جاتني فكرة بما انو احنا اوقات نديرو كاش وصفة لفحلات المنتدى و ما ننجحوش فيهم و نقعدو نخمو الخطا وين على هاى نقترح انو اي واحدة فينا تدير وصفة و ما تنجحلهاش تحطها و العضوات الكريمات يقولونا وين الخطا و هكا نستفادو كلنا
سلام
فكرة هايلة أختي
أنا البارح جربت تحلية بعصير رامي برتقال و قطع من الموز بصح ما نجحتليش جات حامضة و الأولاد قالولي فيها الريحة تع الدواء تع البانان
النتيجة ما شربنا العصير ما كلينا التحلية و زيد خسرنا البانان
اقتراح مليح لطالما عانيت في بزاف وصفات
نتمنى نلقاو تفاعل.وكي نتفكر واش فسدلي راني نفيدكم
بارك الله فيكم حتى انا اوقات ندير تطبيقات و يفسدولي ما نلقا وين نحط استفساري على الاقل نلقى جواب و المرة الجاية نصحح الخطا و نستفادو كلنا
سلام
فكرة هايلة أختي أنا البارح جربت تحلية بعصير رامي برتقال و قطع من الموز بصح ما نجحتليش جات حامضة و الأولاد قالولي فيها الريحة تع الدواء تع البانان النتيجة ما شربنا العصير ما كلينا التحلية و زيد خسرنا البانان |
وعليكم السلام ورحمة الله وبركاته
أولا شكرا أختي المعلمة الجديدة على الموضوع وفكرة مليحة
أما أختي مونيا 5 لوكان درتي عصير بذوق الموز وما تحطيش عطر الموز لأنه مر
عاودي دريه بعصير داناو ذوق الموز بالحليب أفضل من رامي برتقال لأان البرتقال مايركبش على الموز فالبنة ومتزيديش عطر الموز زأكيد راح يجيك هبال
سلام أختي
راني تبعت الوصفة إلي كانت في قسم التحليات و اتبعت الوصفة التي تشمل الموز الحقيقي و نشاء و عصير رامي
https://www.djelfa.info/vb/showthread.php?t=1242118
سلام أختي
راني تبعت الوصفة إلي كانت في قسم التحليات و اتبعت الوصفة التي تشمل الموز الحقيقي و نشاء و عصير رامي https://www.djelfa.info/vb/showthread.php?t=1242118 |
الغلطة غلطتك
أولا هي قالت حسب الذوق وأما بنظري البرتقال مما يركبش على الموز
ثانيا هي ماحطتش عطر الموز وانت حطيتيه
نقولك أنا عجبتني اليوم فالعشا نجربها ونصورها ونقولك
سلام أختي
مافهمتينيش أناحطيت الموز طبيعي مادرتش خلاص العطر
أقراي مليح واش كتبت من قبل
سلام
فكرة هايلة أختي أنا البارح جربت تحلية بعصير رامي برتقال و قطع من الموز بصح ما نجحتليش جات حامضة و الأولاد قالولي فيها الريحة تع الدواء تع البانان النتيجة ما شربنا العصير ما كلينا التحلية و زيد خسرنا البانان |
السلام عليكم بالاك يا اختي العصير في حد داتو حامض او مر تبانلي هادا هو السبب و الله اعلم
بالاكش
أنآلآن راني متخوفة من حامض الستريك ربما هو إلي دار المشكل و هنآ السؤال المطروح هل طهي عصير به هذه المادة صحي أم لا؟
المهم لا صلحلكم ردولي بالخبر
سلام
سلام أختي
مافهمتينيش أناحطيت الموز طبيعي مادرتش خلاص العطر أقراي مليح واش كتبت من قبل |
سلام حنونة
واش تقصدي بالدوا تع البنان ؟؟
حبيت نجربها على 5 ما لقيتش البنان في الدكان اللي قريب من البيت
وعد مني نجربها ونقولك
اليوم درت كيكة قدرة قادر بصح لما خرجتها من الفور و قلبتها كانت الكارثة الفلون ما جمدش و ساح مع اني طبقتها بحدافيرها ما فهمتش وين الخطا للعلم انا طبقت تاع ام انس
اسمها يكفي
بقدرة قادر باش تنجحلك ..يعني الا نجحت راها معجزة
حطي الرابط
سلام
كي يمرضوا أولادي الطبيب يمدلهم دواء بذوق الموز
وفي هذه الوصفة البانان المطبوخ في التحلية أعطي نفس الرائحة
تاخذي رائي ما تديريهش خلاص
سلام
كي يمرضوا أولادي الطبيب يمدلهم دواء بذوق الموز وفي هذه الوصفة البانان المطبوخ في التحلية أعطي نفس الرائحة تاخذي رائي ما تديريهش خلاص |
وعليكم السلام
اه هذاك الاصفر نعرفه تع الأسهال حاشاك
مارحش نجربه نشرب العصير ونستمتع بالموز وحده:d
تعرفي العام اللي فات كنت ندير كرام ديسار دانيت والله روعة يخرج صح تقول اشريتيه