قبل أربعة أيام قررنا أنا و زوجي أن استضافة أهله (شيخي -عجوزتي-طفلتي +2 أولادها+طفلتي +طفلتي +2 سلافي+أختي)
و طبعا لازم دراسة و تمحيص
فقررت عمل وصفات من منتداي الرائع (أكيد عرفتوه ههه)
و كتبت قائمة طويلة عريضة من الأغراض لزوجي و قلت له (كثر دراهمك)
و طبعا زوجي كريم للغاية (فيما يخص العرضات ههه)فأصبح يطالبني بأن أتذكر أشياء أخرى حتى يشتريها هههههه
و حان الموعد المنشود بدون ذكر ترتيب البيت و التنظيف
قلت حان الموعد المنشود أمس
قمت على السابعة النصف على طرق الباب فإذا بأختي أتت لتساعدني
بعد الفطور.عجنت المطلوع بيد واحدة فيدي الأخرى مجروحة (تحبو نصورها ثاني ههههههه)
و طلبت من أختي عمل التحلية الرائعة التي أخذتها من هنا
https://www.djelfa.info/vb/showthread.php?t=1421211
و كنت أول أمس قد طبخت التفاح في السكر كما تقول الوصفة و خليتو يبرد
و كنت أيضا راحية الدجاج فقمت بتغليف الزيتون الأخر بالدجاج و هي وصفة أم رامي في ملف الب دي أف و قمت بقليه في الزيت و تركت لونه فاتح
في هذه الأثناء خبزت الكسرة المطلوع (ما صورتهاش يخي كامل نعرفو المطلوع)
كل هذا و أختي تصنع التحلية (بتوجيهات مني طبعا)
نفتت القاطو أولا .ثم التفاح فوقه
ثم الفلون و هنا انا غيرت في الوصفة و حطيت الفلون و من الفوق زينت بالأناناس و برش الشوكولا
كل هذا قبل أن يأتو
في الثانية زوالا دخل الضيوف(أهلا و سهلا بيكم)
فقدمت لهم القهوة و الحليب مع المسكوتشو (و نسيت باش نصور) (بصح صورت اليوم الصباح لما حطيت الفطور لأختي و أطفلتي خطراها باتت مع أختي عندي)
و على الثالثة و النصف بديت نطيب
درت الفريك مع اللحم (ما صورتوش نسيت)
و درت طاجين الزيتون بالدجاج و البطاطة المقلية و حطيت ساير داير كرات الدجاج
عملت سلطة الأرز بالمايوناز و التونة و الماييس و الجزر
و هاذي درتها بالخيار بصح هاذي مش واضحة بصح مش مقلوبة
و هاذي واضحة و مقلوبة و انتوما شوفو كيفاش ديرو اقلبو الميكرو باش تشوفو و خلاص ههههه
و هاذي قوارب البطاطة بالدجاج و الفرماج بصح لم أصورها بعد الطياب للأسف .
وضعت فوقها الفرماج و بعد الطياب أصبح طبقة ذائبة روعة و هو أحسن طبق عجبهم
و طبعا هاذي ليكم كامل (بصح ما متتعافروش عليها ههه)
:m h31:
صراحة روعة روعة انك قدرت تجهزي و تتحفي انا لما تكون عندي عرضة و الله علي الشخشوخة لاني انسانة نتفرفد كي يجيوني الناس و ايضا اولادي صغار و الله النصيب برك و نحير معاه انا ليومنا هذا و الله ما عرضت واحد غير كي عادو ولادي صغار يبقاو يبكيو يحوسو علي الحليب و تبدال الكوش و غيرها امالا قلت خلي يقولو واش يحبو يقولو مجداقه و لي حبو المهم و الله غير اعجبتيني و الله نحاول انا تاني ندير عرضة هكذا ان شاء الله و نحطلكم الصور
شكرا سارة
و الله سعدت كثيرا بردك
واش فيها شخشوخة ماهيش ماكلة ؟
أنا نوت على الشخشوخة
و كيما قلتي لي عندو أطفال صغار ما يقدر يدير والو
بصح عيطي لختك أو أحد أقاربك يعاونوك ما فيها والو.
allah ybarek suuur kharjooo men darak ferhaniiiin
ya3tik lsaha
allah ybarek
حادكة تبارك الله عليكم
أحلى تقييم+أحلى شكر
شكرا لكما خديجة و رشيد
و بارك الله فيكما
سارة5
أكيد خرجو فرحانين
و عجوزتي أعطاتني 12/10
يعني زادتني زوج نقاط فوق 10 ههه
ماشاء الله عليك خالتو
ربي يديم لك صحتك وجهدك
ولله براااااافو عليك نستعرف بيك
بصح راني نستنا فيك باه تعرضيني حتى انا هههههههههههه
أهلا و سهلا بيك يا نور
أرواحي برك راه كلشي ساهل
شكرا لك و يعطيك الصحة على دخولك لموضوعي و المشاركة فيه
الله يبارك
السلام عليكم ورحمة الله وبركاته
الله يعطيك الصحة ويجازيك على قد نيتك
هكذا تكسبين ود زوجك ود اهله
كل شي باهي
وربي يدوم هناكي
ملكة الامل
فتيحة
حنان
شكرا لكن على تشريف موضوعي و الرد عليه
بارك الله لكنّ .
يعطيك الصحة يا لالة ,,راكي قمتي بيها كيما يلزم
براافوو
