اود ان اطرح مشكلتي
تقدم ليخطبني شخص من نفس حينا شاب عادي ماهوش قاري والخدمة ديالوا ماشي باينة خاطرش نعرفوه على اساس جارنا وفقط يعني مانعرفوهش مليح لا هو ولا عائلتو وانا حرت هل اوافق ام لا للاسباب التي سأسردها لكم الان المهم هذو الناس كانوا في واحد الوقت عائلة بسيطة جدا الاب عامل بسيط و الام ماكثة في البيت و الابناء يدرسون ولكن ما نجحوش غير واحدة لي راحت للجامعة والاولاد الذكور ما داروا والو قعدو ايدوروا في الحومة و ما عندهم حتى مستوى باش يلقاو خدمة مليحة في يوم من الايام وفجاة شراو سيارة مع انو والدهم عامل بسيط ولكن كل شيء عادي بلاك ورثوا مبلغ امبعد ووفجاة ترفهوا اشراو فيلا بصح ماسكنوش فيها قعدوا في منزلهم المتواضع وخلاو الفيلا شاغرة يستعملوها كي تكون عندهم مناسبة لان منزلهم ضيق امنبعد شراو محلات و اصبحوا لديهم 3 سيارات هكذا بين يوم وضحاها اصبحوا اغنياء وانا لي محيرني كيفاش كانوا وكيفاش صاروا في وقت بسيط ماتقولوليش ربحوا اللوطو لانه ليس هذا والاولاد عمرهم ماخدمو وماراهومش عائلة كبيرة وعريقة هي بسيطة جدا والاب يعمل عمل بسيط جدا حتى واحدة من اخواتو قرات معايا كانت فتاة عادية جدا حتى انها كانت ثشكي كي مايحبش باباها يشريلها حاجة بسبب انو ابوها دخلوا بسيط راكو تعرفو قصص البنات يحبوا يلبسوا الخ و الان ولات تلبس غير الماركة ودوكا شراو حانوت في منطقة معروفة بارتفاع أسعار العقار فيها انا نحكيلكم ماشي نحسد ولا بصح انا راني خائفة نقبل بالسيد لاني توسوست نخاف اكونوا هذوا دراهم لحرام وانا مستحيل نقبل بواحد يربح دراهمو بطريقة غير شرعية مستحيل افضل واحد بسيط و دراهمو حلال والا واحد غني ودراهمو حرام ومن جهة نخاف نكون غالطة و نظلمو بصح الشكوك تراودني حتى والدي ماهوش مقتنع بيهم لهذا حكيتلكم القصة باش تعطوني رايكم من بعد اخر و شكرا
السلام عليكم
كلامك عزيزتي مبني على إستنتاجات ……………………………تاكدي بحجة قاطعة ثم قرري ……..
باينة اونساج اختي راهم عندنا كيما هاك سيارت وسكانت واش نقلك وهم لابارح الواحد منهم مش قادر يشري سيجارة. لذلك أنصحك ابتعدي عنهم فهذا افضل لك. ما دمت تشكين في مصدر رزقهم الاولى ان لا ترتبطي به.
"وَمَن يَتَّقِ اللَّهَ يَجْعَل لَّهُ مَخْرَجًا () وَيَرْزُقْهُ مِنْ حَيْثُ لَا يَحْتَسِبُ "
علاش تسبقو الحرام اختي من يدري بلاك ربي رزقهم من خيرو .
و اذا كانوا حرام الحرام ما يدومش مع الوقت يذوب الثلج و يبان المرج انت انتظري شوي حتى تتبيني الامر .
ربي يسهل
السلاام عليكم
اختي بما انكم جيرااناكيد تسمعي خبر هاك واللا هاك
وصي الوالد تاعك يسالك ملييييييييح عن مصدر المال، ربما ورث
وان كاان مصدره حرااما صدقيني محااال اهل الحي يكونوا على غير درااية بذلك
لانو هنا في حينا كل شيء وااضح، وكلنا نعرف بعضنا تماام المعرفة
صلي الاستخاارة ثم قرري
موفقة
hhhhhhhhhhhh sbhan lah
باين حرااااام عندنا جيرانا كانو كيما هك فجاة اصبحو ملياديرين اللهم نسالك العفو والعافية
ابحث عن مصدر رزق زوج المستقبل من الامور المهمة، التي يغفل عنها الكثير، فالسؤال من أين لك هذا صعب في هذا الوقت لكن الشبوهات كثيرة ، وتبيض الاموال منتشر بشكل رهيب ومن الافضل لك التحقق منشكوكولو أنه من الصعب لهذا الابتعاد أعتقد انه أفضل بالتوفيق
ابحث عن مصدر رزق زوج المستقبل من الامور المهمة، التي يغفل عنها الكثير، فالسؤال من أين لك هذا صعب في هذا الوقت لكن الشبوهات كثيرة ، وتبيض الاموال منتشر بشكل رهيب ومن الافضل لك التحقق من شكوكولو أنه من الصعب لهذا الابتعاد أعتقد انه أفضل بالتوفيق
المهم الصوارد……………………..ما جبتوش كامل الاخلاق و الدين
في هاد البلاد……….لي كلاش لحرام…..راهو يبروفيتي
ناقشي نفسك غير بالعقل تفهمي…………..
باباك علابالو لكن مايحكيلكش
خليه هو يجيب الصح نتعهم………..خليلو وقت برك
لونساج لوكان نلقالو الطريق….نطرطق الدنيا….و نجيبها من الهند
هههه
اختي ما عندكش حل اخر من غير انك تتاكدي من مصدر رزقهم ومن هنا تقدري تقرري ادا رزقهم حلال توكلي على ربي وادا حرام بعدي عليهم وربي يعوضك باحسن منه
هههههههههههههههههههههه مازال معرفتو مصدر رزقهم كخخخخخخخخخخخخخخ
