السلام عليكم غالياتي
حلوى ليزاموندين حلوى معروفة هي عبارة عن عجينة الصابلي نحطها في لي مول ونحط في الوسط كريمة فرانجيبان لي هي عبارة عن زبدة ولوز وسكر وبيض وكمية من الفرينة
انا اليوم عملت لي زاموندين بحشوة مختلفة بدل كريمة الفرنجيبان عملت المورانغ مع اللوز والنتيجة كانت راااائعة
المقادير
العجينة:
250غ مرقرين
125غ سكر رطب
2صفار بيض+بيضة كاملة
ملعقة صغيرة فاني
500غ فرينة
الحشو:
2بياض بيض
100غ سكر
فاني
175غ لوز مرحي
للتزيين:
رقائق اللوز محمصة
ناباج
كرز معلب
معجون
الطريقة:
اولا نحضر العجينة
بواسطة الخلاط الكهربائي نخلط السكر والمرقرين جيدا نضيف الفاني والبيض ونخلط ونضيف الفرينة ونلم العجينة دون عجنها نغطيها ونخليها ترتاح.
في هذا الوقت نحضر الحشو
نحضر المورانغ انا استعملت طريقة الغالية ميميشة ربي يحفظها وترجع تنورنا من جديد
حطيت اناء به ماء على النار لما يغلي الماء نقص للنار تماما ونحط فوق الاناء صحن به بياض البيض وكمية السكر المذكورة في المقادير والفاني وبخفق باعلى سرعة بواسطة الخلاط الكهربائي حتى يبيض الخليط ننزع الصحن من على النار ونستمر في الخفق حتى يبرد الخليط تماما وهذا شكلها
نضيف للمورانغ 175غ من اللوز نحرك الخليط ونتركه جانبا
لتحضير هذا الحلوى نحتاج الى هذا النوع من لي مول
ندهنهم بالزبدة
نبسط العجينة بالحلال حوالي 4مم ونقطع دوائر ونحطها داخل لي مول نثقبها بالشوكة ونحط داخل كل حبة كمية من المعجون مانكثروش غير شوية
نحط كمية من الحشو في كل حبة
ندخل الحلوى للفرن يكون مسخن مسبقا على درجة حرارة180درجة حتى تطيب
بعدها نخرجها من الفرن ونخليها تبرد ثم ندهنها بالناباج اومعجون مخفف بشوية ماء زهر ونحط فوقها رقائق اللوز المحمصة ونرش عليها شوية سكر ونزينها بالسوريز كونفي
ونحطها في حاويات ورقية ونقدمها وهذا شكلها
عن قرب اممممم
نتمنى تعجبكم الحلوى ولاتنسوني من صالح دعائكن غالياتي ولكن بالمثل
في امان الله
هايلة اختي ام اماني شكرا
شكرااااا اختي سعدت بمرورك
ماشاء الله روعة
تسلم الايادي
فعلا مبدعة
رووووووووووووعة حبيبتى ربى يعطيك ما تتمنى دائما متالقة هذوك لى مول ماشى تاع القنيدلات كيما ليتارتولات وهوما صغار ارجو التوضيح لانى ذهبت للسوق وشريت طابع السلطانيات التاعك ووجدت ليمول مثل التارتولات وهوما صغار حبيت نشريهم لكن ماكانش فى بالى اى وصفة تجى فيهم وشكرااحبيبتى ننتضر منك كل جديد
روعة الله يبارك مبدعة عن جد وربي يعطيك ماتتمناي آمين
روووووعة ماشاء الله يعطيك الف صحة
ممممممممممممممم يعطيك الصحة عزيزتي دائما متميزة الله الله عليك ما شاء الله ربي يحفظك و ربي يرزقك من واسع خيراتو
بارك الله فيك رائعة سلمت يداك
وصفة رائعة…….يعطيك الصحة
الله يبارك حبيبتي على الوصفة مشكورة وجزاكي الله خيرا على مجهودك
الله يبارك اختي ام اماني
يهببببببببببببببببلو
تسلم الايادي الف الف صحة و عافية
يعطيك الصحة
انموت عليهم يعطيك الصحة ابعثي لي حبات
شكرا غالياتي نورتن صفحتي