خاوتي هاذي مفهمتهاش
"التقويم المستمر سيتم احتسابه في شهادة البكالوريا"
هل يخص للذين لم يتحصلو على معدل فوق 10
ام سيتم احتسابه للجميع
هديك الوزيرة ملقاتش واش ادير باه تنعت روحها زاعما زعما يخي ولات تخرط
انا وسي مفهمتش واش تقصد بصح نورمالمون للتلاميد الكل
سوف يتم إحتاسبه للجميع ..
-انا ارى بإن هذا الرار في بعض الأمور الإيجابية
ضك نقولك ايه ينفع ماعة الانقاذ ومثلا واحد جايب الباك بالغش مثلا مدي 14 ودار هندسة يشوفو تقويم تاعو ادا لقاوزهم كامل حاطينلو تحت 10 ونقاط كارثية يرفضوه 
ahla les amis cv !
نظن يتم احتسابه للجميع عجبني هاد القرار فيه فايدة
و ربي يوفقكم هادي غيبة عندي بزااف مدخلتش المنتدى
كاش جديييييييد ؟
ومن سلبياته ان التلاميد عام كامل مع التكبياج ويديو الباك ب 9.00 ينجحووووووووووو
راح الباك ف 1970
galoha l’annee passe w ma darou walou mzltou tsad9o
الله اعلم ما علاباليش كيفاش رايحين يحسبوه التقويم المستمر و شكون هوما التلاميد المعنيين ؟
و من سلبياته ان هناك نسبة كبيرة تكون كاينة رشوة + الأساتذة لي يتهلوا في البنات و هاذي الحالة معروفة عندنا في الليسي يعني مطفرة فينا حنا و عندنا استاذ في وحد المادة ما نعيا نشاركله و نخدم في التالي نلقى 12.75 ولا 13.5 مراقبة
و انا لي كنت تاكل على الباك باش نسلك من التقويم يعني تبلعت عليا من كل جيهة و طريق اذا طبقوها على قاع التلاميذ.اضافة الى كل هذا ماذا عن المترشحين الأحرار ؟
السلام عليكم؛
الهدف من هذا القرار هو محاربة عزوف التلاميذ عن حضور الحصص طوال السنة و خاصة الأشهر الاخيرة،
هكذا سيضطر التلاميذ إلى الحضور الدائم و سيضطر المشاكسون منهم و قليلو الأدب إلى التعقّل أمام الأساتذة لأننا صرنا نسمع عن تصرفات بعض التلاميذ عجبا،
مع ذلك هناك سلبيات للقرار و هو تضخيم علامات التقويم المستمر ممن لا يخافون الله من أساتذة و إداريين و أولياء قد يدفعون الملايين بل و السيارات من أجل نقطة أو نقطتين،
في انتظار صحة الخبر و طريقة احتساب علامة التقويم إن كان الخبر صحيحا.
