الله يسلمك حبوبة انت الاروع
ام رويدة مبروك عليك افتتاح هاذا الجزء اولا اطباق اختك رائعة ربي يرزقها الذرية الصالحة ويرزق كل وحدة محروةمة من نعمة الامومة بلاما نعلق على اطباقك عجبوني كامل ربي يبارك في انتظار الصور البقية
ضك نعطيك اسرع اكلة سهلة وبسيطة باش نكون انا الاولى طبعا هههههههههههه
شكشوكة السلق
نغسل اوراق السلق جيدا بالماء والجافيل نقطعهم قطع صغيرة من جهة نقلي بصل مقطع مكعبات مع شوي ثوم وشوي زيت وشوي ملح وفلفل اسود وشوي كمون نضيفلو طماطم الحب مطعة مكعبات ومعاها نصف مغرف كبيرة طماطم الباط ممكن تستغناي عنها ومغرف صغيرة هريسة لتحب الحار نقليهم ونزيدلهم السلق مباشرة كي يطيبو نزيد بطاطا مقلية مكعبات و نضيف بيض حسب الكمية انا درت ثلاث بيضات مع شوي دبشة لي تحب تزيد اللحم المرحي تزيد انا مدرتوش
وهاذي ثاني شكشوكة سهلة حطيتها في كوزينة زينب نزيد نحطها هنا
شكشوكة عادية وسهلة التحضير
درت فيها حبا ت بطاطا مشرشمين يعني غليهم في الماء وقشريهم وقطعيهم مكعبات من جهة قليت البصل شرائح في شوي زيت وزدت معاه فلفل حلو مقطع صغير وحبة طماطم الحب وثوم وشوي فلفل اسود وشوي ملح وزدت بطاطا المشرشمة مقطعة وحطيتها فوقهم زادو طابو مليح تقدري تزيدي بيضات من فوق مع شوي دبشة
يعطيك الصة ام رويدة
كوزينة مربوحة ان شاء الله
وربي يرزق اختك ذرية صاالة سليمة معافاة
جبتلكم اخر مشاركة في الكوزينة لي فاتت
شكر ا لكي زينب على النشاط و الابداع و الحيوية اللي كان في الكوزينة يعطيك الصحة بارازار وسامي مضاعش في الانترنيت هههههه
بصحتكم واش طيبتو كلكم انا اليوم طيبت وصفة اسمهان تع البطاطا مممم يعطيك الصحة انا درتهاب الدجاج و كثرتلها الفروماج و حمرتها وصوص تع الدجاج مممم يعطيك الصحة و ربي يجيبلك الشفاء
درت عصير الهام هايل يعطيك الصحة لهوبة مممم سورتو بارد اووووو
و الحمد لله
|
المشاركة الأصلية كتبت بواسطة ام رويدة
اهلا اهلا عازفة هادي غيبة ان شاء الله المانع خير
عجبتني روووووعة…حللي وناقشي |
الله يسلمك حبيبتي
المانع هو النت مكانش راني نستعمل من عند الجيران ههههههههههههه 
التحلية سهلة و سريعة و بسيطة وامممممممممممممممممممممم تهببل تهبل 
قاطو البودوار
كريم شانتيي طلعتها بالياغورت
كمية من الفواكه عملت ( فراز – تفاح – موز – برتقال قطعتهم مكعبات صغيرة و زدت عليهم ملعقة سكر قلاسي و رشة ماء زهر و خليتهم 15 د )
عملت طبقات كالتالي : بودوار و خليط الفواكه و شانتيي و بودوار و خليط الفواكه و الشانتيي ممكن تزيني بحسب الرغبة انا عملته عادي
البودوار راح يتشرب بالعصير اللي تطلقه الفواكه و يجي اممممممممممممممممم
والله طعمه رهيب و سريع
|
المشاركة الأصلية كتبت بواسطة ام رويدة
ممممممم ولا اروووع..حطيلنا الوصفة مشكووورة
|
وصفة الغريبية و عطر البيستاش و قليلا من الملون و التزيين بالبيستاش الوصفة هزيتها من العضوة اماني
توحشتكم توحشتكم يااااااااااسر ومبروك الكوزينة الجديدة ام رويدة
اختي ام رويدة مبروك عليك العتبة الجديدة ،اطباقك واطباق اختك ماشاء الله [
الف مبروك افتتاح الكوزينة الجديدة
انشاء الله نكونو قريبين
تحياتي ليكم يالفحلات
السلام عليكم اختي مبروك عليك الكوزينة ان شاء الله بالصحة ولهنا ليك ولكامل الاخوات
لفراز كياش ندرولو باش نخبوه لرمضان ممكن طريقة لو سمحتو
