من فضلكن اللي جربت حلوة مربعات حلوة الترك حابة نعرف نوع الشيكولا المستخدمة لاني حابة نطيبو غدوة ..و عندي مشكل مع الشيكولا ماتنشفش او تجيني يابسة و حلوة . و ايضا حبيت نعرف كيفاه ندير الخطوط هذوك اللي فوق؟؟…راني في الانتظار..شكرااااااااا
ولا رد؟؟؟ انا مستعجلة جدا
السلام عليكم
أختي أنا نستعمل mina ندير وحدة اللي la boite نتاعها noir والباقي bleu ولا أي لون واحد آخر على باش ما تجيكش مرة ياسر …….على طريقة استعمالها أنا نديرها في bain marieونزيدلها شوية حليب وقطرات زيت وكي تذوب نحيها من افوق النار ونخلط مليح خلاص راهي تولي تبرق .وقلاصي الحلوى نتاعك ومن بعد ما تبردشوي ديري الخطوط هاذوك
أنا نذوب الشيكولة بنفس الطريقة السابقة mais لازم تجيك ثقيلة ياسر يعني ما تكثريش الحليب باش ما تسيحلكش وتحافظي على شكل الخط كي تديريه وحطيه في ساشي عادي أنا ندير هادوك الصفورة العاديين ونثقبها ثقبة صغيرة برك وديري الخطوط ديالك حاولي تقربيهم عند بعضاهم باش يجي شكلهم باهي .
أختي الشكولاطة مينا راهي ما تجمدش بسرعة على هذا ماتخافيش أذا ما جمدتش بالخف راهي كي تبدا تجمد تولي تلصق ما تخافيش منها
++++++++++++++كاين اللي يستعمل هاذيك نتاع les plaques شخصيا ما تعجنيش لا طعم مليح لا زي باهي وما نعرف بالاك يفيدوك الاخوات على كاش نوعية مليحة وإذا ما فهمتيش جاحة أختي راني هنا
بالتوفيق والسلام عليكم ورحمة الله تعالى وبركاته
ادعيلي معاك 
بارك الله فيك اختي على جوابك…قصدك شيكولا منى؟…
|
المشاركة الأصلية كتبت بواسطة كنوز البحار
 بارك الله فيك اختي على جوابك…قصدك شيكولا منى؟…
|
إيه أختي منى
أنا خدمت هذا القاطو في العيد الكبير لفات و حطيت الصور هنا في المنتدى .
و خدمت بشوكولا منى بصح ماشي الشوكولا السوداء خطراها تجي مرة بزاف
راه فيها عدة أنواع .
المهم كيما قالت الاخت زدتلها شوي حليب و شوي زيت أقل من نصف المغرف
و زيدتلها شوي كاكاو خطراها انا ثاني ما نحبهاش حلوة بزاف
و الخطوط درتهم بالسوغانق (حقنة) جديدة و نحيت الإبرة و نعمرها بالشوكولا و ندير الخطوط
الحقيقة أنها فعالة جدا جدا .
و كنت نطلي ثلاث حبات طاقو و من بعد ندير الخطوط و هكذا .
و كي كملت غطيت القاطو و خليتو لغدوة لقيتو نشف.
|
المشاركة الأصلية كتبت بواسطة كنوز البحار
من فضلكن اللي جربت حلوة مربعات حلوة الترك حابة نعرف نوع الشيكولا المستخدمة لاني حابة نطيبو غدوة ..و عندي مشكل مع الشيكولا ماتنشفش او تجيني يابسة و حلوة . و ايضا حبيت نعرف كيفاه ندير الخطوط هذوك اللي فوق؟؟…راني في الانتظار..شكرااااااااا |
ان جربت الشيكولا منى وزدتلها شوية حليب والقليل من الشونتي وحطيهم فوق النار وحركي عليهم كي يعقدو مليح وتنحيهم من فوق النار ديريلهم شوية ظبدة باش تبقى طرية
استخدمي شكولا الاوراسية تتباع بالكيلو 250دج هي الي فور ما نستغناش علاها قبل ما دوبيها قطعيها اجزاء صغيرة و زيدي الحليب و حركيها باه ما تتحرقش
